مشروع المهكر
الفكرة العامة
كل اسبوع او اسبوعين يتعمل مشروع صنّاع في أضف. المشروع ده يتم اعلانه قبليها بيومين او تلاتة واللي حابب ينضم ممكن يضم اي وقت ويساعد او يتعلم من المشروع. كل مشروع ليه الكباتن بتوعه ودول لازم يبقوا موجودين عشان هم ميسرين المشروع. تأكيد على فكرة ان ديه مش ورشة. ده مشروع الكابتن/كباتن عايزين يعملوه ومش ضروري عمرهم عملوه قبل كده او عارفين تفاصيل يتعمل ازاي. الناس تيجي ويقسموا شغل ويعملو خطة في اول يوم ونبدأ نشتغل ونحل المشاكل والخوازيق واحنا ماشيين.
المشاريع مش tutorial مالوش دعوة بينا. كلهم حاجات احنا جدا وrelevant لينا وللمكان. ممكن يبقى سف وممكن يبقى جاد او اي حاجة في النص. المشروع ممكن يكون حاجة احنا قررنا نعملها ومفيش حاجة زيها موجودة او ممكن يبقى حاجة اتعملت بس مش عارفين اتعملت ازاي ونعملها بطريقتنا وبالتفاصيل اللي احنا عايزينها. زي مشروع جنزير اللي مكتوب في قسم المشاريع
كل تفاصيل المشروعة مفتوحة ومعروضة من دوائر كهربائية، للكود، لخطط النجارة وهكذا.
كل مشروع فيه اكتر من مجال واكتر من حتو الواحد يلعب فيها.
توثيق المشاريع
كل مشروع يتوثق على الويكي في احنا ازاي عملناها وايه المعدّات اللي تم استخدامها وكانت بكام ومنين. كل مشروع يتوثق فيديو ويتعمل web series على قناة يوتيوب أضف.
افكار لمشاريع
- ماما معايا في الغربة: نعمل روبوت بيفكرك في البيت. الروبوت في اوقات عشوائية لما يشوف وشك بالكاميرا هيحدف عليك شبشب ويهينك بشكل ما وبعدين يقولك الاكل جاهز… مثلا.
- مشروع "فترينا" اللي عملوه جنزير وياسمين في وسط البلد. ازاي نعمله وازاي ممكن نلعب فيه بعد ما نعمل الالاساس اللي هم عملوا. نزوّد ايه؟ نغير ايه؟ https://www.youtube.com/watch?v=Mzrz-EZegBw
- زي كامل لJedi بس مصري جلبية ستايل. الجلابية والعمّة scifi والشومة او المنجل lightsaber
- سكانر كتب لمجلدات ميكي متوصل براسبيري باي بيسمي كل مجلد من رقمه على الغلاف لوحده… مثلا
الفريق؟
حد يصور كابتنين لكل مشروع (مش لازم يبقوا ثابتين) حد يشتري المعدات حد يعمل مونتاج
الفلوس
حاسس ممكن نعمل بادجيت محدود لكل مشروع عشان كمان يكون فيه حتت ازاي نهاك قدراتنا المادية
ليه رأيي ان المشروع فشيخ كفكرة
- انتاج محتوى عربي لحاجات ملهاش محتوى عربي كتير اطلاقا
- صنّاع في مصر مجال صعب بالنسبة لحد زيي عشان معظم الحاجات اللي بتستخدم بتبقى صعب تتلاقى لاسباب كتير منها الاسم بالانجليزي فا مش عارف اسأل عليه هنا او مش موجود اصلا في مصر او معنديش اي فكرة اجيبه منين وايه اسعاره فا مش عارف لو هقدر ماديا اعمله ولا لأ
- شايف ان لو الفيديوهات ديه اتعملت بصياعة، هتبقى دعاية فشيخة لأضف ككل وللمعسكرات بشكل كبير.
- نقطة لسا قدامها كتير بس لو نجحت الفكرة والمشاهدات كتير فشخ، الفلوس من اعلانات يوتيوب حلوة مفيش كلام.
- تبادل معرفة بين اللي هاييجوا والكباتن
- بناء شبكة صنّاع حوالين أضف اللي شايفه جزء اساسي من الهوية