تيمات مدارس 2019

تيمة	المدينة المُتخيلة
الوصف	إنتاج أفلام قصيرة إلى جانب لعبه فى مدينه افتراضية مبنيه علي قصه وسيناريو من تخيلات المشاركين سيتمكن الفتية من تصميم لعبه رقميه على سكراتش، بداية من التعرف علي أساسيات السرد القصصي و أساسيات التصوير و المونتاج وتعديل الصور وتحويلها لكارتون وفصل الكروما، إلى جانب التعرف على مبادىء البرمجة، واستخدام الزووم في التسجيل.
مُيسرين التيمة	دينا وإسلام على
عدد الجلسات	24
المُكعبات (مراحل التطبيق)	بناء القصة رسم الشخصيات الفكرة وتطويرها الزمن وحدات البناء في سرد الفيلم (السرد عن طريق بناء تتابع من اللقطات ، الرسم كطريقة للحكي ) غمض عينيك: ماذا لو - الشخصيات والعوالم تغيير قصة وشخصيات العناصر الأساسية للصوت انتقال الصوت أنواع ملفات الصوت أنواع الصوت تسجيل الصوت النسيج الصوتي الديناميكس الزمن أنواع النغمات الايقاع خلق أصوات حية اللقطة - حجمها - زاوية الكاميرا \ لقطة - التكوين أنواع حركة الكاميرا وموقعها مثلث التعريض تقسيم الأدوار ظروف التصوير المختلفة فصل الصوت عن الفيديو واختيار أصوات جديدة وتسجيلها أساليب المونتاج وسائل الانتقال المونتاج الرقمي التعامل ما واجهة نظام التشغيل إنشاء مستخدم جديد و حذفه شجرة الملفات تصفح الأنترنت إزاي الحاسوب بيفهمني (أنا الحاسوب/ مغمض ،عوائق ـ) الخوارزميات (الساندوتش) سكراتش تصوير فونغرافي ( آحجام اللقطات - زوايا الكاميرا - تعديل جيمب )(صياغة حكاية عن طريق لقطات متفرقه ) بوستر علي جيمب كولاج رسم( اعرف الآخر عن طريق الرسم) كوميكس الألوان ( الضوء الابيض ونظام ال rgb ) الصيغ المختلفة للصور
المخرجات المتوقعة	لعبة رقمية
مُلاحظات
خطة جلسات تيمة المدينة المُتخيلة

تيمة	خلطبيطة بالصلصة عبر السفر
الوصف	خلق شخصيات ملموسة مختلفة تعبّر عن أصحابها (المشاركين)، تمر هذه الشخصيات بمواقف/أماكن عدة مختلفة عشوائية، تساعد في تكوينها، وتكوّن قصة/فيلم/سيناريو ما
مُيسرين التيمة	سندس و حازم
عدد الجلسات	24
المُكعبات (مراحل التطبيق)	كسر جليد ونفتح نقاش عن بتحب ايه ومبيحبش ايه ونكتشف نفسنا اكتر وده عن طريقة لعب اسم و ايقونة، تعارف بيننا وبين المشاركين وبين بعضهم البعض، ثم بناء/عمل الميثاق والنقاش حوله والتوافق على بنوده. كل مشارك يرسم شخص يعبّر عنه (رسم بدائي: ممكن أشكال هندسية)، ويوصف/يعبّر عن نفسه بكلمتين/جملتين/تفصيلتين في الرسمة، بعدين كل مجموعة تأخذ موقف (نحاول نخليه بسيط بس بيزغزغ التفكير) وتقعد تفكّر فيه، يحكوا لنا عملوا ايه في الموقف واتصرّفوا ازاي ودا عمل ايه في شخصيته، تجميع أسامي أماكن (حقيقية أو تخيّلية) من المشاركين والميسرين ووضعها فى برطمان لاستخدامها لاحقاً، تجميع أسامي شخصياتهم ووضعها فى برطمان لاستخدامها لاحقاً. ايه وليه لينكس، ايه وليه مفتوح ومغلق، ايه وليه حاسوب، دعبسة على الحواسيب، تعمية وتشفير. في الجلسة ديه بنتكلم عن ايه فوايد التعمية والتشفير، بنكمل لعب و بنفهم مع بعض يعني ايه حاسوب عن طريق نشاط "ايه حاسوب و ايه لأ و ليه"، بعدها بتقسم مجاميع و كل 3 أشخاص بيرسموا مع بعض الاماكن اللي فكوا شفرتها. هيقعدوا المشاركيت يقصوا ويلزقوا من مجلات مختلفة علشان يعملوا شخصيات كولاج حابينها و هنتناقش في الاخر عملوا كدة ليه و يفكروا لو الشخصية ديه بتتكلم هتقول ايه او ايه الصوت اللي بييجي ف دماغهم لما بيشوفوا الشخصية. في الجلسة ديه بنفتح معاهم موضوع اننا عايزين نعمل خريطة بالأماكن و الشخصيات اللي اخترعوها، بنخليهم يكتشفوا ان الاماكن مصممة بحجم صغير اوي و الشخصيات كبيرة اوي، من هنا بنتكلم في المنظور و التكوين و الاحجام، و بنفكر معاهم ازاي هنعيد تصميم الاماكن ديه على الخريطة (المقسمة لgrid 10*10) بنقسم كل مكان كانوا راسمينه في نشاط رسم الاماكن على وحدات القياس الجديدة، بنطلب منهم يعيدوا تصميم الرسمات بشكل مجرد و ابسط عن طريق قص و لزق الورق الملون. يقوم الاولاد و البنات بتصميم توكينز لشخصياتهم اللي هتكون على الخريطة عن طريق الرسم/التلوين/القص و اللزقلازم يعملوا 4 توكينز بنفس اللغة البصرية/branding. نتفرج على فيلم inside out و نتناقش في التعبير البصري والمؤثرات الدرامية و الصوتية و البصرية في الفيلم. اضافة نص على الكولاج المصمم من قبل (تخطيط على ورق شفاف و نقاش). نقاش: محتاجين ايه عشان نعمل فيلم (ستيكي نوتس و زغزغة دماغ). بنتناقش في الستيكي نوتس اللي لزقوها على الفليب تشارت اخر جلسة "محتاجين ايه عشان نعمل فيلم" وبنزوود حجات اكتر وبنوزع الحجات على categories، مثلا الاكسسوار والملابس و الديكور مع بعض، الصوت والمزيكا والمونتاج مع بعض. بنبتدي نتعمق في الكلام عن الصوت و بنمر بتجربة تسجيل أصوات في نشاط "عبرعن نفسك في الستوديو البلدي". مشاهدة افلام قصيرة متعددة و متنوعة و التحليل الجماعي لكل فيلم في أول نصف من الجلسة، ثم لعب "حزر فزر لون ايه؟" للخروج منها بخامات بإمكاننا استخدامها في الخريطة و النقاش عن الخريطة و كيفية تكملتها. اكتشاف كيفية صنع اللون الأسود و تلوين اوراق a4 لنستخدمها في الخريطة لاحقا. تقسيم كل الاوراق الملونة على شكل مربعات 10*10 للخريطة، قص و لزق المربعات على الخريطة و تقفيلها بلزق المربعات في مكانها المخصص و المتفق عليه سابقا، قص و لزق اطارات ملونة على الاماكن بالخريطة. التحليل و اضافة الاقتراحات لتحسين الخريطة في المستقبل كتصميم و كلعبة، تجربة اللعبة و إضافة ازازة لتحديد الاتجاه، يتخيلوا أنهم شخصيات من المكان اللي وصلوله في الخريطة (شجرة، زحليقة…، يكتبوا الكلام اللي شخصيتهم بتقوله، نحاول ندخل كلامهم في بعض اكنه مونتاج بس بالورق. نعمل decopage و بشرح أحجام اللقطات و الاصوات اللي هنسمعها، بنعمل ستوديو صوت بلدي و بنسجل الأصوات. لعب على الخريطة، اللعب على audacity و مونتاج الصوت. مونتاج على kdenlive ونقاش حول كيفية تكملة المونتاج، الاتفاق على المزيكا اللى هنستخدمها، كتابة التتر على الورق، تسجيل أغنية التتر و اعادة تسجيل بعض الأصوات.
المخرجات المتوقعة	سيناريوهات قصيرة (ماذا لو..؟) تسجيلات صوتية رموز مصممة كولاج لرسم الشخصية صور مركبة مشهد مكتوب/ متصوور/ متمنتج
مُلاحظات	مثال
خطة جلسات تيمة السفر عبر الخلطبيطة

تيمة	تجهيزات في الفراغ
الوصف	من خلال رحلتنا داخل السفينة في طريقنا لمجرة الفنانين نتعرف على أدوات ووسائط رقمية صوتية وبصرية للتعبير بأشكال مختلفة ومتنوعة في هيئة تجهيزات في الفراغ (انستلاشن) بشكل تشاركي
مُيسرين التيمة	صفارة - شدوى
عدد الجلسات	17
المُكعبات (مراحل التطبيق)	الميثاق والتعارف وكسر الجليد من خلال سرد/حكي (narrative) له علاقة باللعبة الكبيرة بنكمل كسر الجليد والتعارف وبنعمل نشاط بسيط كولاج تشاركي(لوحة الأهداف-لوحة التوقعات)  نلعب وحنبقى صورنا لهم الكولاج التشاركي تبعهم ونفتح جيمب نغير الصيغة وبعدها نفتح اودستي نعمل غليتش. ( نشرح ال 3 مؤثرات اللي ممكن يستخدموها) (ميلودي من صورة ابيض واسود) يجيبوا (صور) من اي حتة وندخلها اودستي وناخد الصوت بتاعها ونحطه في تراك واحد وفي النصف الثاني من اليوم يرسموا رسم تشاركي عن شعورهم اللي اتخلق من الصوت - رسم الصوت تشاركي (نجمع النماذج الصوتية في تراك واحد كبير وكلهم بيسمعوه ويرسموا مقسمين ل 5 مجموعات أو 4) انا رحت السوق كمدخل للسرد في هيئة محفز، ثم شدوى وصفارة يختاروا جمل ويشوفوها يصيغوا رسالة اخرى مشفرة لما يوصل الشباب للمفتاح كاول عقبة في يتوجهوا إلى مكان لوحة والقدر يظهر يساعدهم ان استخدموا الجملة اللي معاكوا في القصة اللي ممكن تطلع من اللوحة وفي الاخر بعد ما نسمع الحواديت حنقفل اليوم بتوضيح ايه هو السرد و البداية والوسط والنهاية وايه المنحنى الدرامي  فيكون في مدخل إلي ما هو الصوت؟ وبعدين التسجيل المتنقل ونرجع اودستي نحسن الصوت ونعمل مؤثرات(دينامكس) ونفهم هي بتعمل ايه، نتعرف على الفولي ارت (يطلع من هنا من اللوحات قصص في هيئة بودكاست يسجلوها) (ترميز الصوت) مدخل للتصوير من خلال اللعب في مثلث التعريض وناخد الصور تبع ال light painting نعمل بيها…… (صور) نتعرف على حركات الكاميرا - الأحجام - الزوايا ونستخدم المادة اللي حتطلع من تدريب الحركات نعمل بيها……(فيديو) ان احنا نستخدم( البودكاست) عشان نطلع منها مقاطع صغيرة جدا (sampling) ونلعب بيها على اودستي ندخل نعرف مبادئ الإيقاع، ندخل هيدروجين وننتج مسارات ناخد المسارات دي مع الفيديو من نقطة 8 ونتعرف على المونتاج وبيعمل ايه
المخرجات المتوقعة	تجهيزات في الفارغات العامة (انستليشن) لوح رسم تشاركي تسجيلات صوتية قصصية كولاج تشاركي مسار صوتي بودكاست حدوتة
مُلاحظات
رابط خطة الجلسات

تيمة	المشروع الذي لا ينتهى مبيخلصش
الوصف	هذه التيمة تدور في أربع مراحل، حيث نتحرك جميعنا إلى أربعة كواكب مختلفة (السحاب، الدمار، اللذيذ، التفكير)، ونسمح بالمشاركين بالسفر والعوم بين جميع هذه العوالم والحالات عن طريق إنهاء مشروع صغير عن كُل عالَم أو مكان يسافر إليه المشاركين قبل أن يستطيعوا السفر إلى كوكب/عالَم آخر.. المُخرجات التي سنخرج منها ستتنوع بين القصص القصيرة، الكوميكس، التصوير الفوتوغرافي، الفيديوهات والموسيقى.
مُيسرين التيمة	عبد الرحمن سالم وأسماء عزوز
عدد الجلسات	٢٤
المُكعبات (مراحل التطبيق)	المكعب الأول: قصة قصيرة مكتوبة + مُسموعة المكعب الثاني: بوستر كولاج مُتحرك GIF المكعب الثالث: قصة كوميكس بالتصويرا لفوتوغرافي أو الرسم المكعب الثالث (والنصف، Bonus): مقطوعة إيقاعية المكعب الرابع: إعلان/فيديو قصير
المخرجات المتوقعة	كتاب كولاجز ورقية بوسترات متحركة قصة كوميكس مُصورة إعلانات وفيديوهات قصيرة صور فوتوغرافية قصص قصيرة صوتية وكتابية
مُلاحظات
رابط خطة الجلسات

تيمة	البيئة من حولنا - وسائط متعددة
الوصف	تستهدف هذه التيمة التعرض لمعارف تقنية مختلفة في الاربع مجالات وممارستها خلال الجلسات مع مراعاة بناء الشخصية وان يكتشف المشاركين أنفسهم وفي نهاية المدرسة يختار كل متدرب الوسيط الاريح بالنسبة له و يقوم بممارسته لإنتاج عمل جماعي (سواء كانت مرتبطة بالبيئة المحيطة او تشغله شخصيا) ثم يقسم المشاركين إلى مجموعات بحيث ان كل مجموعة تعمل علي مخرج معين كعمل جماعي ويراعى في التيمة وجود أنشطة جماعية
مُيسرين التيمة	اسماء عزوز - احمد كحلة
عدد الجلسات	24
المُكعبات (مراحل التطبيق)	ميثاق وكسر جليد ونفتح نقاش عن بتحب إيه ومبيحبش ايه ونكتشف نفسنا اكتر وده عن طريقة لعب (وخاصة ان في نشاط حصل في الجمعية ليه علاقة بالمهن). نعلق لوحة فاضية (خريطة مغناطيسية مؤقتا لحد ما الشباب يسموها) ونحرك عليها مغناطيس "احنا واقفين فين" لحد اخر جلسة وبنتحرك أزاي ولا واقفين في نفس مكانا ونشرح اللعبه دي ازاي حتكون معانا طول الجلسات - نلعب أنا رحت السوق ونتعلم مبادئ السرد ونقسمهم مجموعات ويألفوا قصة بشخصيتهم الحقيقية او شخصية مستعدين يحطوا نفسهم مكانها، وهنا حيكون مدخل لرسم الشخصية في العمل الدرامي من حيث شكلها وصوتها وطريقية كلامها وهكذا. نعمل كولاج بالورق والمجلات والموضوعات حتكون لها علاقة بالقصص اللي طلعت وطبيعة الشخصيات وحتكون عمل تشاركي. نتكلم عن التكوين ونحلل المخرجات اللي طلعت من نشاط الكولاج. هيتم تقسيم المشاركين ل 5 مجموعات ويتناقشوا ايه الموضوعات اللي بتشغلهم/بتثير اهتمامهم وكل مجموعة تطلع مندوب عنها يقدملنا وصلوا لايه وده مدخل اننا نجمع منهم افكار لتطوير القصة، وبعد ما نفكر بشكل جماعي هناخد وقت شخصي ان كل حد هيفكر مع نفسه ايه الرمز اللي بيمثله علي الخريطة المغناطيسية مع العلم انه دائما قابل للتعديل، وهنفذ ده كولاج او بخامة ما. نتقسم لمجموعات ونتناقش حول الموضوعات اللي طلعوا بيها ويشتغلوا على تطوير القصة بناء على الموضوع اللي جالهم وهنتكلم عن ايه هو المنحنى الدرامي وازاي نحققه في قصصنا، وبعدين يختاروا ازاي يوصلوا لنا القصة من خلال 6 صور مثلا، وهنا حنتعرف على ايه هي اللقطات والاحجام والزوايا الخاصة بالكاميرا والتصوير. اليوم ده هنبتدي احنا عايزين ايه او تحبو تعملوا ايه النهاردة وهيكون معظمه العاب تنشيطية وممكن نستخدم نشاط بالاردوينو. هنتعرف ازاي نستخدم الكاميرا وهنفتكر سريعا مع بعض ايه هي الزوايا والاحجام وثم نتجول في المكان بشكل عشوائي ونختار اماكن للتصوير ونروح نعمل معاينه لكل مجموعة اختارت تصور ازاي، ونسعى في المرحلة دي نوصل لستوري بورد مبسط جدا ومعاه كلمة او جملة بتعبر عن المشهد او الصورة وننطلق للتصوير ونعرض في نهايه اليوم مين وصل لفين وصور ايه ونتناقش. نبتدي اليوم بلعبه شبه في العلبة اللي بتهدف ازاي نعمل تنظيم وترتيب للبيانات وهنكمل باقي اليوم في المعمل نفتح الكمبيوتر وننشأ الملفات ونشرح مقدمة عن برنامج جيمب، ونكتب علي الصور من الخطوة السابقة باستخدام فقاعات الحوار (كوميكس). نكمل باقي الكوميكس اللي عطلنا فيها ونعرضها ونلعب لعبه التعمية والتشفير وازاي الكبيوتر بيفهم الصور(ترميز الصورة). نتجول في المكان ونعمل العاب ليها علاقة بالذاكرة السمعية ونطرح تساؤل حول عنصر الصوت وهل كان مهم علشان نعبر عن القصة ولو مهم ممكن نستفيد منه ازاي، ونتعرف على طبيعة الصوت وتنقله. ندخل في الدينامكس الخاصة بالصوت ونعرفهم على الزوم وازاي نستخدمة ونتكلم معاهم بشكل اوسع عن الخيال وعلاقته باننا نسمع ونتخيل الصورة ثم نشاط/لعبة وبعد انتهاء اللعبه يقوم شخص بعمل لقاء صحفي مع الاعضاء الموقرين ورأيهم في اللي حصل وهنسجل الحوار ده بالزوم. نتعرف علي اوداستي وازاي بنحسن الصوت وايه المشاكل اللي قبلتنا في التسجيل وليه الصوت طلع واضح او مش واضح، وبعدين نلعب شوية على اوداستي ازاي نحسن الصوت اللي سجلناه. هنسمع المخرجات الصوتية ونحللها ونلعب شوية لعب قيمية، ثم نقسمهم 5 مجموعات وكل مجموعة معاها شوية الوان ونسمعهم 4 انماط من الموسيقي مختلفة ونرسم حسب ما احنا حاسين. رسم تشاركي بمساحات لونيه كبيرة بفرش عريضة وبعدين هنتكلم عن دائرة الالوان ونحلل شوية اللي عملناه وهنربط بين الايقاع اللوني والسمعي. نتعلم مبادئ الايقاع ونلعب بالتسقيف لعبة قائد الايقاع وهنعمل مجموعة مسرحيات بتحاكي اماكن معينة مثل البحر ومصنع واستاد وقهوة بلدي المسرحيات لا تحتوي علي كلمات ولكن تحتوي علي اصوات وعلي المتفرجين تخمين المكان وكل مجموعة حيكون معاهم رمز موسيقي ونعرفهم ايقاعة ونقولهم ده هيبقي ثابت معاكم وبعد مانخلص كل مجموعة بتقدم الرمز الموسيقي ده وتقولنا هو عباره عن ايه وهنا يبقي في شرح مبسط عن ايه هي النوتة الموسيقية والعلامات الموسيقية وازاي بتتقري. كل شخص هيألف ايقاع من 8 نوت ونطبع ونروح المعمل نفتح هيدروجين ونشرحه وننطلق لعب عليه ولو خلصنا ممكن نعرض وصلنا لايه. محطة نفسك في ايه ونفرفش وناخد اقتراحات ونتناقش حوالين ايه التحركات بتاعتنا على اللوحة وكنا فين ووصلنا لفين (طبعا كل معرفة او مخرج بنعمله علامة علي الخريطة وده معناها ان الشخص ده عدا علي المرحله دي) ونفتح نقاش ايه الموضوعات اللي لسه شغلانا وايه اللي اتطورنا فيه وهل في رؤوية او مفهوم او فكرة ظهرت بشكل قوي عند المشاركين ونبدا نشتغل عليها تاني. هنتفرج علي فيلم فيديو لذيذ مرتبط بالموضوعات اللي طلعت من اليوم اللي قبله ونتناقش في محورين عن التصوير والصوت وعن فكرة الفيديو، وبعدها يتقسموا مجموعات ونشارك مع كل مجموعة جزء من فيديو تاني هيدخلوه في قصة، ممكن يبقي في اول او نص او اخر القصة وكل مجموعة تحكلنا القصة وتفرجنا علي مقطع الفيديو اللي جالها واذا فجأه نعرضلهم احنا الفيلم وتطلع كل المقطوعات اللي اخدوها فيديو واحد وهنا ندور نقاش حوالين ان مهما كانت القضايا او الموضوعات اللي بتشغلنا بناعتنا تبان انها مختلفة بس كلنا بنرتبط ببعض. هنشتغل بشكل جماعي علي فيلم نربط فيه موضوعاتنا ببعض وكل مجموعة مسؤله عن شئ في هذا العمل ونقسم الادوار. هنكمل فيديو. هنكمل فيديو. مونتاج بس. نفرح ونعرض الفيلم.
المخرجات المتوقعة	لوحات كولاج قصص مصورة فوتوغرافيا تراكات صوتية بالمؤثرات الصوتية فيلم
مُلاحظات
رابط خطة الجلسات