مربى ملصقات
Poster Design Jam
مسابقة افضل مائة ملصق عربي هينتهي التقديم ليها يوم 12 سبتمبر
اقتراحي ان نعمل يوم الجمعة 11 سبتمبر من 12ظ ل 12ص jam في أضف ورقميا للناس يشتغلوا على ملصقات ويقدموها في المسابقة. اللي عايز يعمل واحد بس يعمل اللي عايز يعمل كتير يعمل وممكن ملصقات ثابتة او ملصقات متحركة. الفكرة بس ان نبقى كلنا في نفس المكان رقميا او في الحقيقة بنشوف بعض بنشتغل وبناكل ومشغلين مزيكا وكده (ممكن جهاز شغال من عليه مزيكا والناس تقدر تحط اللي هي عايزاه)(ممكن غرف هادية وغرف عادي). ننشر كل البوسترات عندنا (مش عارف امتى، حاسس ده قرار فريق الmedia).
ممكن نزود ان نقول كل الملصقات تتنشر برخص حرة ويبقى جامد لو ملفات الملصق نفسه مش بس النتيجة النهائية
كورونا
- نتعامل بمبادئ التباعد الاجتماعي. نفتح الفسحة وصندوق الفرجة ونطلع طرابيزات المهكر برة تبقى work spaces حاولين المكان في الطلق
- الناس يبقى ينفع يخشوا رقميا على قناتين jitsi
- واحدة على projector في الفسحة وواحد في صندوق الفرجة والناس كلها تقدر تتواصل مع بعض.
- نوفر قهوة/شاي/عصير واي سناكس نوفرها تبقى single serving زي اكياس شيبسي او كوكيز وكده او فاكهة والناس نقولها تغسل قبل ما تاكل. واللي عايز اكل اكل يطلب وعلى حسابه وكده
الطباعة الحريرية
نقول للناس ان يوم السبت هيبقى طول اليوم برده يوم للطباعة الحريرية للملصقات بتاعتهم. بس لازم البوسترات تبقى بحد اقصى 3 الوان. لو عدد الناس بان يوم الجمعة ان عدد اكبر من اللي ينفع يتعمل في يوم واحد نشوف اننا نقسم الناس على ثلاث ايام ونحاول نشد ناس من اللي هييجوا انهم يبقوا بييجوا يساعدوا او يشرفوا على الموضوع في الايام الثانية ديه وتبقى بداية فكرة ان الطباعة اللي عندنا متاحة لاستخدام اللي من برة بس بالتدريج.
احتياجات
- احبار والوان زيادة
- كاوتش للطباعة زيادة
- حرير زيادة
- نعمل شبلونات للطباعة الحريرية
- تجهيز المساحة ساعتين او تلاتة
- محتاجين نتأكد من وصول وسرعة adef guest network
- انا هبقى موجود طول اليوم بعمل ملصقات بس يبقى لطيف لو فيه كام حد تاني من شبكتنا برده يعمل نفس الحاجة عشان جو الاستمرارية