سهرة الخميس

من ويكي أضِف
اذهب إلى: تصفح، ابحث

سهرة الخميس ...

في نهاية كل اسبوع يوم خميس تحديدا دكة بتعمل " سهرة" سمتها "سهرة الخميس"

سهرة الخميس

هو يوم بيتعمل كل خميس في نهايه كل اسبوع ,بعد الساعة سته تحديدا

اليوم اقرب ما يكون ليوم مرتجل ,شكل السهرة و الاضافة اللي فيه بيعتمد علي الضيوف اللي قرروا يسهروا معانا يوم دا دكةبتستقبل و بترحب بأي ضيف, يكلمنا علي حاجه جديده او يعلمنا حاجه مختلفة و يقعد ساكت او يعقد يتكلم و ممكن نشارك بعض بمعارفنا و نعلم بعض حاجه و نلهم بعض ممكن نشوف افلام او تعزف مزيكا مع بعض نتعرف علي ناس جديده عندها اهتمامات متشابهه او مختلفة سهرة الخميس..بتاعتكم انتو


لو عايز تسهر في دكة يوم الخميس

تعالي ...


هات معاك الناس اللي بتحبها و متعود تخرج معاها و تشاركها اوقاتك الحلوة


او تعالي لوحدك وهتلاقي دكة فيها ناس تشاركهم اوقاتهم

هات معاك حاجه تاكلها و ممكن تزود شويه و تأكل معاك غيرك لو عندك امكانية لدا :)ا


هات معاك حاجه بتحبها او حاجه عايز تشاركها مع الاخرين او تعرضها و تاخد رايهم


هات معاك فكره جديده او تعالي و دماغك فاضيه من غير اي افكار


هات معاك ن ف س ك و تعالي

اقتراحات لضيوف في سهرات الخميس

عارفة عبد الرسول جلسة مجاورة ,مع الحكاءة عارفة عبد الرسول،

فيلم + و فشار

دوري سهرة الخميس

سهرة الخميس راجعة لكم من جديد ولكن المرة دي سهرة رياضية بعنوان دوري سهرة الخميس :D

بعيدًا عن دِكّة أضِف نتجمع كلنا في "نادي المقطم" يوم الخميس 16 مارس لمدة ساعتين, ننقسم مجموعات ونلعب كرة قدم وعلى حسب عدد المشتركين سنحدد زمن الشوط.

الفريق اللى يكسب يتصور بالكأس :D


تعالو احضرو واتفرجو والعبو .. سجلو بياناتكم هنا https://docs.google.com/a/arabdigitalexpression.org/forms/d/e/1FAIpQLSeFi0Da4T6OXye56eoAtN-DGCsuAy8WZt8pLTDjxbAxmZlu8w/viewform

على حسب المشاركين هنقسم قيمة إيجار الملعب علينا

المكان: ملعب الكرة الخماسي لنادي المقطم.

الزمان: من الساعة 7:00م حتى 10م

سعر إيجار الملعب: 175 جنيه/ للساعة الواحدة، ونقسم إجمالي الساعتين على عدد المشتركين.


إزاي توصل: مواصلات من السيدة عائشة (ميكروباص للسيدة عائشة خلف جامع الفتح برمسيس) أو (ميكروباص بجوار محطة مترو الملك الصالح إلى منطقة السيدة عائشة) أو (ميكروباص بجوار محطة مترو محمد نجيب ومنها إلى منطقة السيدة عائشة).

انزل أول شارع "جاردينيا" اللى على أوله "شاورما الريم" قبل مسجد القدس واسأل عن مدخل الملعب الخماسي لنادي المقطم، هنستناك هناك.

من الحي السابع مدينة نصر، ميكروباص للمقطم بالقرب من شبراوي آربياتا، وعند الوصول، اركب ميكروباص تاني، وانزل عند "شاورما الريم" وبقية الوصف مكرر.


للاستفسار:

025041428 2+

01121147008

01125457499


سهرة الخميس مع مشروع المريخ

تعالوا في سهرة الخميس 18 يناير نتكلم عبر ميكروفون مفتوح ونعبر عن نفسنا أمام الجميع. كل شخص لديه وقت محدد يقدم فيه ما يريد دون أن يقاطعه أحد :)

مشروع المريخ يحتوى على عدد من المبادرات لدعم حرية التعبير عن النفس بين المصريين على اختلاف ثقافتهم.

كما يسعى مشروع المريخ للاستمرار والحث على روح التجربة والمغامرة والخروج عن المفاهيم المعتادة. https://www.facebook.com/Mashrou3AlMareekh


  • الدعوة عامة، والفعالية مجانية بدون رسوم.

حب عميق <3


للاستفسار:

25041428

01121147008

01125457499

____ عنوان أضف: رقم 143، ش 8، متفرع من ميدان النافورة، المقطم الهضبة العليا.

للوصول إلى مقر أضف بالمقطم: مواصلات من السيدة عائشة (ميكروباص المقطم خلف جامع الفتح برمسيس) والوصول إلى ميدان النافورة بأول المقطم، في الميدان يوجد البنك الأهلي وسوبر ماركت مترو، اتجه في الشارع بين البنك والماركت (البنك على اليمين والماركت على اليسار) حتى نهاية الشارع ثم الاتجاه إلى اليمين والسير دقيقتين، فيلا "أضف" رقم 143 تقع قبل نهاية شارع "8" على اليمين.

من الحي السابع مدينة نصر، ميكروباص للمقطم بالقرب من شبراوي آربياتا، وعند الوصول، نستقل ميكروباص أخر لميدان النافورة، وبقية الوصف مكرر.