برنامج فعاليات دكة لصيف 2017

إزاي الطيارة بتطير؟

أكيد السؤال دا مر على كل واحد فينا لما شاف طيارة في السما.

دي جلسة عملية وبسيطة عن الطيارة وإزاي بتطير وإزاي الطيار بيتحكم فيها. هننفذها يوم الجمعة 21 يوليو الساعة 2 ظهرا حتى 6 مساءً في دِكّة بالمقطم. هيكون فيها شرح للمبدأ العلمي اللي بيساعد الكتل المعدنية دي على الطيران زي الطيور الخفيفة (أو شبهها على الأقل) وشرح للأجزاء المتحركة في جسم الطيارة اللي بتساعد الطيار على التحكم فيها.

بعد الشرح، هنشغل المحاكي Flight Simulator X علشان نجرب بشكل عملي.

الجلسة بالتعاون مع سبع صنايع؛ وهي مساحة يلتقي فيها الشباب من سن 10 سنين لـ110 سنة لتبادل الخبرات والمعرفة وكمان بتقدم أنشطة فنية وعلمية وثقافية وبتشجع على الإبداع والتعبير الحر والتبادل غير المشروط للخبرات.

من المبادئ الأساسية لسبع صنايع التعلم بالتجربة وعلشان كده بنستضيف ذوي الخبرة من مجالات مختلفة لمشاركة جمهور سبع صنايع خبراتهم دي ومساعدتهم في البدء بالتجربة في أسرع وقت. مبدأ أساسي تاني هو إن التعلم هدفه تحقيق أثر إيجابي للمجتمع والبيئة المحيطة ومش تحصيل للمعرفة أو الخبرة بشكل منفصل عن المجتمع. وبالتالي إحنا على تواصل مع سكان المناطق المحيطة والعاملين فيها وبنحاول نربط أهداف مجتمع سبع صنايع بمشاكل محددة ونحاول نقدم حلول.

يقدم الجلسة عاطف رستم؛ وهو شخص مهتم بالعلوم والفنون بصفة عامة ودرس هندسة الإتصالات. اهتمام عاطف بالطيارات والطيران بدأ من سن صغير ومن ساعتها وهو دائم القراءة عن الطيران والطائرات وممارسته باستخدام محاكيات على الكمبيوتر.

هذه الجلسة تناسب الأعمار بداية من 10 سنوات .. الرسوم المقترحة: 75 جنيهاً للاشتراك بالجلسة، يرجى ملء الإستمارة التالية https://docs.google.com/a/arabdigitalexpression.org/forms/d/e/1FAIpQLScHKBQhpTgbpGx-cX_JcYUeHQTiJRzatC798gMBAt_-dGCnoQ/viewform

للاستفسار: من 10ص إلى 4م

25041428 01121147008 01125457499

_______________

عنوان أضف: رقم 143، ش 8، متفرع من ميدان النافورةـ، المقطم الهضبة العليا.

للوصول إلى مقر أضف بالمقطم: مواصلات من السيدة عائشة (ميكروباص للسيدة عائشة خلف جامع الفتح برمسيس) أو (ميكروباص بجوار محطة مترو الملك الصالح إلى منطقة السيدة عائشة) أو (ميكروباص بجوار محطة مترو محمد نجيب ومنها إلى منطقة السيدة عائشة).

عند الوصول إلى ميدان النافورة بأول المقطم، في الميدان يوجد البنك الأهلي وسوبر ماركت مترو، اتجه في الشارع بين البنك والماركت (البنك على اليمين والماركت على اليسار) حتى نهاية الشارع ثم الاتجاه إلى اليمين والسير دقيقتين، فيلا "أضف" رقم 143 تقع قبل نهاية شارع "8" على اليمين.

من الحي السابع مدينة نصر، ميكروباص للمقطم بالقرب من شبراوي آربياتا، وعند الوصول، نستقل ميكروباص أخر لميدان النافورة، وبقية الوصف مكرر.

السما والفلك

السما زي ما احنا بنشوفها من على كوكب الأرض شكلها بيتغير بنظام دقيق اعتمد عليه الإنسان من آلاف السنين في تنظيم حياته. في المقدمة دي هنعرف نظام حركة الأجرام في السما وأسبابه، وازاي ممكن نستفيد منه. هنعرف كمان ازاي نشوف شكل السما في أي وقت و من أي مكان باستخدام الكمبيوتر. حسام الأشقر حب السما من وهو صغير وعبر السنين بين القراءة والتجربة والفرجة، كوّن عنها صورة غنية وممتعة هيشاركنا فيها خلال الجلسة دي.

الجلسة يوم السبت 5 أغسطس من الساعة 12 ظهرًا حتى 4 عصرًا.