فزورة

فزورة: مش هيموت ازاي

• عندنا عالم مصري (زي بتاع الكفتة كدا) اخترع دواء يخلي البني آدم "عايش للأبد" "immortal". اخترع حبيتين (واحدة لونها أزرق والتانية أخضر) لازم يتاخدوا مع بعض و هيخلوك للأبد عايش (طبعا معظم الناس مش هتاخد الحبوب دي ولكن خلينا نفترض...). المهم العالم دا ادى لشاب مصري الحبوب دي واداله ٢ زيادة عليهم. (كدا الشاب المصري معه اجمالي ٤ حبوب. ٢ من كل لون). وقاله: "يعني لو عايز حد يعيش معك للأبد ممكن تديله الزيادة". الشاب رد: ماشي. شكرا. ولكن سأل: "هو انت ليه مش هتاخد الحبوب لنفسك؟. (أخر سؤال ملوش دعوة بالفزورة)

• المهم، خرج الشاب من المعمل اللي 'مش سري' بيفكر هياكل ايه على الغدا وهل هيستحمى انهارده ولا بكرة..
• وهو بيتمشى. اتخطف (طبعا كلنا عارفين مين اللي خطفوه).. فقعوا عينه ورموا من فوق برج ما..
• الشاب افتكر انه معه الحبوب ولكن افتكر ان العالم قاله لو خت من نفس اللون اتنين هتموت. لازم واحدة كدا و واحدة كدا علشان تعيش للأبد
• الشاب معه حبيتين من كل لون.
• السؤال هو ازاي هيعرف (وهو معمي) ياخذ الحبيتين الصح (واحدة أزرق و واحدة أخضر).

للإستفسار عن أي شئ أرجو فتح سؤال في صفحة "النقاش" لو عرفت الحل أرجو إرسالها لإيميلي الشخصي أو لإيميلاتنا كلنا.

• ملحوظة: الإجابة منطقية. يعني الاجابة مش "انه أكيد حط كل واحدة في جيب" ولا "انه كدا كدا هيموت. ياخد الأربعة وخلاص"