صعوبات التعلم عند أطفال على طيف التوحد

هذه الصفحة توثق نتاج اللقاء الأول بين هيثم ورأفت لتجهيز تدريب المدربين الخاص بالدمج.

المشاكل التي تواجه الأطفال

1- مشاكل في المشاعر:

تواجه الأطفال مشكلة قراءة مشاعر الآخرين:

مثال:( لو فيه أب بيزعق في مكالمة تليفونية لمشكلة ما في الشغل , الأبن بيبدأ يتوتر بسرعة جدا ويتضايق , وبيصدر عنه ردود أفعال )

ترديد الكلام.
عرق متزايد وكلام غير مفهوم.
يتوجه للأب ويبدأ في تقديم الاعتذار للأب والترديد للكلام.
صراخ متكرر وضرب للنفس , وده بالنسبة للأطفال اللي بيعانوا من عدم القدرة عالكلام.
عد أرقام بشكل متكرر متوتر.
يقول مشهد من فيلم هو شافه و حافظه.

طبعا فيه أطفال مابتتكلمش لأنهم ماتعلموش لغة , لكنهم بيفهموا و يدركوا الكلام تماما , لأنهم يعتمدون على اللغة الاستقبالية

2- مشاكل روتينية ( قلق من التغيير ):

أي تغيير بالنسبة لهم غير مقبول مثال :

-تغيير في ترتيب الغرفة اللي تعودوا عليه … يسبب التوتر. -لو الطريق اللي بيمشوه كل يوم من البيت للنادي أو لمكان ما اعتادوا عليه أتغير … يسبب التوتر.

3- مشاكل في الحواس :

عندهم مشاكل في الحلاقة مثال:

-صوت السشوار. -صوت المقص. -صوت الضوضاء.

4- مشاكل في التجمعات والزحمة ( الأعياد والمناسبات )

5- غير مدركين للمخاطر ( يعدوا الطريق , اللعب في الكهرباء )

6- الاندفاعية بشكل عام في اتخاذ القرار …

الألعاب اللي ممكن نعملها للدراما

قمنا بمناقشة فكرة تحويل فكرة ما أو مشكلة من المشاكل التي ممكن تواجه طفل من الأطفال وكيفية عرضها بشكل درامي كي نساعدهم في المشاركة لإيجاد الحلول بشكل تفاعلي … ولو مافيش أولاد تستطيع التعبير بالكلام عن الحلول ممكن نستخدم ماتريال ( بازل ) بسيطة يقدروا ياخدوها و يعبرون بها عن الحل من وجهة نظرهم ... مثال ( لو طفل ماشى مع امه و مامته سابته لسبب ما … هيعمل ايه )هل الحل :- يستخدم التليفون ينادي عليها في الميكرفون يقعد مكانه يستناها ايه الحل ؟

الهدف العام من تدريب المدربين وفرق المعسكر أو المدارس

هو تدريب المدربين و الفريق بشكل عام سواء معسكرات أو مدارس على التواصل مع الأولاد بشكل جيد وذلك من خلال :-

لابد من الشغل اليدوي أكثر من العملي
لابد من وجود شخص يوصله دايما دعم معنوي ( التعبير عن مجهوده )
تعبير مادي ( بيبسي , شوكولاته )
البعد عن المحتوى الممل … يعني السيرك والرياضة كانوا ممتعين لنديم والرقص كان متعب بس بيستمتع فيه

من الأدوات التي سيتم استخدامها في ورشة تدريب المدربين: فيديو لطرق التعامل مع الأولاد ( اذا كان الطفل ثائر … أو غير متقبل للتواجد في الجلسة ) هذا الفيديو سيتم من خلاله عرض أنماط وطرق متعددة للتواصل مع الأولاد …

بالنسبة للمدرب اللي بيروح يتعرف على الولد لأول مرة وبيكون اللقاء في البيت … ماهي طرق التعارف على الطفل بقعد جمبه لإيجاد الوقت المناسب عشان اقوله أسمي ونتعرف على بعض

لو سابني ومشي بسيبه
لازم أعرف بيحب ايه ومش بيحب ايه
أبدأ أقلد حركاته او اي لزمات بيعملها
ومن ثم يبدأ أعرض عليه أني حابب أشتغل معاه على ايه ويقترح ممكن نعمل ايه سوا …
لو معايا أدوات لها علاقة بالمنهج اللي هاشتغل عليه … بعرض عليه الأدوات دي وبسأله ممكن يعمل ايه بالأدوات دي لو عنده وبسيبه ياخد وقته عشان أقدر أحدد أنا هاشتغل معاه ازاي

الاقتراحات المبدئية للتعارف على الأولاد في المعسكرات

اليومين الأول والثاني في المعسكر ستكون عبارة عن ورش فردية لكل مدرب مع كل طفل على حده للتعارف ليستطيع كل مدرب بناء علاقة مع كل مشارك على حدة ويستطيع تعريفه على المنهج الذي سيشاركه معه وشرح الأدوات التي يستخدمها خلال الورشة والتعرف على المكان بشكل أبسط وبناء علاقة مع المكان.

الأسئلة للجلسة القادمة

ازاي نعرض محتوى للأطفال ؟
ازاي نعرف الطفل أكثر ؟
ازاي نعمل التعارف على الولاد بشكل تفصيلي مع الاولاد في اول يومين ؟
الأدوات اللي ممكن نحتاجها ؟ ومحتاجينها ؟

تمارين مقترحة

1- تمرين التعارف لأول لقاء منزلي بشكل مفصل: امتى اقول اسمي امتى ابدأ أقلده امتى أبدأ أتكلم معاه

2- تمرين التواصل بالعين: واحد يقعد عالكرسي مش بيستخدم الكلام ولا اي لغة جسدية غير لغة العين للتواصل مع الشريك الأخر في إتمام ما طلب منهم

3- تمرين الاستقبال والسمع للأطفال طوال الوقت: واحد بيعمل فعل متحرك في كل المكان وشخص مغمض العينين ولابد أن يظلوا على تواصل دائم مع بعضهم