ملتقى المعسكرات: رؤية جديدة (ديسمبر 2016)

رسالة الى المشاركين ما قبل الملتقى

مراحب يا اهل الخير ورفاق الحلم،

نباشر انا وحسام لقاءات فردية منذ الاسبوع الماضي معكم لكي نضع تصور اولي لبرنامج عمل للملتقى المخطط تنظيمه والمقترح من ١٢-١٥ ديسمبر ٢٠١٦ في الفيوم. قابلنا فهد الرياشي في بيروت وتكلمنا مع منصور ومجد ولقاء اولي هاتفي مع ميسرة. منصور وعد بإرسال افكار لبرنامج الملتقى ومهمتنا انا وحسام الاسبوع القادم لقاء اكبر عدد ممكن من هذه المجموعة بشكل فردي لتطوير مقترحات افكار وبناء برنامج الملتقى.

لذا سنباشر التواصل مع كل منكم بشكل فردي لتحديد موعد للمقابلة الشخصية او الافتراضية.

المحاور الاساسية التي سنتكلم عنها خلال الملتقى هي: معسكرات الفتية - معسكرات الشباب - افكار في اعادة احياء مشروع تدريب المدربين (الذي نظمته أضف من ٢٠٠٨ حتى ٢٠١١ والذي ساهم بشكل كبير في بناء شبكة أضف الاولية) وكما هو عنوان الملتقى الهدف الكبير هو اعادة التفكير بالرؤية واهداف برنامج المعسكرات بعد ١٠ سنوات من معسكرات الفتية و٣ سنوات من معسكرات الشباب. لذا نشجع كل المشاركين اعادة قراءة الرؤية والاهداف من منطلق واقعنا اليوم حيث ان هذه الافكار تم تطويرها منذ ١٠ سنوات وبالتالي اعادة النظر في الثوابت امر اساسي جدا للانطلاق لمرحلة تقارب اكثر واقعنا اليوم وما نحتاج ان نحدده كأولويات للعمل.

افكار مبعثرة:

• التقنية و التعبير - البرمجة والحكي كفرعين اساسيين يتفرع منهم برنامج يدمج بين انواع الميديا المختلفة
• مش بس مصادر مفتوحة!
• هل لمعسكرات الشباب تأثير يرجح استمراره؟
• تدريب المدربين كأداة لاعادة تحريك الشبكة وبناء جديد يصب في برامجنا او مشاريع شركاؤنا (هل يكون بديل عن معسكرات الشباب؟)

المدعوون

الفريق المنظم: رنوة يحيى، حسام شكرالله، لمياء مجدي

• لينا عطالله (لم تؤكد)
• منصور عزيز (لم يؤكد)
• ميسرة عبدالحق
• محمد عمار
• أحمد غربية
• داليا عبدالله
• سناء سيف
• أمينة علام
• شادي سعيد
• مجد الشهابي
• أحمد السروجي
• محمد سلطان
• محمد محروس
• حنين طارق (تستطيع الحضور يوم واحد فقط)
• سلمي سعيد
• عمرو جاد

ملف بمحتوى أوراق الملتقى

• جدول الملتقى

• قائمة بالمشاركين (أدوراهم- Brief Bio-تليفونات-إيميلات)

• الأهداف التربوية

• الرؤية التربوية

اللقاءات التمهيدية

الحوار مع محمد عمّار

الحوار مع ميسرة عبدالحق

توثيق الملتقى

الجلسة الاولى: انت هنا ليه؟

• عمرو: دكة. مجموعة من الانشطة نشر استخدام الشباب للتكنولوجيا لانتاج الفنون والفرق ان الفئة العمرية اكبر من المعسكرات. انا بالنسبة لي ازاي التربيطة تحصل في المعسكرات او شمشر يتم تنفيذها في دكة وازاي نتحكم في ده. دكة تستفيد من مدربي المعسكرات ومدربين اخرين ونجربهم ونحاول ان يتم اختبارهم وننفذ ورش ثم نقرر لو حنكمل معاهم. نعمله بشكل مستقل ثم كمان ابتدينا نتعاون مع شمشر عشان مدربين من عندهم لكي ننفذ ورش اصغر

• سلمى: شمشر. انا هنا عشان اسمع اكثر عن الشغل في المعسكرات وعارفة ان في علاقة بين المشاريع خصوصا ان شمشر اتبنى من فكر المعسكرات وطول الوقت فيه تخيل ان يحصل تظافر اكثر في المشروعين اما نعمل حاجات مع بعض. بعد اول دورة لشمشر نقدر نقول اكثر ونحلل اكثر ونشوف نقدر نعمل ايه في السنة الباقية من العمل المشترك ما بينا. عندنا افكار احب اناقشها هل ممكن ننظم تدريب مدربين سوا؟ مهتمة ازاي ممكن المتابعة ممكن تولد ادوات وتزيد التمويل وشراكات

• ميسرة: موجود من ٢٠٠٩ كنت مدرب في حاجة اسمها وب وبعدين كمبيوتر كفتة واللي كان بيركز على التقنية وبيحاول يحل مشكلة قلق ان مجالات الصوت والفيديو الناس اللي فيها فنانين و perfectionists

كنا بشكل واعي نلعب حاجات بالمزيكا والفيديو والستوب موشون من منطلق تقني وان في برمجيات حرة وفيه سياسة من وراها والهدف ازالة الابهام عن التقنية. ٢٠١١ لما أضف بقت مؤسسة جيت اشتغلت مع الفريق التقني. وحضرت على فترات متقطعة التفكير في معسكرات الشباب وفاكر حالتين ان ناس مدربين يتكلموا عن معسكرات ليهم واول مرحلة ليه كان اسمه معسكر الاعلام التيمة كانت اننا نشتغل مع الاعلاميين الشباب. في ٣ حاجات ليها علاقة بي شيء مركزي اسمه اتاحة المعرفة ما بين ان يبقى فيه مصدر معرفي للمعسكرات وان المعسكرات تستمر لانها شيء معدي وانه يمكل يكون . تراكمي.

• أمينة: ٢٠٠٩ كان عندي ١٢ سنة وبعدين كمان معسكر وبعدين سنتين ليدر وبعدين سنة ادارة وبعدين تدريب الليدر. انا حاسة اني بقيت كبيرة. عايزة افهم هم في ٢٠٠٨ كانوا عاملينه ازاي لايق علينا عشان نفكر دلوقتي ازاي نعمل للجيل الاصغر. من الحاجة اللي بتطور مع الوقت، اكتشفت انا عايزة اعمل ايه من بدري وازاي مع السنين المجالات في المعسكرات بتزيد وبتوفر فرص عمل بعدين

• عمار: ٦ سنين تجربة جديدة عشان جاي من مكان بيزنس. بحاول انقل المعرفة من ساعة التحاقي بأضف مسؤول تقني للمعسكرات واول مرة اتعامل مع مشروع يتعامل بال scale ده وبالطريقة دي

واللي فهمته من اول لحظة اننا جايبينهم يستمتعوا وفي السكة نحاول نديهم معرفة. انا هنا عشان نفكر ازاي ممكن المعسكرات تكون متطورة اكثر واكثر مواكبة للوقت دلوقتي وازاي المشاريع التانية ممكن تضم. الطاقة البديلة كفكرة مجال جديد. افكار مثل استخدام تابلت وده يستدعي تغيير كبير فكرة ان يكون ديناميكي اكثر ويتحرك بإنسياب اكثر. ازاي نوفر بيئة امنة للمعسكرات

• سروجي: معسكرات الشباب ٢٠١٥ ومن هنا جت لي شوية افكار لحاجة حصلت في المعسكر نفسه عن الفقاعات وادارة الجداول والمساحات المفتوحة وقرأت عنها اكثر واكتشفتها اكثر وحاولت اعمل شوية شغل مع أضف خلال السنة وبعدها شاركت في معسكر لبنان وقدمت حاجة عن الفقاعات في كل ده انا كنت مهتم بالليونة وانها مفتوحة مع اني حضرت معسكرات كثير قبل كده لكن ما جربتش حاجة زي أضف. دلوقتي جنايني الويكي في أضف. بعمل اعادة هيكلة للويكي بالتالي اروح لكل حد في المشاريع المختلفة وافهم. جزء تقني وجزء ازاي نستخدمه عشان نشتغل مع بعض. علاقة الويكي وأضف بفكرة التوثيق والارشفة. انا من الحاجات اللي مهمة لي حاجة ليها دعوة بالاحتمالات والامكانيات المحتملة وكان عندي سؤال له علاقة بالاستمرارية الزمنية وسؤال هل تكمل معسكرات الشباب احب اسمع من سلمى عن تدريب المدربين وكنت بفكر نعمل حاجة زي خريجي المعسكرات الفتية والشباب وهل ده ممكن يكون مفيد

• داليا: ابتديت اتعرف على المشروعات كلها في السنتين اللي فاتوا وكلام عن افضل استخدام للموارد. انا جاية بهدف التعلم وفهم المشاريع بعمق اكثر ومغري اني افهم معسكرات الفتية اللي أضف اتبنت على أساسه. التكامل في المشاريع لم يحصل بعد وحاسة ان الملتقى ده حيعطي فرصة لده. حاسة ان مجموعة معسكرات الفتية اللي هنا الجيل التاني ده مهم اننا نستفيد بالرؤية اللي شبههم. عندي علامات استفهام عن جدوى معسكرات الشباب وفكرة تدريب المدربين اقوى وانا حاسة ان المجتمعات دي محتاجين نأثر على الجيل الصغير وبالتالي حاسة ان الحراك يركز هناك

• محروس: حكايتي مع المعسكرات في ٢٠١٤ وبالصدفة موضوع اني سايب اضف بقالي سنة لكن بفضل اعمل حاجات من روح أضف في اي حاجة بعملها. شايف ان في حاجات محتاجين نتكلم فيها اساسية في موضوع المعسكرات هل متمسكين في المصادر المفتوحة وعلاقة الفتية والشباب من عدمها؟ حاسس ان اللي محتاج كلام اكثر هو معسكرات الشباب

• مجد: بلشت في أضف بالصدفة قدمت على معسكرات الشباب وبعدين بقيت مطور البرنامج. في أخر المعسكر فكرت شو عملت في ال ٣ اشهر الماضيين اول شي اني انتقلت من برلين لبيروت. وفكرت شو حققنا بال ١٠ ايام المعسكرات وقبلهم اجتماع شهر ٤ ثم شهر ٧ وبعد ما خلص المخيم فكرت شو كان الهدف من معسكرات الشباب وسمعت كتير اشياء من كتير ناس بس في اهداف قريبة المدى واهداف بعيدة المدى واتأمل ان نعرف لو في معسكر السنة الجاي شو اهدافه ونثبته بنموذج للتغيير اللي عم نشتغل ضمنه وكيف رح يتواصل هيدا الشي واذا رح يكون في مكتب لبنان

• شادي: في المعسكرات من ٢٠٠٨ ثم ليدر ثم مدرب. انا هنا ليه عشان فيه حاجات عايز اتكلم فيها مع الناس للي مش معسكرات فتية. لما اخدنا المعسكرات هل المعسكرين القدام اللي يجولنا نعمل ايه هل عايزين نتخصص اكثر وعايزين نتأكد ان الوقعات ما تحصلش. المفاهيم حرية ابداع تعبير ازاي؟ هل شغالين تعبير او تعبير بإستخدام ادوات.

• حسام: ٢٠١١ وبيت الجرنال وبعدين مدرب فنون وبعدين مدير. هدف الملتقى ان مش منطقي ان أضف كمؤسسة يكون فيها برامج مختلفة انهم مش شغالين مع بعض وشايف ان دي مشكلة ان الاساس هو معسكر الفتية ده اللي اتبنى عليه كل المباديء وبالتالي الاهداف التربوية والرؤية التربوية اللي بنستخدمها قامن في ٢٠٠٨ من الفريق المحوري وبما ان فيه جيل تاني مفيش علاقة في اللي بنعمله وبالنقاشات للرؤية اللي حصلت. بعد ١٠ سنين معسكرات نقدر تطور حاجات جديدة وفيه تغييرات كتيرة حصلت في المعسكرات اعادة دراسة للي بنعمله وعشان كده الطرح اللي داخلين بيه مبني اننا مش مشاريع مختلفة اننا مشروع واحد بهدف واحد الفتية وازاي كل مشروع بالموارد او مساحة او معرفة ازاي ده كله يزق على الفتية. وبالتالي الخطوة التانية اننا نعرّف المفاهيم ونحدد اهدافنا بعدها لكل مشروع. انا مش ضد ان معسكرات الشباب يكون له هويته لكن استخدام معسكرات الفتية كمبدأ فكرة كويسة لتجنب التنظير

• رنوة: في ٢٠٠٨ الجيل الاول اجتمع هنا في نفس المكان اللي احنا فيه بعد اول تجربة معسكرات في ٢٠٠٧ ونظّرنا للمشروع وطلعنا برؤية من التجربة ومن اللي كنا شايفينه مهم يتطور وقتها. أملي ان الجيل الجديد اللي مسك المعسكرات في ٢٠١٦ هو يطلع في الملتقى ده بالرؤية اللي شايفها مواكبة للي مهم يتطور دلوقتي. انحيازي لفكر الجيل التاني زي ما هو انحيازي للفتية.

الرسالة اللوجيستية

أعزائي المشاركين

أشكركم على تلبية دعوتنا للمشاركة في ملتقى الذي سوف يعقد في بقرية تونس بالفيوم من ١٢ الى ١٥ ديسمبر ٢٠١٦

وفيما يلي أهم المعلومات الوجستية:

للقادمين من خارج مصر:

المطار: عند الوصول الى مطار القاهرة الدولي، سوف يكون في انتظارك في منطقة التخليص الجمركي السائق حاملا لافتة عليها اسمك. في حالة إلغاء أو تأخير رحلتك الجوية يرجى الاتصال بالمسؤولة اللوجستية وسوف يعيد تنظيم انتقالك من المطار.

تذاكر الطيران والتأشيرات: سوف نغطي مؤسسة التعبير الرقمي العربي (أضف) تكاليف الرحلات الجوية الخاصة بك، وسوف نسدد لك أيضا أي رسوم دفعتها للحصول على التأشيرة أو المواصلات إلى المطار في بلدك. يرجى الابقاء على أي إيصالات.

الإقامة: سوف تغطي مؤسسة التعبير الرقمي العربي (أضف) مدة إقامتك بالفندق إقامة كاملة في غرفة ثلاثية.

الانتقال لمقر انعقاد الملتقى: تقوم مؤسسة التعبير الرقمي العربي (أضف) بترتيب حافلة للانتقال من مقرها بالمقطم، فيلا 143 - شارع 8 متفرع من ميدان النافورة - الهضبة العليا، وحتى الفيوم والعكس. تتحرك الحافلة في تمام الساع٩ صباحا مساء يوم ١٢ ديسمبر. إذا كنت نباتيا أو لديك موانع معينة من أي نوع من أنواع الطعام نرجو إبلاغنا بذلك. احتياطيا ضع في حسبانك إمكانية وجود ناموس/عقص بالمكان.. فنرجو أن تحضر معك إزالو او أوف او ناموسية للأطفال أو ما تراه مناسبا.

توزيع الغرف

اقتراحات قابلة للتعديل

• رنوة، أمينة، سناء والاولاد
• مجد، ميسرة، غربية
• عمار، محروس، سروجي
• حسام، شادي
• عمرو، سلطان
• داليا، سلمى

احتياجات من فريق الدعم التقني

• عدد 2 مُسجل صوت
• عدد 12 بطارية صغيرة لجهاز التسجيل
• Data show
• Printer
• كاميرا
• عدد 2 USB Flash
• تجهيزات الانترنت

احتياجات إدارية

• احتياجات البريك
• ١٥ أجندة
• ١٥ قلم جاف
• فيلب شارت
• 10ورق فليب شارت
• 9أقلام ماركر
• 1مقص
• 1لاصق
• دبابيس (كتير)
• بلوستيك (2)
• استيك (كيس)
• أوراق للطباعة A4
• اوراق للطباعة ملونة
• بانادول
• كريم جروح
• ادوية برد
• قطن
• بيتادين
• كريم شمس
• كلاريتين للحساسية
• كالاميل

ساحة الاجتماعات

• سوف يتوفر فى الساحة

كيتل وسكر وشاي ونيسكافيه ولبن وتنويع بريك (بسكوت ونواشف) وفاكهة

مهام الفريق التنظيمى أثناء الملتقى

لمياء

• الترتيب مع الفندق والتأكيد على المشاركين على إحضار البطاقة

• التنسيق مع الفندق لتجهيز أماكن الأجتماعات ومواعيد الوجبات

• توفير الإحتياجات اللوجيستية والمعدات والأدوات التى سوف يتم استخدامها أثناء الملتقى

• طباعة محتويات الورش وتجهيز ملف كل مشارك قبل الجلسات

• حجز أتوبيس للسفر من مقر أضف إلى الفندق للمشاركين والعودة

• توفير بريك أثناء الورش

حسام

• تنسيق توزيع الادوار لتوثيق نقاشات الملتقى

• تنسيق توثيق الاجتماعات من خلال التسجيل الصوتى وتفريغ محتوى المسجل الصوتى (والله ما هينفع) هههههه

• تصوير flip chart بعد كل جلسة وكتابة اسم الجلسة عليها

• تنسيق تصوير الجلسات فوتوغرافيا وفيديو