محضر:في 01-04-2020 خطة التجمعات الابداعية جلسة بلندر

الحضور: إسلام شبانة، عمر عمارة، أحمد بركات..

تحضير جلسة Egypt Blender Meetup

جدوى الموضوع من أساسه بعد تطور الظروف الحالية

1. عمر وبركات اتفقوا ان اتمام الفعالية أونلاين مش هيكون مشكلة خالص لأن:
2. اغلب الفنانين الرقميين متعودين على الشغل والتعلم أونلاين فده مش بيغير كتير من طبيعة التفاعل.
3. الوقت دلوقتي مناسب أصلا لإستقطاب المجتمع ده بما ان الناس كده كده في البيوت معظم الوقت.
4. ده هيكون فرصة للبداية لحد ما الظروف تسمح ان الناس تتقابل على أرض الواقع فهيكون جزء تمهيدي تم فعليا.

ايه المهم في فعالية زي كده

1. عمر: أول تجمع يكون تعارف اكتر من طرح محتوى ونطلع منها بكوادر تندمج في خطة بناء المجتمع وتكمل في فريق يقدر يستديم اللقاء ده ويطور منه.
2. بركات: موافق بس مهم يكون فيه محتوى مبهر للدوائر خارج بلندر وجذب فنانين 3D عموما لبلندر كنوع من نشر فكر الأدوات مفتوحة المصدر اللي تقدر تطور بشكل كبير وتوصل لنجاح بلندر وده لأن وراه مجتمع قوي.

ايه العقبات اللي هتواجه فعالية زي دي أونلاين

1. سرعة الإنترنت: وبناء عليه بركات اقترح ان يتم تسجيل الفعالية وتوفيره على قناة أونلاين (وممكن تكون بداية قناة بإسم مجتمع بلندر المصري).
2. التنظيم أونلاين: وبناء على النقطة دي اتفقنا ان لازم يكون فيه ميسر أونلاين يقدر يتحكم في المنصة اللي الناس هتتجمع عليها وينظم العملية بشكل تقني.

برنامج الجلسة

تم وضع خطة مبدئية كالآتي:

1. إفتتاحية عن فلسفة بلندر ومستقبله (بركات).
2. تقديم عن تطوير بلندر: أنيميشن نودز كمثال (عمر).
3. تقديم فنانين بلندر مصريين وعرض شغلهم.
4. تقديم تكنولوجيا ال Rigging (نظرا إن فيه ناس كتير متشككة من قوة الجزء ده في بلندر) ودعوة أحد فنانين بلندر الكبار Blender Pirate اللي متخصص في الجزء ده تحديدا.
5. نقاش مفتوح وتعارف

توزيع المهام والإجتماع القادم

1. بركات: التواصل مع Blender Pirate ودعوته لحضور اللقاء.
2. عمر: دعوة عدد من الفنانين المصريين اللي تحديدا بيستخدمو بلندر بشكل Full-time وفي مجالات مختلفة.
3. إسلام (وفريق أضف): التوصل إلى أفضل منصة أونلاين (مفتوحة المصدر ومرنه) نقدر نستخدمها.

الإجتماع القادم الأحد الساعة 5 مساءا بتوقيت القاهرة وهنكمل النقاش في الخطوات الجدية والمواعيد المطروحة لتنفيذ اللقاء.