محضر:محضر:في 23-01-2022 اجتماع عصف ذهني حول إطار معسكرات الفتية

بما إن مشروع معسكرات الفتية كالعادة بيواجه تحدي في التمويل وخطورة في تأمين تمويل مستقبلي وبمناسبة إن إستمراريته توقفت فعلا سنتين لأسباب برانا وهي الكورونا. قررنا نستغل الفرصة دي في إننا نعيد النظر في الفورمات الحالي للمشروع والمودل المادي. هدفنا إعادة أحياء مشروع المعسكرات بشكل تدريجي يؤدي على المدى البعيد لإطار جديد أكثر منطقية من الناحية العملية والمادية، مع الحفاظ على القيم المعرفية والتربوية.

الإجتماع الأول:

الحضور(على مراحل): رأفت - لميس - رنوة - حسام - سلطان - مجدي - شادي - أمينة - سناء

العناصر اللي قلتم مش حابين التخلي عنها هي:

هنحتاج في مرحلة ما مراجعة جماعية على الأهداف عشان دي كانت إجاباتكم الفردية

تجربة تعليمية فنية وتقنية مكثفة فيها تداخل بين التقسيمة التقليدية للمجالات.
البيات أساسي لإثراء التجربة الإجتماعية
دمج التوحد
التجربة الإجتماعية من حيث التعرض لتنوع (طبقات - بلدان - ثقافات - جنسانية)
البيات برا البيت وفكرة إن في جدول صحي لليوم بيشمل صحيان بدري ومجهود بدني ونظام اكل صحي.

دي عناصر اهميتها زادت نظرا للكورونا (على الأقل عند الطبقة اللي بتدفع إشتراكات سواء كاملة او مدعمة)، أمينة صاغتها بشكل جميل: "الولد او البنت اللي قضى اول سنتين من مراهقته في الكورونا وتعليم اونلاين ممكن يكون اكتسب مهارات تقنية اكتر من المعتاد لكنه بالتأكيد متأخر في مهاراته الاجتماعية." بالتالي الأهداف اللي من نوع العمل التشاركي وإكتشاف الذات في سياق المجموعة، غير إن اهميتها التربوية زادت لكنها كمان ممكن مع دعاية ذكية تكون selling points للأهل.

الموقع:

النزول بالمستوى لأماكن أشبه بمعسكرات الكشافة
استغلال اماكن تابعة للجيزويت (كمستوى هي زي فندق كينج مريوط لكن لأنها مش فندق فا هي أرخص)
نعلى بالمستوى لموقع مغري يحفز أهالي الطبقات الأعلى على دفع اشتراكات. مثال مدرسة الجونة وجزء من سكن الجامعة الألمانية اللي قصادها.

الإطار العام:

ميني كامب أغلب مشاركينه من المساحات الشريكة في المدارس وبالتالي يرسخ عملية نقل الخبرة والإستثمار في الشركاء.
ميني كامب متخصص أكتر وهو أقرب ل residency program. في الحالة دي يكون موقع المعسكر داخل القاهرة الكبرى والمشاركين عددهم يقل عشان نقدر ننقلهم في مرحلة المشاريع ونستغل مبنى اضف والموارد البشرية. وهتديق range الفئة العمرية لأنها مش هتكون تجربة مناسبة اوي لسن ١٢. يمكن من سن ١٤ ل ١٦ مثلا.
تجربة الفكرة القديمة بتاعت تصميم مشروع كامب (سواء كبير او صغير) هويته elite شوية وربحي يصرف على الكامب الفعلي. بما إن الجهد اللي بيتبذل عادة في البنية الإدارية، التقنية واللوجستية يقدر يستوعب كدا كدا التوسع بدون تغييرات كبيرة. وفي الحالة دي موقع زي الجونة او اشباهها هيكون منطقي.

البرنامج

(بالنقطة الوحيدة اللي عليها توافق صريح)

المحتوى التعبيري والتربوي الصرف يرجع لمودل أقرب للبيوت اللي اتعملت في ٢٠١١ ودي ميكونش فيها اختيارات اوي. فا بالتالي المشارك ايا كانت اهتماماته او درجة كسله او خجله كدا كدا يومه هيكون بيشمل حركة/ رياضة وانشطة تكسر الحواجز التعبيرية من نوع المسرح، الحكي والرقص.. ودول نوعية المدربين اللي ينفع يبقوا مقيمين في الموقع على مدار الكامب.
المحتوى التقني والفني يتحول بالكامل لنموذج أقرب لنظام التخصص اللي جربناه قبل كدا:

كل ٢ مدربين من خلفية مجالات مختلفة يحضروا كبسولة/ module تعليمية بتنتهي بمنتج أو خلاصة محددة. مدة الكبسولة تتراوح من ٤ ل ٦ جلسات ومدة الجلسة ساعتين. المقيمين الثابتين مع المشاركين: الأفراد الإدارية، التربوية ( مسئول اجتماعي ورواد آسر) وعدد محدود من المدربين يفضل لو تخصصهم تعبيري حركي. أما باقي المدربين هيكون بياتهم مؤقت على حسب مدة التخصص اللي بيقدموه بيمشوا ويجي غيرهم وهكذا. القرار دا غير إنه بيدينا مساحة للعب في المنهج احنا حابينها لكن كمان له مميزات عملية وتربوية.

المميزات:
توفير إقامات ووجبات وبيعلي فرصة إنك تجيب ناس تقيلة لأن كدا الإلتزام من ناحية الوقت هيكون أقل بكتير. يعني بدال ما اطلب من واحدة زي سماء مثلا تفضي نفسها ليا ٣ اسابيع فا تبقى مضطرة تسافر صد رد تلعب في حفلة في وسط الكامب او تطلع مش فاضية أصلا مع انها عندها استعداد وحابة تشارك. كدا هتعاقد معاها على ٣ ايام تفرغ ووقت تحضير. هنتخلص من وش كل سنة بتاع بهوقة المدربين بالليل وفكرة إن في ٢ معسكر بيحصلو دائما بالتوازي واحد بتاع الفتية وواحد بتاع الكبار مع كل التحفظات التربوية اللي بتيجي مع ال dynamic دا.

الخوازيق المتوقعة:
الحمل التربوي والمسؤولية على رواد الأسر هتكبر. لكن طبعا دا ممكن تجاوزه لو استثمرنا فيهم في تدريب ما قبل الكامب وتحضيرهم على دور اقرب لمساعد المدرب عن رائد الأسرة وتظبيط نسبة عددهم على عدد المشاركين. امينة تقترح إن النسبة تكون بتتراوح بين رائد آسرة على كل ٨ مشاركين. النسبة مؤخرا كانت ١ على ١١ او ١٢.

التيمات اللي تم اقتراحها في المحتوى التقني اغلبها هتكون بناء على شغل حاصل بالفعل في اضف أو لو مدربين من برا شبكة المؤسسة التقليدية يبقى بناء على فكرة المدرب المستهدف اصلا مسحول فيها الفترة دي زي مثال نانسي منير. يعني مش تطوير محتوى من الصفر. أمثلة تم أقتراحها:

Sound production دوبلاج - sound design for games
Arcade ( collaboration between makers and sound)
Creating a music band (Nancy Mounir)
Animatronics( create faces with eye and jaw movements)
Creative Coding aida & kiki
Movement & Costumes
Movement & audio visual
Modding a ready-made game
3 modeling
Track equivalent of the old web 2.0 with gogo ( basics: linux, network infrastructure, penetration testing ie hacking )

مواضيع أخرى اتفتحت

لو عملنا المعسكر داخل القاهرة هيدينا فرصة ن curate برنامج سمر متنوع ولذوذ اكتر كتير. وبيفتحلنا الأوبشنز في الزوار عامة لأن مفيش بيات.
التأكد من إننا نقدر فعلا نستغل موضوع ال csr - المسؤولية الاجتماعية للشركات
الكورونا:

وضع شرط إن جميع افراد فريق المعسكر وعمال الموقع يكونوا حاصلين على تطعيم - تقليل سعة الورش بالذات اللي بتحصل في غرف مغلقة - شراء كمية من ال antigen tests من الخارج تكون معانا. ممكن ناخد رأي متخصص ونطور البروتوكول يتبع في شغل المؤسسة عامة ونتعلم من خبرة المدارس والكيانات اللي أنشطتها شبيهة في البلاد اللي تعاملت مع الكورونا بشكل محترم. (Covid Resilience Ranking)

موقع المؤسسة الجديدة يصلح جدا لميني كامب مدته أقصر ويستهدف فئة عمرية أصغر حوالي ١٠ ل ١٢.