خطة عمل دكة ديسمبر 2012
الزملاء الاعزاء محتاجه تفاعلكم و مساهمتكم معانا في كام حاجه
ماعرفش لو كتابة دا في ايميل هي الشكل الانسب في اني اعرض الافكار دي عليكو و لا لأ
بس انا حسيت ان دي الطريقه الاسرع و الاجدي في اني اوصلكوا كلكوا في وقت واحد اللي عايزه اطرحة بشكل عام وبعدين يبقي في قعدات نتاقش فيها بشكل محدد في النقط المعروضه لما يلزم الامر
انا قلت اكتب كاتجميع للافكار في نقط الاول كدا
المهم ليلي وانا كنا بنفكر الايام دي في كذا حاجه :ا
- شكل العلامات اللي هايتكتب فيها اسماء حجرات دكة و مقاساتها و مكان وضعها و اسلوب تنفيذها
- الانتهاء من اللوجو و بعدين تصميم بروشور لدكة - و تحديد المحتوي المناسب للتعريف بدكة اللي يتحط فيه
- و كمان علي الويب سايت ازاي نقدم دكة و نأكد علي فكره انها مساحه مفتوحه وابراز امكانياتها المتاحه
و وصلنا لحاجات لطيفه جدا و ليلي تسلم اديها عملت شغل فظيع ..بس محتاجين مشاركة الاخرين في كذا حاجه :ا
- خريطة مسقط افقي لدكة ( ودا علشان فكرت انا و ليلي نعمل علي الحيطة اللي في مدخل دكة خريطه كدا مبسطه و روحها خفيفه عن حجرات دكة و مكانها )-
حد يعرف منين ممكن نحصل عليها -؟؟
- صورفوتغرافيا لقاعات دكة بمساحتها - عمار ممكن تعمل دا ؟؟؟
- جدول استخدام القاعات من علي الويب سايت ؟ دا وفاء كنتي بدأتي فيه و قلتيلي ناقص حاجه - و صلنا فيه لأية ؟؟
بالاضافة اننا عايزين نعمل علي الويب سايت برده خريطه كروكي و شكلها خفيف كدا و مبسطه لدكة زي اللي ليلي هاتعملها و هاتكون علي المدخل و بمجرد الضغط علي اسم الحجره اللي في الخريطة يظهر صوره لشكلها و الامكانيات اللي فيها و الاوقات المتاحه لاستخدامها- او حجزها
- قائمة بالامكانيات المتاحه عندنا اللي ممكن حد يستعيرها من افراد او جمعيات ( عدد الكاميرات و مواصفتها -بروكتر-ميكسر- سمعات )او ايه الية استعارتها -علي و عمار و يحيي ممكن تشاركوني في عمل دا ؟
- المحتوي الكلامي اللي هايتحط في البروشور - ودا انا بعمله و بعدين و بعد ما اخلصه هاعرضه للنقاش
كل حد فينا ممكن يقترح جملة او اتنين تكون مصاحبة لدكة و بعدين نختار منهم ؟؟؟ (حاجه كدا زي "ليبتون "علامة الذوق الرفيع او "فودافون " ماتخليش حاجه توقفك
- D
اخر حاجه , العلامات التعريفيه اللي هايتكتب فيها اسماء الحجرات في دكة (الفسحه -صندوق الفرجه -الكيمي كيما كا -المست جو-شخاليل قص و لزق ) هايكون مصاحب لها علي
بخط اصغر كلمتين او تلانه عن وظيفه الحجره لان وظيفته الحجره مش واضحه اوي من الاسم للناس اللي ممكن تكون بتيجي لاول مره و هايتعرفوا علي المكان انا بقترح دول و لو حد عنده اقتراح او اضافه او حذف يقدر يشاركهم معانا
- الفسحة : مساحة للتواصل الانساني
- صندوق الفرجة :
- الكيمي كيما كا :معمل الحاسب الالي
- شخاليلي :ستدويو الصوت
- قص و لزق : ستوديو المونتاج