محضر:في 30-03-2020 محضر وحدة الويكيات حول تحديثات العمل

الحضور

آية وصفارة

أجندة الاجتماع

تحديثات حول العمل في الويكيات المختلفة

ملاحظات الاجتماع

ويكي أضف

آية شغالة على تصنيف معسكرات أضف للفتية والشباب؛ وتطوير سياسة التصنيف؛
آية تابعت تحرير صفحة الأردوينو مع عز وبعتت ملاحظاتها لعز وهتجتمع معاه هو وعوضي عشان نحكي عن تجربته في إنتاج المحتوى المكتوب دا وكمان عن اقتراحها في إننا نطور سياسة تحرير لإنتاج المحتوى على ويكي أضف.
آية شايفة ضرورة إنها تبدأ في تطوير شرح للهدف من الاستمارات (جلسة ونشاط ووصفة ونشاط دك) مع أحمد لإن الناس مش عارفة الفرق بين استمارة الجلسة والنشاط وبيستخدموهم غلط؛
محتاجين نشتغل على تنظيف تصنيف استمارات بوجه عام ونشوف محتاجين إيه وإيه مش بنستخدمه؛ ليه فيه استمارة ورشة مثلا؟؟ (إيه الفرق مصطلحيًا بين نشاط وجلسة وورشة)؛
(فيه مشكلة في تصنيف تصميم الألعاب دا لإن خانة المجال في استمارة ورشة هي اللي مطوراه بشكل تلقائي.
مجدي شغال الفترة دي على إضافة محتوى وبيبعت تساؤلاته لصفارة وآية وتعليقاته كانت؛ رفع القالب في استمارة وصفة متعطل؛ عايزين نضيف آلية لكتابة كود في الصفحة (إنه مثلا يكون داخل مستطيل)؛ استمارة وصفة الصور بتبقى كبيرة (600px) فبيضطر يضيفها أصغر (400px) في خانة الشرح بدل الصور؛ كان بيحاول يرفع ملف info لكود والإيكستنشن مش متعرّف على الويكي.

الدعم التقني لفريق أضف عن بعد:

مين محتاج مساعدة؟

عوضي بيساعد: سليط ورأفت وعز (هل عوضي بدأ يعمل دا معاهم؟ وبأي شكل؟)
صفارة وسناء بيتابعوا إضافة مطوري المحتوى شغلهم على الويكي

أنسب طريقة لتقديم الدعم التقني أونلاين؟

عوضي يعمل اجتماع على جيتسي مع سليط ورأفت وعز على جيتسي ويشارك الشاشة معاهم؛ وآية هتساعده في تحديد الجوانب اللي يبدأ بيها معاهم
لو لبطئ الإنترنت الفكرة دي فشلت؛ عوضي يصوّر فيديوهات سريعة من موبيله لأساسيات التحرير ويبعتهلهم لحد ما ننتهي من عمل الفيديو الأساسي.

ويكي عمران

آية عملت مكالمة مع كريم الأسبوع اللي فات؛
المجموعة بتعمل اجتماعات أسبوعية على ديسكورد؛ وكريم بيقول التجربة كانت جيدة؛ وحضر حوالي 10 أشخاص؛ وفيه اتنين جداد هينضموا للمجموعة وكريم هيتولى مسؤولية تدريب ويكية منهم أونلاين والويكية
طوروا خطة تحريرية؛ وآية وكريم ناقشوها خلال مكالمتهم.
آية هتحضر أول جزء من الاجتماع القادم (الاتنين 30-03) عشان تساعد في الدعم التقني للمحررات/ين.

ويكي كوميكس

العمل مع مزج متوقف حتى الإنتهاء من عمل فيديو عن كيفية استخدام الويكي ومراسلة رنوة للفريق.

أخرى

عن الإيميل اللي بعتته آية للمعنيات/ين بالويكي:

تفاعل الناس وردهم شيئ إيجابي؛
اتضح من ردود الناس إن غالبًا لو هنعمل تدريب ويكي أونلاين - ومع بطئ الإنترنت الحالي - فمنطقي العدد يكون صغير (5 أفراد)؛
تجربة ويكي عمران مع ديسكورد للاجتماع والعمل أونلاين مثيرة للاهتمام، وآية هتحضر اجتماع ويكي العمران اليوم الاتنين 30-03 وتشوف التجربة عن قرب؛
مفيش تدريبات ويكي في شهر أبريل أو مايو؛ لكن هنبدأ نفعّل مقترح عمل دليل الويكي مكتوب وفيديوهات المساعدة، على أننا ندعوا الأشخاص المعنية بالويكيات الاشتباك معانا ويطوروا محتوى الدليل دا معاهم؛
هنتابع مع شبكة الويكيات دي تحديثات عملنا بشكل عام وناخد رأيهم؛
محتاجين نسأل عوضي هل بدأ يشتغل على دليل مكتوب عشان نعرف نبدأ منين؛

مقترح فيديو لكيفية استخدام الويكي:

الشكل المقترح: فيديو طويل ونقسمه على فيديوهات قصيرة؛ فيديو بيسجل الشاشة وبعدين نعمله مونتاج نضيف الملاحظات مكتوبة وموسيقى.
سير العمل:

تحضير قائمة بالجوانب التقنية اللي هيغطيها الفيديو
تحديد الأدوات اللي هنستخدمها في تصوير الشاشة(جيتسي أو تويتش.. إيه كمان؟)
مونتاج الفيديو: (Kdenlive)
نجرّب ونقيّم

نقاط عمل

آية هتطور مسودة لمحتوى الفيديو
نتواصل مع عوضي عشان يجيب على التساؤلات اللي طرحت في الاجتماع ونبدأ الشغل على تقديم الدعم التقني للأضفوية وتطوير الدليل.

اجتماعنا القادم

اجتماع وحدة الويكيات القادم: الأحد 04 أبريل