محضر:في 28-05-2017 إجتماع مع مركز فانتازيا

من ويكي أضِف
اذهب إلى: تصفح، ابحث

الحضور

  1. منة عمرو (مسئولة برامج) بمركز فانتازيا و مؤسسة إليزا صدناوي
  2. لمياء سعيد ( مسئول التمويل والتشبيك)

الهدف من الاجتماع

  1. التعريف بالمؤسسة و بالشركة
  2. بحث سٌبل و فرص التعاون و العمل المشترك لتطوير منهج حوسبة و حكي رقمي للأطفال

مضمون الاجتماع

التعريف بالمركز: مركز فانتازيا الثقافي ، أول مشروعات ممول من مؤسسة إليزا صيدناوي في الأقصر من 2013، يقدم ورش و أنشطة متعددة للأطفال ( 4 - 16 سنة) وأنشطة بناء قدرات وبرامج تيسير وتدريب مدربين للشباب من ( 18 - 35).

أمثلة للأنشطة المقدمة للأطفال: برامج afterschool تعليم soft skills و التغذية و الزراعة والصحة من خلال الفنون و الألعاب ورش تصوير وتعليم فنون السيرك و برامج رياضية.

للشباب: عندهم برنامج إسمه "تدريب التيسير الإبداعي" و دا عبارة عن ورش بناء قدرات و تدريب للشباب في مهارات التواصل و كيفية استخدام الفنون في العمل والتواصل مع الآخرين و الهدف منه تأهيلهم ليكونوا ميسرين لتقديم الورش المختلفة. المناهج بتاعته مطورة مع مؤسسة Partners for Youth Empowerment .عندهم 15 ميسر لغاية دلوقتي من الأقصر.

التحديات بالنسبة لها (من وجهة نظر الإدارة عندها) كانت نقطتين: 1- فكرة نشر المناهج برخص حرة لأنهم مش بيعملوا دا ( لكن هى كانت مبسوطة جدا إنها لاقيت ناس بتعمل دا و بتدعمه، لانها شخصيا مؤمنة بالفكرة دي) قولتلها إن مفيش مانع عندنا إن برامجكم تكون مش مفتوحة المصدر لكن منهج الحوسبة اللي هنتعاون فيه يطبق بمنهجية الرخص الحرة وده ممكن يبقى مدخل لينا نقنع الإدارة بفوائد و مزايا البرمجيات الحرة و مفتوحة المصدر.

2- المناهج بيطوروها باللغة الإنجليزية لأنها لازم تعدي على مديرة المؤسسة في إنجلترا لدراستها واعتمادها وبعدين تترجم للغة العربية.