كوكب موازي

من ويكي أضِف
اذهب إلى: تصفح، ابحث

اجتماع 1

التاريخ: 26 مارس 2020

الوقت 7:30 - 9:30 م

الحضور و الجهات الممثلة

  1. محمود الشيخ - Rock Solid Foundation
  2. ياسمين زيد - برنامج الغذاء العالمى - World Food Program
  3. علي عزمي - مكوك
  4. عمرو جاد - أضف
  5. نهال السيد محمد - ميسرة حرة (تصميم و تدريب علي البرامج و المناهج - مختصة بالدارما)
  6. ابراهيم فتحي زلط - J-Junior
  7. باسم البنداري - معلم تاريخ
  8. سارة الحداد- ألوان و أوتار
  9. رأفت بيومي - أضف و ألوان و أوتار و فن و حياة
  10. شيماء يحيي - طالبة ماجستير مسرح تعليمي
  11. سارة عادل- معلمة تنمية بشرية - تمكين المراة و دراسات النوع الاجتماعي فى اسماعيلية -
  12. حسين - مكوك
  13. ايناس خضيرة - الوان و أوتار
  14. حازم شلتوت - أضف / ميسر حُر
  15. محمد ابراهيم - مبرمج سوفتيير
  16. ناريمان مصطفي - مساحات للتعلم الحر

تيسير و توثيق

ناريمان مصطفى

الموضوع

لقاء تشاركي بين العاملين و المهتمين بمجال التعليم الغير رسمى من شبكة موازي، لبحث امكانية خلق برنامج تشاركي يواكب السياق الجديد الخاص بما تمر به البلاد من اوضاع حالية خاصة بفيروس كورونا

أجندة الاجتماع

  • تقديم (شارك اسمك، المؤسسة اللى انت بتمثلها أو علاقتك بالتعليم، نيتك من الحضور، اكثر حاجه بتعملها الفترة دي اثناء الحجر) عرض للفكرة العامة للمبادرة
  • مناقشة فى الفكرة العامة
  • تحديد الهدف المشترك من البرنامج أو المبادرة
  • قدح ذهني تشاركى للأسئلة التى يجب ان نفكر فيها لخروج البرنامج للنور


التفاصيل

النوايا المشتركة للمجموعة لحضور الاجتماع

  • ازاي نكمل شغل داخل مؤسساتنا و نوصل لجمهورنا و نساعد جمعياتنا نكمل خلال فترة الحجر دي
  • التخفيف عن الأمهات فى الفترة دي من الحجر الصحى لفيروس كورونا
  • استغلال وقت الحجر الصحي فى نشر فكرة التعليم الغير رسمى و نوصل افكارنا و شغلنا
  • التفكير فى: ازاي نوصل للأطفال اللي فى مناطق المعزولة عن الانترنت؟
  • التفكير فى: كيفية توصيل مناهج بطريقة مبتكرة من خلال الوسيط الاونلاين
  • ازاي ناخد فيد بااك او مردود و تقييم من المشتركين عن المحتوي التعليمي اللي بنقدمه

عرض للفكرة

  • هنطلق برنامج مفتوح للأطفال لجميع الفئات العمرية
  • هنشارك كلنا بكل مجهوداتنا و خبراتنا الجمعية سواء من ميسرين او محتوي تعليمي
  • هنشكل سوا نتيجة مشتركة من الأنشطة، كل مؤسسة او فرد هيحدد هو يقدر يقدم ايه من حيث محتوي تعليمي و شكل ليه و ميسرين مع تحديد الفئة العمرية اللي بيقدم ليها، و يحطه فى جدول مشترك بحيث نقدر نكوّن نتيجة مشتركة للبرنامج التعليمي بتاعنا. مثال علي الجدول ده هنا
  • هنعلن عن البرنامج ده للجمهور
  • هيكون فيه دفعه من الناس اللي بتشترك فى البرنامج ده
  • فى كل يوم تعليمي من البرنامج بيكون فيه التالي:
  1. فى المرحلة الأولى: بيتم اعلان جدول كل اسبوع بأنشطته المختلفه، و الأطفال بتسجل استمارة اشتراك بالاسبوع، و تعبر فى الاستمارة عن الجلسات اللي هتشارك فيها. فى مرحلة ثانية: الأطفال بيتجمعوا فى دايرة صباحية من اجل تسجيل الدخول و شرح الأنشطة المختلفة الموجوده فى اليوم، و مثلها دائرة فى آخر اليوم من اجل تسجيل الخروج
  2. الأطفال بتدخل تحضر فقط العروض التعليمية المناسبة ليها الموجوده اثناء اليوم - بمعني انها مهتمة بيها. فى المرحلة الأولى: الأطفال بتعبر عن الاهتمام ده من خلال استمارة تسجيل.
  3. العروض التعليمية ممكن تكون اونلاين بشكل كامل، او اونلاين بيطلب افعال مختلفة علي الأرض، يروح الطفل ينفذها و يرجع يشارك النتيجة اونلاين او يرسلها
  4. اتفقنا ان البرنامج هيكون موجه لكل الفئات العمرية من سن 7 سنوات، متقسمين ل من 7 الي 9، و 10 الي 12، و 13 الي 15 و 16 الي 18.
  5. اتفقنا ان ممكن بعض الأنشطة تكون موجهه للأسرة ككل مع بعضها و يتم تحديد ده فى الاعلان عن الجلسة أو النشاط.
  • اتكلمنا فى الأهداف العامة او سئلة كتير محتاجين نجاوب عليها عشان نطلق البرنامج ده للنور. الاسئلة دي مذكورة فى الملف ده فى القسم القادم و هتكون هي موضوع الاجتماع القادم.


الهدف المشترك

  • خلق محتوي المتلقي الأساسي فيه هو الطفل (يعني مش بنبعت محتوي للأهالي ينفذوه مع الأطفال)
  • تيسير عملية تعلم فى مده زمنية معينة بشكل تشاركي
  • مشاركة من عدد كبير من الميسرين من جهات مختلفة بحيث انه كل شخصى يحط مجهود تطوعي بسيط و نشارك مجهودنا سوا و نبني علي خبراتنا فى المجال
  • برنامج مليان فقرات تعليمية مختلفة حسب خبرات مؤسساتنا المختلفة و مصادرهاا، مقدم للمشتركين و يدخلوا وقت العروض المناسبة ليهم و لاهتمامهم، و يبدأوا مع بعض اليوم بدائرة و ينهوها بدائرة زي ما موضح فى شكل البرنامج
  • عرض ما لدينا كمؤسسات من خبرات و محتوي و طرق تعلم غير تقليدية و مبدعة بشكل تشاركي و مع الوصول المشترك لقاعدة اكبر من الجمهور، خاصة فى ظل الظرف الحالي من اجتياج فيروس كورونا


الأسئلة اللي محتاجين نشتغل عليه

=====خاص بالعروض التعليمية او الجلسات

ازاي نخلق عروض تعليمية تشد الأطفال و يكونوا فيها منتجين و فاعلين و معبرين مش متلقيين؟ ازاي نخلق عروض تعليمية تمزج بين الوسيط الأونلاين و بين مهام علي الأرض و يتم المناقشة فيها اونلاين؟ فكرة: الكنز المفقود كنشاط يتم شرحة اونلاين و عمله علي الارض

مناقشة

  • سارة عادل: تأليف قصص مشتركة --- ممكن تتحول لمسرحية
  • سارة عادل: عمل كرافت من خامات فى البيت (مثلا خيمة رمضان من كرتون فى البيت)
  • نهال: الأولاد بتمل من الأشياء السماعية فقط - العاب الارتجال فيها نشاط و انخراط كبير
  • باشر: لعبة حرامي البنك -تفاعلي اونلاين - و فيها شغل اوفلاين - بيعملوا تحديات اوفلاين - و بيرجعوا اونلاين - و بتركز علي الفيزياء او الرياضيات
  • رأفت: عروض رقص بعدد حركات معينة و بنرفعه للولاد و كل مرة بنزود عدد حركات لغاية ما يكون رقصة متكاملة. ممكن الطفل يحط التراك اللي يعجبه و يصوره فيديو كليب و يبعتوه للميسرين
  • ناريمان: منصات للانتاج المشترك: مثلا راديو او نشرة اخبار او موقع اخبار من وجهة نظر الأطفال و شهادتهم علي هذه الفترة
  • محمود: اقتراح : نشاط للأسرة مع بعض عن دعم الأسرة للأطفال في عملية التعليم يكون هدفها تطوير التفكير النقدي و الإبداع عشان نبني أساس يساعدنا، بفكر في بدايتها مع فئة عمرية محددة و هيا أسر المشاركين من سن ٧-١٢ و سببي هنا علمي هو إن الفص الجبهي من الدماغ " Frontal lobe " الي بيقوم بالوظيفة دي بيبدأ استخدامه بشكل واسع خلال العمر من ٧-١٢ و استخدامه بأكبر قدر ممكن بيبني مهارات اكثر.
  • محمود: عروض يدخل فيها لعب و إستكشاف، و مع فكرة إن الإستكشاف أو الألعاب تكون صعبة نسبيا مش جدا، إن حب الأطفال للألعاب في محاولتهم لإيجاد الحلول و إجابات ليها و مع تقدمهم في اللعبة أو الإستكشاف يشعرون بثقة أكبر حول أنفسهم و أنهم أفضل مما كانوا في الفصول الدراسية أو ماكانوا يقومون به قبل ذلك. وإدراك أن بإستطاعتهم تطوير حلولهم الخاصة بدلامن أن يعطيها لهم الآخرون.


اتفاق

يستمر التفكير و البحث و المشاركة

ـــــــــــــــــــــــــــــــــــــــــــــــــــــ

هل فيه وقت مثالي للعرض - للجلسة التعليمي زمنيا؟ (ساعه، ساعتين ...الخ)

مناقشة

  • عمرو: 45 دقيقة بعدهم استراحة (العادي اوفلاين بيبقي ساعة و نص)
  • سارة عادل: لو عرض للاسرة كلها يبقي بعد الساعه 5
  • سارة: ممكن نجرب بعد الحظر عشان الأولاد الصبح بيبقي فيه مدرسة
  • ناريمان: يللا نجرب الصبح و ليلي برضه عشان نجرب
  • علي: يللا نسأل أكتر هو روتين الأطفال دلوقتي عامل ازاي (اكشن)
  • باشر: شريحة كبير من مدارس الحكومة ملهمش اي متابعة صباحية من المدرسة


اتفاق

يتم الاعلان عن ساعة - و تكون بالفعل 45 دقيقة او 30 دقيقة فى الواقع

ــــــــــــــــــــــــــــــــــــــــــــــــــــ

هل الجلسة ممكن بتعمل الصبح و بعدين يرجع يتعرض بليل؟ و لا لازم يبقي تفاعلي؟

مناقشة

  • سارة الحداد: مش كل العروض تفاعلية فى ساعتها، في هيعملوا حاجات اوفلاين و يرجعوا يشاركوا
  • نهال: دي امكانية كمان للنشر حتي بره و أوسع حتي من مصر


اتفاق

فى العروض اللي ينفع ده فيها، ممكن تتسجل و ترجع تتعاد بحيث ان الطفل يقدر يعملها لوحده، خاصة لو العرض بيتقال فيه تعليمات الطفل ممكن يعملها لوحده

ـــــــــــــــــــــــــــــــــــــــــــــــــ

هل الجلسات تراكمية او غير تراكمية؟


مناقشة

رأفت: بيرجع للمدرب - و المحتوي - و اكتب فى الجدول عمرو: نبدأ بالحاجات التراكمي القصير عشان نشوف احتياجات الناس و ايه اللي ينفع معاهم علي: ميال دايما للبساطة فى الأول لسهولة الحشد للمحتوي بتاعنا - تبسيط الرسالة بمواعيد محددة - ممكن بعد اسبوعين - ثلاثة و مع التزام مجموعة معينة نبدأ نطور برضه الميسر يعمل حسابه انه كل مرة يعمل حاجه جديدة

اتفاق

فى مرحلة البداية، لمده اسبوعين، نبسط و نشتغل علي الأشياء ذات المرة واحدة أو مرتين بالكثير، و يكون الميسر مبدع كفاية انه يقدم حاجات جديدة كل مرة لو الناس اللي شاركوا هما نفس الناس

ــــــــــــــــــــــــــــــــــــــــــــــــ


ازاي نعمل تحضير للمشتركين لما قبل الجلسات او الخامات اللي محتاجين يجيبوها ان وجد؟ و لو المشتركين مجابوش الخامات نعمل ايه؟

مناقشة

سارة الحداد: ممكن نبدأ بأشياء حركية اكثر من يدوية، و نشد الجمهور الأول - كل الخامات تبقي موجوده حوالينا فى البيت باشر: التسجيل فى الأول مهم، و الميسر يبعت رسالة فى قبل الجلسة و يقول المنصة المستخدمة و وسيلة التواصل و الخامات المطلوبة. ممكن كمان نشرح فى اول الجلسة، لمده 2 - 3 دقيقة عن كل جلسة و هي بتتكلم عن ايه، عشان لو حد حابب يرجع و يعمل حاجه لوحده او يعيد مع نفسه - مثلا لو مجابش خامات


اتفاق

نبدأ بأشياء من غير خامات خالص او اشياء موجوده حوالينا فى البيت، ينفع أقول للأطفال يروحوا يجيبوها من جمبهم فى البيت (مثلا ورقة بيضا) فى اول 5 دقايق من الجلسة


ــــــــــــــــــــــــــــــــــــــــــــــ

المشتركين

مين السن؟ مين الجمهور؟

المناقشة

  • ناريمان: ممكن من 7 سنين ل 16 سنة: بس متقسمين فئات عمرية
  • شيماء: بس يبقي فيه انفتاح ان يبقي فيه مرونة ان كل شخص ينضم حتي لو مش من الفئة العمرية بس هو شايف انها مناسبة ليه
  • نهال: ممكن يبقي فيه نشاط للأسرة مع بعض مش بس لفئة عمرية واحدة
  • علي: ممكن يبقي فيه نقطة واضحة عشان تواصلنا يبقي مركز في الوصول للجمهور و بعدين نوسع واحدة واحدة، فنختار فئة واحدة
  • سارة: هل لو حد برة السن ده مش هيدخل؟ و لا نسمح و لكن التصميم مش ليه؟
  • نهال: من 11 - 15 محتاج دعاية مميزة، لو اشتغلنا ليه
  • ناريمان: و برضه من 11 - 15 لو عملنا الطريقة الصح فى الوصول ليه، ج
  • سارة: و ممكن نقسم نفسنا و نشتغل علي فئات مختلفة بما اننا مؤسسات مختلفة و عندنا عروض و محتويات مختلفة
  • عمرو و رأفت: الموضوع بيعتمد علي الميسر و شطارته و خبرته و اللي يقدر يقدمه و يقدر يقدمه لسن كم

اقتراح 1: نشتغل علي فئة عمرية واحدة اقتراح 2: نشتغل علي كل الفئات العمرية و نحدد كل جلسة متاحة لمين اقتراح 3: نشتغل علي فئتين عمريتين بس قريبين من بعض عشان تكون دعاية مركزة

الاتفاق

هنشتغل علي كل الفئات العمرية بداية من 7 سنين ، هيتقسموا فئات عمرية (7 الي 9، 10 الي 12، 13 الي 15، 16 الي 18)، كل جلسه هيتم فيها تحديد المحتوي المقدم تم تصميمه لأى فئة عمرية، مع المرونة انه ديمقراطية الانترنت بتسمح بدخول اي شخص شايف ان المحتوي ده مناسب ليه حتي لو مش من الفئة العمرية المحددة

ــــــــــــــــــــــــــــــــــــــــــ

هل معانا دفعة و بنشتغل معاها و لا الموضوع مفتوح بنتيجة معلنه علي الانترنت و كل حد بيدخل وقت ما هو عايز ؟

مناقشة

  • عمرو: الجمهور بيدخل وقت تنفيذ الجلسة من خلال التوقيت المعلن ع الإنترنت.
  • عمرو- نهال - باشر - سارة حداد: انا مع وجود استمارة تسجيل، لو الشخص مسجلش يبقي هو مش مهتم. و ده كمان هيسمح لنا نعرف نتواصل معاهم بعد كده.
  • عمرو: لو التسجيل بالجلسة، هل ده هيكون مرهق للجمهور؟
  • علي: تخوف من اللوجستيات فى أول اسبوع - فممكن اول اسبوع يبقي الاستمارة كل يوم
  • سارة: ممكن اول اسبوع يبقي مفيش استمارة و الميسر ياخد اسماء الناس و معلوماتهم فى أول الجلسة
  • سارة: لو الجدول واضح يبقي نعمل استمارة بالاسبوع
  • محمود: الاستمارة تكون بسيطة - ممكن تكون من خلال منصة ايفنتات - احجز مكانك
  • علي: فى المرحلة الأولى، يبقي الموضوع مفتوح و فى مرحلة لاحقة نقدر نعمل دواير صباحية و برنامج مبنى علي بعضه مع مجموعه اكثر
  • علي: طبعا دايما ممكن حد مسجلش ييجي و اكيد الميسر مش هيطرده
  • باشر: بقترح التسجيل علي doodle
  • نهال: فى الأول يبقي اسبوع، الناس مش هتتعب عندنا
  • عمرو: نبعت لكل المشتركين من كل مؤسساتنا

اتفاق

فى خلال اول اسبوع يكون فيه تسجيل استمارة للاسبوع كله، داخل الاستمارة فيه لسته بكل الجلسات اللي هتحصل خلال الاسبوع، و المشترك يعلم علي الجلسات اللي حابب يحضرها خلال كل يوم من الاسبوع

ــــــــــــــــــــــــــــــــــــــــــ


التسجيل للنشاط او لليوم ازاي؟ هل بيكون فيه فعل من المشارك قبل المشاركة؟

عمرو: من خلال استمارة تسجيل فيها البيانات الأساسية للشخص المشترك اسم وتليفون وبريد إلكتروني إن وجد والمنطقة السكنية أو الحي ونوع المدرسة (حكومة أو لغات أو تجريبي أو دولية) اتفاق: مثل ما سبق

هل فيه عدد معين يجب الالتزام بيه كحد اقصي للحضور لأي محتوي أو جلسة؟ و لا مفتوح؟

مناقشة

  • عمرو: اللي يقدر يحدد هو المدرب عشان يقدر يتابع الجمهور. ولكن دا مش هيكون محكوم قوي عشان مش هنقدر نقول لحد ماتتفرجش أو ماتشاريكش.. بس مش عارف هتتظبط ازاي
  • ناريمان: الاستمارة بتاعة التسجيل هتساعد شوية
  • ناريمان: الميسر ممكن يقول ايه الحد الأقصي و لو العدد ده وصلناله فى التسجيل، تتشال الجلسة من استمارة التسجيل
  • نهال: لو المؤسسة تقدر توفر اتنين ميسرين يديروا الجلسة بشكل متوازي (نفس الجلسة) للاستجابة للعدد للعرض

اتفاق

لو فيه ورشة و المدرب شايف انه ممكن يدخل عدد كبير، ينسق مع شخص تاني عشان يبقوا جاهزين لما يحصل عدد أكبر انهم يقسموا الجلسة و يشتغلوا بشكل متوازي -ان لم تحدث هذه الامكانية عند الميسر، ممكن يعلم الفريق التنسيقي، عند وصول الورشة لعدد معين اثناء التسجيل، تتم ازالة الورشة من استمارة التسجيل

ـــــــــــــــــــــــــــــــــــــــــــ

هل فيه ميثاق مشترك لكل البرنامج؟ بيمضي عليه الميسرين المشاركين؟ و هل فيه ميثاق مشترك للأطفال بيوافق عليه الأطفال فى اول جلسات للبرنامج؟ ميثاق مشترك للأطفال: هل الميسر حر فى ده جوه جلسته؟ هل يكون فيه ميثاق معلن فى الاستمارة؟ او ميثاق واحد للأطفال كلها فى كل الجلسات الخاصة بالبرنامج؟

مناقشة

  • عمرو: الميثاق المشترك دا ممكن المدرب هو اللي يبتكره مع المشاركين خصوصاً لو الجلسة أو الورشة ممتدة لاكتر من يوم
  • نهال: مع انه يكون فيه ميثاق مشترك لكل الميسرين اللي هينضموا للمبادرة
  • اكشن: نعمل مستند مشترك لميثاق الميسر و نشتغل عليه بشكل تشاركي
  • نهال: يكون ميثاق واحد مشترك لكل الأطفال
  • علي: ميثاق مشترك من 3 - 4 خطوات يعرضها كل ميسر فى أول كل جلسة و ممكن الميسر يضيف اي شيء حسب جلسته
  • نهال: ما يضيفه الميسر لا يناقض ميثاق المدربين و لا ميثاق الأطفال
  • حازم: شيء مصغر جدا فى أول الجلسة - لأن الجلسة كلها 45 دقيقة، و هيكون ميثاق عندما يكون العمل تراكمي
  • عمرو: الميسر بيخلي الأطفال يذكروا الميثاق بنفسهم

اتفاق

فيه ميثاق مشترك لكل الميسرين، يمضوا عليه عند اشتراكهم فى المبادرة، هنعمل عليه بشكل تشاركي لتكوينه فيه 3- 4 نقاط بالكثير كاتفاقيات مشتركة بين الأطفال، يقولهم الميسر فى اول 5 دقائق من الجلسة، هنعمل عليهم برضه بشكل مشترك

ـــــــــــــــــــــــــــــــــــــــــ


تقييم

ازاي نجمع فيدباك او مردود او رأي من المشتركين؟

مناقشة

عمرو: بفكر إننا ناخد الفيد باك من الجمهور يا بالتليفون أو من خلال استمارة بس الاستمارة مش هتكون فعالة قد ما التليفون هيكون أفضل. حتي لو اسبوع واحد او جلسة واحدة. و مع المرحلة اللي بعد كده يكون فيه فيدبالك فى الأول او فى الآخر نقاش بين عمر و نهال عن رأي من الأهل و وصلنا انه فى الأول - اول مرحلة علي الأقل مفيش رأي الأهل و ميكونش ابدا قبل فترة تراكمية طويلة من العمل مع الأطفال (مثلا 10 الي 15 مرة) سارة حداد: ممكن الميسر ياخد توقعات و فيدباك داخل الجلسة فى أولها و أخرها. بلاش تليفون عشان طاقة كبيرة و ارهاق رأفت: محتاجين بشكل بسيط و ممكن الصغيرين ميعروفش يكتبوا حازم: اذا الجلسات فى أول اسبوع او اسبوعين لو الجلسات بسيطة و مش تراكمية، ممكن نعمل فيدباك جوه الجلسة حتي لو من خلال الشات و الايموجيز - حتي لو مش دقيق دلوقتي - حاجه بسيطة مش معقدة علي: آخر الاسبوع ممكن نبعت ايميل لكل الناس بالاستمارة تقييم و نشوف رأي الناس سارة عادل: ممكن يكون فيه زي مشروع مطلوب فى آخر الأسبوع، يتم طلبه بالايميل

اتفاق

التقييم شيء بسيط الميسر بيعمله فى الجلسة فى آخرها كسؤال، و نبعت استمارة فيها تقييم للاسبوع و اقتراحات للاسبوع اللي بعده يتم ارسالها لكل المشتركين المسجلين فى نهاية كل اسبوع بالايميل، و ممكن يكون في استمارة التقييم او فى الايميل طلب لعمل شيء معين كتأمل علي الأسبوع فى مجمله

ـــــــــــــــــــــــــــــــــــــــــــــ

ازاي نقيم بعض و ندي مردود لبعض كميسرين؟

مناقشة

  • هل محتاجين نقيم بعض كميسرين و بالتالي محتاجين أرشفة لكل الجلسات ؟
  • حازم شاهين: بالنسبه للتقييم احنا ممكن نعمل team ممكن يكون من نفس المجال فا يقدرو يقيمو بعض وده هيبقي اقل في المجهود ومحدد
  • حازم شلتوت: احنا بالنسبه للجلسه احنا ممكن نسجلها ونحطها علي google drive اوaccount باسم الورشه اللي بيديها ويبعت اللينك فا زي ما احنا عندنا جداول للجلسات يبقي عندنا open resources للورشات بلينكات ل اللي حابب يتفرج او يشوف التجربة
  • لم يتم استكمال المناقشة هنا - كانت مناقشة عابرة و لم يتم التوصل لاتفاق

ـــــــــــــــــــــــــــــــــــــــــــــ


تقني و لوجستي

ايه المنصة اللي ممكن نبدأ نستخدمها؟ ايه تفاصيلها ؟ (محتاجين حد تقني)

مناقشة

اكشن: نكتب وصف و نبعت لناس تقنيه و نسألهم يرشحلونا شيء مجاني و فيه المواصفات اللي تسمح بأن اللي عايزينه يحصل - ممكن نستضيف حد الجلسة الجاية يضم علينا و يشرح لنا اكتر


منصات ممكنة شاركها حازم: (نذاكرها عشان نقدر نقرر)

https://moodle.org/

https://www.educatorstechnology.com/2018/12/5-good-video-conferencing-tools-for.html

https://www.blackboard.com/teaching-learning/collaboration-web-conferencing/blackboard-collaborate

https://educationaltechnology.net/free-open-source-learning-management-systems/

https://learningequality.org/kolibri/

https://www.videofacilitator.com/

https://www.freeconference.com/blog/video-conferencing-for-teachers/

https://bigbluebutton.org/

https://edtechreview.in/news/2879-free-video-conferencing-tools-you-should-know-about

https://en.m.wikipedia.org/wiki/Google_Classroom

https://wbo.openode.io

https://wbo.ophir.dev

google classroom + jitsi + wbo Jetsi Riot Discord Zoom

http://wikisuite.org/Openfire-Meetings

ــــــــــــــــــــــــــــــــــــــــــــ

احنا عايزين ايه من المنصة؟

  • تواصل مرئي و مسموع (موجود فى كل المنصات المقترحة)
  • تسمح بالمشاركة من دول مختلفة من العالم (موجود فى كل المنصات المقترحة)
  • تتيح الاضافة من المشتركين - بحسب سياسة المنصة (اضافة مباشرة او تتم المراجعة من الاداريين فى المنصة )
  • الميسر يقدر يكتب او يرسم عشان يوري حاجه للمشتركين
  • شات بين المشتركين و الميسر، شات بين كل مشترك و الميسر او بين الميسرين بشكل خاص (برايفت) (موجود فى كل المنصات المقترحة)
  • مجانية
  • مفتوحة المصدر (موجود فى Jetsi - Riot - Discord) اولوية و نلجأ لما هو ليس مفتوح المصدر فقط فى حالة ضرورة شديدة و احتياج لخاصية لا بديل لها في شيء مفتوح المصدر
  • تقسيم مجموعات (غرف) صغيرة) (مش موجود فى Jetsi و لكن ممكن الميسر يخلق اتنين رابط و يدي روابط مختلفة لكل مجموعة، و ممكن يقفل اي مجموعة على المشتركين فيها فقط بكلمة سر)
  • مفتوحة لعدد مفتوح الناس اللي بتتقابل فى المكالمة (موجود فى كل المنصات المقترحة)
  • لا يوجد توقيت محدد للمكالمة (موجود فى Jetsi - Riot - Discord)
  • أن المنصة تقدر تظبط نفسها فى جودة الفيديو و ال bandwidth المستخدم حسب سعة الانترنت و جودته مع المستخدمين --- محتاج بحث شوية
  • صديقة و سهلة للمستخدم
  • يبقي سهل علي الموبايل عشان الشباب اللي بنشتغل معاهم و ينفع يتم دعمه من باقة انترنت موجوده


أشياء محتاجينها فى مراحل لاحقة مش فى المرحلة دي

  • مشاركة فيديوهات او نصوص - شير سكرين (موجود فى كل المنصات المقترحة)
  • رفع مناهج او كتيبات أو ملفات ( مش ضرورية للمرحلة)
  • توثيق ما تم من قبل عشان اي حد يدخل يشوفه او يقراه (آلية للتوثيق) - ( مش ضرورية للمرحلة)
  • الإعلان عن الورش و التسجيل ليها - ( مش ضرورية للمرحلة)


مناقشة

  • عمرو: هل لازم نستخدم منصة واحدة؟ و لا ممكن اكثر من منصة حسب تفضيل الميسر؟
  • عمرو: هل ممكن نستخدم منصتين مختلفتين بيقدموا ادوات مختلفة لتكفية احتياجاتنا؟
  • هدير: هل ممكن نطلب مزايا زيادة من اصحاب Jetsi أو مبادرة مفتوحة المصدر؟
  • صفارة: ده مش هيحصل بالنسبة للأشياء مفتوحة المصدر - و لكن ممكن ندفع فلوس فى منصات تجارية و ناخد امتيازات
  • صفارة: هل احنا قصدنا منصة يعني موقع و لا أداة تفاعل؟ اتفق الكل علي انه اداة تفاعل
  • سارة: فعلا مهم ان تكون منصة تشد الطفل لأن فيه مشتتات تانية كتير زي اليوتيوب مثلا. نعمل حاجه ممتعة للأطفال و مش شرط تبقي ورش - كورس مثلا زي ال mentor للأطفال
  • اقتراح من حازم:

ـJitsi + Google Classroom +/ https://wbo.openode.io التلاتة دول مع بعض هيحققوا اللي احنا عاوزينه وأكتر، عذراً لو فيه تحفظ على جوجل (أنا كمان مش باحبهم)


اتفاق

قمنا بوضع لسته لما هو مرغوب فيه فى المنصة التقنية التى سنقوم باستخدامها، و قام حازم شلتوت باقتراح استخدام مزيج من: Whiteboard )https://wbo.openode.io, Google Classroom , Jetsi، علي ان يقوم فريق الدعم التقني بأخذ قائمة الرغبات التي اتفقت عليها المجموعة و الاقتراحات للمنصات و الوصول لقرار نهائي علي ماهية المنصة و الأدوات التي تستخدمها هذه المبادرة لتقديم محتوي تعليمي.

الأدوار (تعليمي، تنسيقي، تقني، تواصل مع الجمهور ..الخ)

الدور وصف مختصر للدور اسم المسؤل(ة) / الفريق تعليقات أخري
التسويق
  • اسم المبادرة

1.عصف ذهني مع المجموعة الكبيرة، ومجموعة التسويق تختار

  • كتابة محتوى تسويقي عن المبادرة

1.جملتين بتحكي عن المبادرة - شرح المبادرة 1.1. علي حيكتب وفاطمة وعمرو حيراجع 2.نصوص عن محتوى الورش؛ هيكون فيها المعلومات الأساسية للمحتوى (من، متى، ماذا، أين، لماذا) والتي ينسق فيها الشخص من فريق المحتوى وعز حتى يتسنى الترويج بشكل واضح وفعال للجمهور 1.2.الميسر - مجموعة تنسيق المحتوى

  • عمل ملصقات دعائية عن المبادرة (تصميم جرافيك؟) - مكوك

1. نص 2. تصميم بصري 3. لوجو

  • صفحة الفيسبوك - اضف/عز/موازي/ حد من مؤسسة تانية ـ الوان)

1. نص الصفحة 1.1. فاطمة 2. مجموعة 2.2. عمل أيفنت على الفيسبوك

  • المنصات

1.فيسبوك - بالإضافة إلى جروب للمجموعة يكون مساحة للتداول بين القائمين على المبادرة والجمهور المستهدف 2.انستاجرام 3. يوتيوب

  • متابعة اسئلة الجمهور على الفيسبوك الخاص بالمبادرة للاستفسار (والتليفون؟؟)

1. حد من مجموعة تنسيق المحتوى

  • نشر اي تحديثات خاصة بالمبادرة و جدول كل اسبوع جديد فى كل قنوات التسويق

1. حد من مجموعة تنسيق المحتوى

  • عمل استمارة تسجيل المشتركين

1. اضف/حد مجموعة التنسيق

  • الدنيا حتمشي ازاي (process) - بروتوكول النشر المشترك حيث يتم فيه استعمال ايميل جماعي لإعلام المؤسسات الشريكة والأفراد (الشركاء\الشريكات) بالفعاليات المنشورة حتى يتسنى لهم مشاركتها في الدوائر الخاص بهم وجمهورهم.

1. اضف/نبعت ايميل للمجموعة الكبيرة (جروب ايميل/واتس اب)

  • متابعة أعداد الجمهور التى تصل اليها المبادرة من خلال القنوات والوسائل المختلفة و التطوير بناء على ذلك
  • نشر الايفنت على كل وسائل التواصل الاجتماعي من صفحة المبادرة وأي طرق دعائية اخرى
  • إرسال الايفنت لكل المؤسسات المشاركة و الأفراد لنشرها فى دوايرها
  • كما يجب عدم استخدام شعارات المؤسسات الداعمة في المنشورات البصرية ويُنص على هذا الدعم كتابة وذلك لعدم امتلاك الأفراد لشعارات بصرية وأيضاً لغرض التنسيق بشكل متكامل وفعال
  • لن يتم استعمال ايميل\رقم على الصفحة -بشكل مبدئي- وسيكون التواصل من خلال صفحة الفيسبوك وغيرها من المنصات التي سنتواجد عليها
  • عمرو- فريق الترويج والميديا في أضِف يعاونه فريق لوجيستي من أضِف بالإضافة لمساعدة آخرين. كما يتم الاتفاق على اسم من فريق المحتوى يكون هو حلقة الوصل والتجميع للمعلومات التي سيتم نشرها
  • ومكوك (ساندرا وعلي) في التصميمات البصرية/موازي (رمضانة)
  • سارة الحداد- الوان واوتار
مثال
الميسرين من ضمن مهام الميسر (دور لكل ميسر مشارك بيقدم جلسات تعليمية - مش فريق)
  • تصميم و تقديم جلسات تعليمية
  • متابعة المشتركين الذين قاموا بالتسجيل
  • التنسيق مع المشتركين الذين قاموا بالتسجيل لجلساته، و ارسال اي iتغييرات للمشتركين اذا وجد
  • تولى جميع رسائل التواصل مع المشتركين سواء كانت عبر بريد الكتروني او واتساب او غيره
  • متابعة الغياب و من بالفعل حضر اي جلسات و تعقب أعداد الحضور فى كل جلسة
  • ارسال رسائل التقييم البعدية (بعد كل اسبوع فى المرحلة الأولى) للمشتركين
  • نيهال السيد محمد
  • سارة عادل
  • رضوى علي
  • حازم شاهين
مثال
تنسيق المحتوي التعليمي
  • وضع جدول تعليمي مشترك للمبادرة بحسب ما توفره كل مؤسسة او ميسر حر
  • متابعة الميسرين او المؤسسات و الحصول علي اي معلومات اضافية لأي جلسة حتي يتم وضعها فى الجدول المشترك للبرنامج
  • التنسيق مع فريق التسويق لاعلان الجدول التعليمي
  • التنسيق مع فريق التسويق لتعديل استمارة الاشتراك بحسب الجدول
  • عمل استمارة التقييم البعدية التي يقوم الميسر بارسالها للمشتركين فى نهاية الأسبوع
  • عمل شيتات للميسرين لملء الغياب و الحضور الخاص بكل جلسة
  • تحديد شخص للتواصل مع فريق التسويق
  • محمود الشيخ
  • محمد باشر
  • سارة صلاح
  • رضوى علي
  • هدير دهب
  • فاطمة حسن
  • ناريمان مصطفى (مساعدة في الاول بس)
مثال
دعم تقني
  • تحديد المنصة التى سيتم استخدامها
  • توفير الدعم التقني و الرد علي اي اسئلة من الميسرين
  • (ممكن) توفير جلسة اونلاين تدريبية للميسرين علي المنصة قبل بدء الجلسات الفعلية مع الجمهور
  • تقديم اقتراحات للمشاكل التقنية
  • عمرو جاد
  • صفارة
  • حازم شلتوت - متابعة
  • الفريق التقني في أضِف
مثال
دعم الميسرين و التعلم المشترك
  • التنسيق للوصول لميثاق الميسرين النهائي
  • عمل قائمة بالميسرين المشاركين و تحديثها بمن ينضموا جديدا
  • لتأكد من امضاء كل ميسر يقدم جلسات فعليا ضمن المبادرة على ميثاق الميسر
  • تصميم مسار و معايير لانضمام اي ميسر جديد للمبادرة و ماذا يحدث فى حال كسر اي ميسر لميثاق الميسرين
  • لتوافر للرد علي أسئلة من الميسرين من ناحية المحتوى التعليمي و الافكار التى يمكن ان ينفذوها و الوسائل التي يمكن ان تستخدم اونلاين (من خلال وسيلة تواصل مثل ايميل او واتساب)
  • البحث عن أفكار جديدة ومبدعة، يمكن أن يتم تطبيقها اونلاين و تساعد علي جذب انتباه المشاركين و انخراطهم كفاعلين معبرين، و ارسال ذلك الي الميسرين المشاركين
  • عمل حلقات تأمل دورية للميسرين لتوثيق التعلم الذي يحدث و للتحدث و التشارك عن التحديات و امكانية التطوير فى المحتوي التعليمي
  • تجميع و توثيق و تحليل استمارات التقييم (التى يملؤها المشتركين) الي جانب انشطة التقييم داخل الجلسات و التعلم المشترك منها من اجل التطوير العام لكل الجلسات
  • متابعة أفضل الأوقات التي يعلي تسجيل المشتركين فيها فى جلسات
  • علي عزمي
  • ناريمان مصطفى
  • رأفت البيومي
  • نيهال السيد محمد
  • صفارة
مثال
تنسيقي عام
  • ختيار وسيلة التواصل بين كل المجموعة المشاركة (مثلا كاقتراح: Slack بيساعدنا يبقي عندنا قنوات مختلفة للشات بين الفرق المختلفة، و يقدر الكل يشوف الكل أو Discord)
  • التأكد من ان كل فريق او شخص لديه الدعم الكافى للقيام بدوره
  • الدعوة لاجتماعات دورية (اسبوعية مثلا او حسب الحاجه) للكل للتأكد من سير الأمور كما هو متفق عليه، و عمل اي اتفاقيات جديدة نحتاج اليها او مناقشة اي تحديات جديدة
مثال مثال


اسم المبادرة أو البرنامج هيبقي ايه؟ مناقشة وعصف ذهني

تليفزيون - موازي اونلاين - علّمني - ع السريع - كبسولة -البيت بيتك - بديل - شاركني - خليك معايا - موازي من البيت - خليك في الموازي - خليك في البيت - مصدر - منبع - منهل - محور - مركز - اوتوستراد - هوبا - هوبا يللا - ع الناصية - كوبري الفن - على كيفك - اوضة وصالة - بنك العلم - حجرات - من البيت للبيت - البير - قلم وورقة - الحوش - وشوش - من هنا وهناك - المجمع - الصحبة - سوبر ماركت - نتلاقى - الحوار الموازي - مش درس خصوصي - سوق - قوس قزح - غديوة - لعب وبس - وياك - المطبخ - لعب مع الكبار - كلمة في حدوتة - كلمتين وبس - فيل - عقل ومفتاحه - جري الوحوش - لعب الوحوش - تلعب معايا - ما تيجي نلعب - ما تيجي نتسلى - المحطة - جرب ودوق - الليلة الكبيرة - مصنوعة بذوق - على القهوة - اوتوبيس الفن - ملتقى - النادي - في الملعب - تالتة تالت - حادي بادي - حريفة - رحلة البيت - السبع طوبات - الأولى - سيجا - السايبر - شد الكرسي - كان يا ما كان - سافر من بيتك - كراسة - من غير كراسة - برطوس - سافر فى الأوضة - عروستى - طيروا - صندوق الدنيا - نحب نتعرف - بيانولا - الابندا و حركات - الابندا - الوقت الضايع - شيكا بيكا - مصنع الأفكار - و لا يهمك - متشغلش بالك - قرب وشوف - المولد - حمص وحلاوة - فركة كعب - كوكب - قمر صناعي - سبيس تون - المجرة - عالم الأطفال - سينما الأطفال - الشنطة - حصالة


أسامي أجمع عليها بعض الأعداد

موازي اونلاين - كوكب موازي - المحطة - صندوق الدنيا - الابندا و حركات - الابندا - كوكب

  • تمت مناقشة حول بعض هذه الأسامي و ابدي الناس تفضيلاتهم

الصورة اللي حابين نخلقها عند المتلقي من الاسم

مرح - حاجة خفيفة - مش مدرسة - مش كليشيه - بيدل علي المحتوي بطريقة ذكية و سريعة - مكان فيه كل حاجه محتاجينها - مكان فيه افكار جديدة و كتيرة - فيه حرية - فيه جو صحاب و شلة - انه ليه صوت مسموع - كلمة موجوده و مستخدمة و حوالين عالم السن اللي احنا بنكلمه

  • سارة: بعترض علي كلمة نادي
  • علي: اي اسم نختاره، نجرب برضه و ندوس و ممكن بعد شهر نغير برضه مش هيكون لسه فيه جمهور خلق ارتباط عنيف بالاسم و التغيير ساعتها مش هيضر

اتفاق

  • يفضل الموضوع مفتوح لحد الأربعاء 8 ابريل الصبح، و لو حد عايز يزود أسامي يحطه هنا فى الملف
  • أكشن: عرض الأسامي علي الأطفال فى حياتنا اللي فى نفس العمرية
  • أكشن: فريق التسويق ياخد النقاش و يبص فيه و يوصل منه لقرار مع الأخذ فى الاعتبار الأسامى المقترحة و ما ناقشته المجموعة عن الصورة التى نود خلقها عند المتلقي من خلال الاسم
  • أكشن: سارة عادل هتعمل استفتاء للاسم علي الفيسبوك و تبعتلنا البوست نشاركه مع دوايرنا علي الفيسبوك

الخط الزمني للمبادرة؟ المناقشة

  • ناريمان: هل ممكن نبدأ شيء فى اسبوع تجريبي قبل رمضان؟ 12 اليي 16 ابريل - دعاية - 19 الي 23 اسبوع تجربة
  • هدير: حاسة ان الأهالي قلقانين من فكرة الأبحاث و ان مفيش امتحانات و الأهالي محجمة عيالها
  • باشر: انا بشتغل مع قطاع حكومي من الأطفال و مفيش اهتمام بالأبحاث خالص و فيه وقت فاضى عند الأطفال و هو ده فعليا وقت التجربة
  • سارة الحداد: ممكن ناس من ألوان و اوتار هتعرض أشياء خاصة بمساعدة الطلاب علي عمل الأبحاث المطلوبة منهم فى المدرسة
  • علي: يللا نجرب اسبوع قبل رمضان، بس كمان ممكن نكمل فى رمضان
  • نهال: لو بدأنا قبل رمضان، يبقي لازم نشتغل في رمضان، عشان منخسرش الأشخاص اللي بدأنا معاهم. لكن لو مبدأناش قبل رمضان يبقي أفضل نبدأ بعد رمضان و العيد
  • سارة صلاح: اخواتي كانوا 9 و 13 سنة السنة اللي فاتت و كانوا بيحضروا مدرسة صيفية فى رمضان عشان بيشغلوا نفسهم في الصيام

اتفاق

  • هنشتغل اسبوع تجريبي قبل رمضان
  • هنطلق فعليا العمل بين الميسيرين و الأطفال فى الأسبوع من 19 الي 23 ابريل
  • اسبوع الدعاية هيكون من 12 الي 16 ابريل
  • من 7 الي 12 ابريل يجب الانتهاء من المهام التحضيرية لكل فرق العمل


اشتراك اعضاء: لو حد جديد حابب ينضم، يعمل ايه؟ و ازاي؟ خاصة لو مش علي قائمة ايميلات موازي؟ المناقشة

  • باشر: انا مش حابب نكون حصريين و انا مع فتح جدا لأي شخص عايز ينضم فى أي وقت
  • علي: فى النهاية برضه اي حد بينضم فهو فى وش المبادرة و مؤسساتنا المختلفة الشريكة فيها و محتاجين نوع من الثقة فيه. انا شايف اننا نبدأ باللي معانا دلوقتي و نعمل مسار لانضمام اعضاء جدد و كل شوية نفتح للانضمام. مسار يكون بيقول ايه اللي يحصل عشان ميسر يوصل انه يقعد مع اطفال فى جلسة اونلاين مثلا انه يمضى علي ميثاق الميسرين او يمكن يكون فيه حلقة تعريف بالموضوع يحضرها اونلاين و يبقي فيه تفكير لو شخص كسر الميثاق نعمل ايه
  • ناريمان: انا مع برضه اننا نشتغل بناء علي الثقة بشكل عام، و لكن فى نفس الوقت حاسة بمسؤلية شديدة اني اسمح من خلال مبادرة ان حد معرفوش او مش ضامنه شغله انه يقعد مع أطفال اونلاين معرفش هيقولهم ايه و لايفرجهم علي ايه. انا بشكل عام ضد التفاعل من خلال عقلية الخوف، بس هنا كلامي جي من احساس بالمسؤلية، محتاجين نكون بشكل ما عارفين الشخص و عارفين شغله. و يكون من ضمن مؤسساتنا الشريكة او بشكل ما فيه ثقة فيه.

اتفاق

  • فريق دعم الميسرين هيقوم بعمل مسار لانضمام اي ميسر جديد
  • فريق دعم الميسرين هيعمل لستة بالميسرين المشاركين حاليا سواء كانوا ميسر حر او من ضمن شبكات الميسرين للمؤسسات الشريكة فى المبادرة
  • أى حد عايز ميسر جديد ينضم و واثق فيه يبلغ حد من فريق دعم الميسرين (ناريمان ، و رأفت، و علي، و نهال)


تواصل: اللي جزء من المبادرة دي هيتواصلوا ازاي؟ هل هنفضل نبعت الايميلات لكل شبكة موازي؟ و لا نعمل لستة جديدة باللي مهتم بالمبادرة دي بس؟ المناقشة

  • نهال: كل شيء و ليه مزايا و عيوب
  • هدير: لو محتاجين ناس تنضم اكتر، يبقي نفضل نبعت علي الشبكة الكبيرة
  • نهال: هل موازي موافقين و لا هيطردونا
  • علي: موازي مش مؤسسة هي مجتمع لمجموعة ناس

اتفاق

  • هنعمل ايميل خاص بالمجموعة دي فيه كل ايميلات الناس اللي حضرت اي من ال 4 اجتماعات حاليا و نتكلم من خلاله، و نرجع للمجموعة الكبيرة (مجتمع موازي) في مساعدة فى دعاية و جمع استشارات و آراء فى اشياء محورية فى المبادرة

تخوفات

  • القطاع اللي بنستهدفه قطاع عريض من الفئات العمرية ، و ازاي نتوجه لشريحة عريضة
  • طرق تعلم و تيسير تشاركية اونلاين ازاي

اقتراحات لخطوات قادمة

  • نكمل نقاش علي مستند جوجل ده. كل حد يحط فى شكل كومنتات اجابات مقترحة للاسئلة
  • يكون فيه مكالمة قادمة يتم فيها مناقشة بقية الأسئلة و تكون المناقشة اكتر قائمة علي اجابات الناس علي مستند جوجل و يتم أخذ قرار أثناء المكالمة ..


اجتماع التسويق - ٨ أبريل

النشاط امتى مين
اللوجو درافت ١٤ أبريل رمضانة/ساندرا
اللوجو الاخير ١٥ أبريل رمضانة/ساندرا
الصفحة تطلع ١٥ أبريل عز
فورم للميسرين علشان نعلن ١٢ أبريل عز
مين نقطة التواصل مع المحتوى ١٢ أبريل سارة الحداد
نص الصفحة ١٢ أبريل علي
جروب الفيس بوك ١٥ أبريل عز


اللوجو (وبالته) - تيمبليت للورش؟

www.canva.com

الوانة مبهجة - بسيط - ملفت للاطفال - من موازي - الامير الصغير - عالم موازي - مين كوكب موازي - توثيق اخر اجتماع - هدف المجموعة - الورش المختلفة

منسق من التسويق للمحتوى: سارة الحداد

منسق من فريق المحتوى: يبعتلنا الحاجات اللي محتاجينها

التليفون: مع اضف مبدئي


اجتماع 2

التاريخ: الأثنين 30 مارس 2020

الوقت 7:00 - 9:00 م

الحضور و الجهات الممثلة

  1. محمود الشيخ - Rock Solid Foundation
  2. عمرو جاد - أضف
  3. سارة الحداد- ألوان و أوتار
  4. رأفت بيومي - أضف و ألوان و أوتار و فن و حياة
  5. ناريمان مصطفي - مساحات للتعلم الحر
  6. حازم شلتوت - أضف / ميسر حُر
  7. علي عزمي - مكوك
  8. سارة عادل - معلمة تنمية بشرية - تمكين المراة و دراسات النوع الاجتماعي فى اسماعيلية -
  9. رضوي علي - ميسرة تحت التدريب
  10. نهال السيد محمد - ميسرة حرة (تصميم و تدريب علي البرامج و المناهج - مختصة بالدارما)
  11. محمد باشر - ميسر حر
  12. سارة صلاح - ميسر حر

تيسير و توثيق

ناريمان مصطفى

الموضوع

  • استكمال ما بدأناه الاجتماع السابق

نوايا الحضور

  • استكمال ما بدأ الاجتماع الفائد
  • الوصول لشكل التشارك لفائدة عدد كبير من الجمهور
  • مشاركة افكار لتجارب اونلاين اثناء الحجر
  • التجاوب مع ما فرضه العالم علينا فى هذه الفترة و الاستجابه له
  • استمداد طاقة من الكل
  • المعرفة اكثر عن الفكرة و الخطوات المستقبلية و اختيار الدور المناسب


محتوي الاجتماع و التفاصيل

  • تمت مناقشة الاسئلة التى خرجت من الاجتماع السابق. تم الوصول الي الاتفاق فى معظم الاسئلة، فيما عدا الجزء اللوجستي و التقني تم تأجيله للاجتماع القادم. برجاء النزول للأسفل الي قسم الاسئلة الموجود فى الاجتماع الأول و ستجدوا المناقشات و الاتفاقيات الخاصة بكل سؤال تحت السؤال نفسه.

اقتراحات لخطوات قادمة

  • مستند مشترك للعمل التشاركي علي ميثاق الطفل
  • مستند مشترك للعمل التشاركي علي ميثاق الميسر
  • السؤال حولنا مع العائلات و الناس عن رتم الأطفال فى هذه الأيام و أوقاتهم الفاضية (هل ان نقوم بجلساتنا و برنامجنا فى يوم افضل ان يكون صباحاً او مساء (وقت الحظر)؟)
  • السؤال عن المنصة المناسبة تقنياً لتقديم المحتوي التعليمي و المنصة المناسبة لتسجيل المشتركين - شيء يكون مجاني و يوفر لنا ما نحتاجه حسب فكرة البرنامج
  • التفكير فى الاسئلة الخاصة بالقسم اللوجستي و التقني خاصة ما بتعلق ب: اسم المبادرة، و الدور الذى نحب ان نلعبه بشكل تنسيقي فى المبادرة
  • استمرار التفكير فى الجزء الخاص بالجلسات التعليمية و عوامل المتعة و التشويق فيها، و العناصر المبدعة التي يمكن ادخالها فيها بحيث يكون الطفل فيها مبدع و منتج و مشارك و ليس متلقي


اجتماع 3

التاريخ: 2 ابريل 2020

الوقت: 7:00 - 9:00 م

الحضور و الجهات الممثلة

  1. محمود الشيخ - Rock Solid Foundation
  2. عمرو جاد - أضف
  3. رأفت بيومي - أضف و ألوان و أوتار و فن و حياة
  4. ناريمان مصطفي - مساحات للتعلم الحر
  5. علي عزمي - مكوك
  6. نهال السيد محمد - ميسرة حرة (تصميم و تدريب علي البرامج و المناهج - مختصة بالدارما)
  7. محمد باشر - ميسر حر
  8. صفارة - أضف
  9. فاطمة رأفت - مجاورة
  10. هدير سعيد - الاثر لنا
  11. سارة حجازي - مساحات للتعلم الحر - ميسرة حرة
  12. حازم شلتوت - أضف و ميسر حر
  13. حازم شاهين
  14. رضوي علي

تيسير و توثيق

ناريمان مصطفى

الموضوع

استكمال ما بدأناه الاجتماع السابق و تفاصيل اطلاق المبادرة

أجندة الأجتماع

  • لعبة تنشيط (حريف الحروف)
  • تسجيل دخول (اسم و مؤسسة و نية عامة)
  • مناقشة بقية الأسئلة الخاصة بتكوين المبادرة
  • تسجيل خروج (كلمة تعبر عن شعور عام)

محتوي الاجتماع و التفاصيل

  • تم مناقشة سؤالين من الاسئلة التى خرجت بها المجموعة فى الاجتماع الأول، هذين السؤالين هما:

1.ما هي المنصة التقنية التى سنستخدمها فى هذه المبادرة و ما مواصفاتها؟ 2.ما هى الأدوار المقترحة و توصيفها و من يريد التطوع لها؟

  • يمكن الرجوع للمناقشات التى تمت و الاتفاقيات التى توصلنا اليها من خلال النزول الي قسم الاسئلة فى هذا الملف (تحت محضر الاجتماع الأول)

اقتراحات لخطوات قادمة

  • التفكير فى الاسئلة الخاصة بالقسم اللوجستي و التقني خاصة ما بتعلق ب: اسم المبادرة، و الدور الذى نحب ان نلعبه بشكل تنسيقي فى المبادرة ، و الخط الزمني
  • تنسيق فردي بين الأفراد الذين وضعوا اسمهم فى فريق واحد بحسب الأدوار ليقوموا بتحديد كيف سيتم التواصل بينهم
  • الميسرين: بداية التفكير فى العروض التعليمية الفعلية التى ستقوم بتقديمها
  • استكمال بقية الأعمال المفتوحة من الجلسات السابقة:

1.مستند مشترك للعمل التشاركي علي ميثاق الطفل 2.مستند مشترك للعمل التشاركي علي ميثاق الميسر 3.السؤال حولنا مع العائلات و الناس عن رتم الأطفال فى هذه الأيام و أوقاتهم الفاضية (هل ان نقوم بجلساتنا و برنامجنا فى يوم افضل ان يكون صباحاً او مساء (وقت الحظر)؟) 4.استمرار التفكير فى الجزء الخاص بالجلسات التعليمية و عوامل المتعة و التشويق فيها، و العناصر المبدعة التي يمكن ادخالها فيها بحيث يكون الطفل فيها مبدع و منتج و مشارك و ليس متلقي


اجتماع 4

التاريخ: 6 ابريل 2020

الوقت: 7 الي 9:30 م

الحضور و الجهات

  1. ناريمان مصطفى - مساحات للتعلم الحر
  2. عمرو جاد - أضف
  3. نهال السيد محمد - ميسرة حرة (تصميم و تدريب علي البرامج و المناهج - مختصة بالدارما)
  4. مهاب عصام - معماري - مجاورة
  5. محمود الشيخ - Rock Solid Foundation
  6. رأفت بيومي - أضف و ألوان و أوتار و فن و حياة
  7. محمد باشر - ميسر حر
  8. علي عزمي - مكوك
  9. حازم شلتوت - ميسر حر و أضف
  10. رضوي علي
  11. دينا أسامة - مكوك و ألوان و أوتار
  12. سارة عادل- معلمة تنمية بشرية - تمكين المراة و دراسات النوع الاجتماعي فى اسماعيلية -
  13. سارة الحداد- ألوان و أوتار
  14. سارة صلاح - ميسرة حرة (بان لاستك مصر)- معالجة نفسية
  15. هدير سعيد - معمارية - مجاورة
  16. فاطمة حسن - ميسرة حرة

تيسير و توثيق

ناريمان مصطفى

الموضوع

استكمال ما بدأناه الاجتماع السابق و تفاصيل اطلاق المبادرة

أجندة الأجتماع

  • لعبة تنشيط (جمل ينفع نقولها فى أماكن ملهاش علاقة ببعض)
  • عصف ذهني للخروج باسم للمبادرة
  • مناقشة الاطار الزمني
  • مناقشة الأدوار و مجموعات عمل صغيرة للمناقشة بين مجموعات العمل علي طريقة الشغل - و الاستماع لبعض المستجدات ممن لديهم أدوار
  • مناقشة طرق التواصل
  • مناقشة ضم اعضاء جدد
  • تسجيل خروج (كلمة تعبر عن الشعور العام)

تفاصيل الاجتماع

  • تم مناقشة الاسئلة الباقية التى خرجت بها المجموعة فى الاجتماع الأول، هذه الاسئلة هى:
  1. اسم المبادرة دي ايه؟
  2. الخط الزمني للمبادرة دي ايه؟ و امتي ممكن نطلقها؟
  3. مراجعة سؤال: ما هى الأدوار المقترحة و توصيفها و من يريد التطوع لها؟ - و اضافة اسامي جديدة
  4. كيف يتم التواصل بين كل من هم مهتمين بالمبادرة؟ هل نستكمل التواصل علي قائمة مجتمع موازي أم ننفصل؟
  5. كيف يمكن ضم اعضاء جدد؟
  • يمكن الرجوع للمناقشات التى تمت و الاتفاقيات التى توصلنا اليها من خلال النزول للأسفل الي قسم الاسئلة فى هذا الملف (تحت محضر الاجتماع الأول)

اقتراحات لخطوات قادمة

  • اتفق كل فريق من مجموعات العمل اصحاب الأدوار المختلفة علي معاد اول لقاء لهم و طرق التواصل المناسبة بينهم
  • بعض ما تم الاتفاق عليه داخل مجموعات العمل:

1.فريق دعم الميسرين:

  • عمل جروب واتساب للتواصل (ناريمان)
  • استكمال ميثاق الميسرين
  • عمل مسار لانضمام اي ميسر جديد
  • الاجتماع لمناقشة كل ذلك


2.فريق تنسيق المحتوي التعليمي:

  • الاجتماعي لتنظيم طريقة العمل - تم تحديد معاد الاجتماع
  • عمل جروب واتساب للتواصل (رضوي علي)


3.فريق التسويق:

  • كتابة محتوي تسويقي و الرجوع للآخرين لأخذ الرأي فيه
  • عمل مواد دعائية تسويقية
  • عمل ايميل خاص بالمبادرة
  • عمل استمارة اشتراك و تنسيق مع فريق دعم المحتوي التعليمي لذلك
  • اعلان الجدول التعليمي بالتنسيق مع فريق المحتوي التعليمي


4.فريق تقني:

  • التواصل و الوصول للقرار النهائي بخصوص المنصة التى سنقوم باستخدامها
  • علي كل فريق ان يقوم بعمل مهامة و ارسال نتائج مهامه و مستجداتها الي كل المجموعة علي ايميل المبادرة الجديد (الذي يضم كل المهتمين بالمبادرة و المنضمين لها))
  • تقوم ناريمان بعمل قائمة جديدة تضم ايميلات و معلومات تواصل من قاموا بحضور اي من الاجتماعات الأربعة التأسيسية لهذه المبادرة، و نقوم بالتواصل من خلالها و تنفصل الاتصالات لتكون من خلال هذه المجموعة الجديدة و ليس مجموعة موازي الأكبر
  • تقوم ناريمان بعمل قوائم أصغر بأسامي و معلومات تواصل كل فريق مع بعضه
  • نقوم بعمل استطلاع رأي بشكل غير رسمي بين دوايرنا المختلفة خاصة لو لنا أطفال فى عائلاتنا من سن 7 الي 17 سنة، حول اسم مبادرة. و تقوم سارة عادل بعمل استفتاء علي الفيسبوك حول الأسم الممكن للمبادرة من بين الأسامي المقترحة في الاجتماع.
  • نقوم بالتحضير لاطلاق كل شيء (بما فى ذلك التسويق للمبادرة) فى الفترة من 7 الي 18 ابريل. علي ان يكون اسبوع التسويق الأساسي من 12 الي 18 ابريل، و يتم اطلاق المبادرة نفسها كمحتوي تعليمي يتم عمله اونلاين فى الفترة بين 19 الي 23 ابريل. الخط الزمني المتفق عليه كالتالي:
  1. هنشتغل اسبوع تجريبي قبل رمضان
  2. هنطلق فعليا العمل بين الميسيرين و الأطفال فى الأسبوع من 19 الي 23 ابريل
  3. اسبوع الدعاية هيكون من 12 الي 16 ابريل
  4. من 7 الي 12 ابريل يجب الانتهاء من المهام التحضيرية لكل فرق العمل