معسكرات أضف للفتية 2019

ملصق - معسكرات أضف للفتية 2019.

معسكرات أضف للفتية 2019 هي معسكرات عقد في مصر لمدة أسبوعين في الفترة بين 20 يوليو/تموز حتى 3 اغسطس/آب 2019. شارك فيه فتية وفتيات من عمر 12 إلى 15 عامًا من مختلف الدول العربية و14 مدربة ومدرب من مصر وفلسطين وسوريا.

بعد يومين من التعرّض لكل المجالات المتاحة في المعسكرات، بدأ الفتيان والفتيات في بناء جدولهم بناء على اهتمامتهم. يتوفّر في المعسكرات ثمانية مجالات: فيديو وبرمجة وصوت ومسرح ورقص ورياضة وصنّاع وحكي. يخوض الفتية ٣ مراحل من الاختيار كل يومين، وفي الأسبوع الثاني والأخير يدخل الفتية في مرحلة التخصص ثم المشاريع.

موقع المعسكر

عقد المعسكر في موتيل كنج مريوط، بمنطقة كينج مريوط بمحافظة الإسكندرية في جمهورية مصر العربية. تم اختيار الموقع وفقاً لامكانياته التي تسمح لاستقبال المعسكر كالتالي:

قاعات للورش (المسرح والرقص واستوديوهات الصوت والموسيقى ) ومعامل كمبيوتر .
غرف فندقية للإقامة .
مساحات خضراء للرياضة والمرح والاستمتاع بالطبيعة .
حمام سباحة .
بالقرب من بحيره الكينج مريوط ( تبعد 20 دقيقة عن موقع المعسكر) .
وقوعه في منطقة تتيح مساحات حرة لعقد نشاطات متنوعة و تحافظ على الخصوصية

الفريق

المدربين/ات

الاسم	المجال	نبذة
سما عبد الهادي	الصوت والموسيقى	دي جي ومنتجة موسيقى إلكترونية من فلسطين. حصلت على بكالوريوس في هندسة الصوت و الإنتاج الموسيقي من بريطانيا. بدأت العمل في القاهرة في ٢٠١٣ كمهندسة ومنتجة صوت، ومصممة صوت لأفلام، بالإضافة لعملها كمدربة لمجال الصوت في معسكرات أضِف من سنة ٢٠١٤-٢٠١٦
حسن سليط	الصوت والموسيقى
حنين طارق	الرقص	حاليا بخلص البرنامج الاحترافي في مركز القاهرة للرقص المعاصر، شاركت في عرض 'كريدو' كجزء من إطلاق فرقة معت للرقص المعاصر بالقاهرة. بدأت أتمرن رقص ابتداءً من عمر ٧ سنين.. فضل معايا وفضلت اتمرن أنواع مختلفة باليه، تاب، هيب هوب بجانب اكتشافاتي الخاصة في الحركة على مر سنين المراهقه وعند سن ال٢٠ لاحظت التزامي ليه وتفكيري بيه كجزء من حياتي بيزيد. ومن هنا بدأت السكة الاحترافية مع الرقص. الرقص بالنسبالي لغاية دلوقتي مش بعرف اديله تعريف، لان لحظات كتير هو ممكن يكون تفصيله وفي لحظات أخرى هو الصورة الكبيرة.. بمعنى هو الوصلة أو هو الحياة.. لكن ليا انا هو الوسيلة الصادقة الوحيدة اللي بعرف اعبر فيها لذاتي. من أكتر الحاجات اللي بتحركني هي المزيكا، بحب أخبز، وأكتب، وألعب بالاقمشة لخلق منهم هدوم او شنط او اي حاجة. درست صحافة، وفي الصيف بعد التخرج اشتغلت على فيلم المصري "آخر أيام المدينة”.وكنت جزء من الفريق المؤسس لـ سيماتك - مركز الفيلم البديل. شاركت في المعسكر اولا كزائرة، وبعديها كنت المسؤول اللوجستي كنت بحب اساعد في تدريب تراك الرقص. والسنة دي متحمسة اني هكون واحدة من مدربين الرقص. حمااااااااااااس
نوار سالم	الرقص	مرحبا أنا نوّار، عمري ٢٢ سنة ومن فلسطين، بحب أرقص ، واسمع موسيقى، وبحب الاكل والتلفزيون كتير. بديت أرقص من وأنا صغيرة في فرقة سرية رام الله الأولى دبكة، ومن ٦ سنين بديت ارقص رقص معاصر، درست لستة شهور في أكاديمية روما للرقص، وشاركت في عروض مختلفة في الدبكة والرقص المعاصر. وكمان اللي ٤ سنين بدرب رقص معاصر ودبكة في مدرسة الرقص في سرية رام الله الأولى للأطفال من عمر ٩-١٤ سنة، بحب كتير تعليم الرقص، وبحس فيه طول الوقت تحديات جديدة. أول مشاركة الي في معسكرات أضف كانت في 2010 ومن ساعتها وأنا مش سايباهم. مريت تقريباً في كل مراحل المعسكر، كنت معسكرة سنتين ورائدة أسرة سنتين، وكنت منسقة الرواد، وساعدت شوي في الإدارة. هاي السنة رح أدرب رقص، وهو دور أول مرة رح أكون فيه في المعسكر. عندي حماس رهيب لأني أكون بعمل الاشي اللي بحبه مع العيلة والناس اللي بحبها 🙂
يوسف بجاتو	الفنون اليدوية	عندي 30 سنة بحب تشكيل المواد و التصنيع بشكل عام، تقدروا تقولوا مهووس بالعالم السحري ده. درست سينوغرافيا واكتشفت فنون الشارع في 2011 و انجذبت من ساعتها و بقيت في سعي دائم اني اكتسب خبرات تخدمني في المجال ده. دي هتبقى أول سنة لي في معسكر أضِف و متحمس جدا للتجربة دي.
عمر أحمد الزفتاوي	الفنون اليدوية	شاركت في معسكرات أضف من ٢٠١٦ ولسه التجربة من اقرب الحاجات لقلبي. بحب الاولاد جدا وبستمتع جدا باللعب معهم بالالوان والكاميرا وخامات مختلفة.
سالينا أباظة	الفيديو	اسمي سالينا، بشتغل بالصورة من ١٥ سنة، بصممها، برسمها، بلونها، بصورها، بحركها وبحررها. بعتبر الصورة اللي منصنعها من دواخلنا مرايا من نوع آخر لأنو فيها حكاية عن جزء فينا وأنا بحب الحكايات. دربت بمعسكرات أضِف ٢٠١٠ و ٢٠١١ بمجال السينما و متحمسة كتير لسنة ٢٠١٩ درب و اتعلم و ابني صداقات و حكايا مع كل المشاركين، تجربة أضِف لو عشتها لآخرها رح تغير حياتك.
محمد مصطفى	الفيديو	انا محمد مصطفى، دي تاني سنة ليا كمدرب فيديو في المعسكرات. من وانا عندي 17 سنة بشتغل في الكتابة والإخراج والتصوير والمونتاج وكل ما يخص الفيديو وصناعة الأفلام. الأفلام مش بس بتخليني اعبر عن اللي جوايا، لكن كمان بتساعدني اكتشفه
أحمد جمعة	الرياضة	الرياضة مش بالشكل وإنما بالمخ يا جدعان، وأنا حلعب دور المخ و المعسكرين هيكونوا العضلات. الرياضة عندي غير عن التصور اللي ممكن يكون موجود، خفة دم وانبساط وتجريب، وتقولو اني حكيت. دي السنة ال ١٣ ليا في المعسكر.اتعلمت حاجات كتير من المعسكر.بنحاول في الرياضة نخلي الولاد يعبروا عن نفسهم من خلال الحركة وهما مبسوطين في جو من المرح واكتشاف قدراتهم. اللي بيحب الهدوء مش هينبسط معايا عشان انا بحب الحركة الكتير والضحك الكتير
نهى خطاب	الرياضة	نهى خطاب هي مُهرجة تعمل في مجال الفنون الأدائية والتدريب، بالإضافة لعملها كباحثة في مجال الأنثروبولوجيا الاجتماعية. نالت نهى شهادتها الماجستير من الجامعة الأمريكية في القاهرة في علم الاجتماع وعلم الإنسان عام ٢٠١٤، متخصصة في أنثروبولوجيا العرض وأهمية التهريج. أخذت معظم تدريبها كمهرجة من خلال مشاركتها في ورش وجولات مكثفة مع فرقة المهرجين الفرنسيين "مهرجين بلا حدود". هي الآن جزء من فرقة " القوطة الحمرا" (وهي مجموعة تعمل في المسرح المجتمعي وتهريج الشارع) وتعمل بها كباحثة ومدربة و مؤدية لأكثر من خمس سنوات. وعملت معهم في مئات العروض حول مصر وتونس وإثيوبيا. من خلال عملها مع القوطة الحمرا تعمقت في قضايا الهجرة واللجوء في مصر خصوصاً من عام ٢٠١٤-٢٠١٧. اكتشفت نهى ما بعد ذلك شغفها في السيرك المجتمعي وكيف يلهم السيرك المعاصر في تطوير طرق تعليمية بديلة ومساحات تعليمية متشعبة. ونالت على شهادة في طرق تعليم السيرك من مدرسة بروكسل للسيرك، حيث درست هناك لأكثر من سنة في دوام كامل، وعلمت وتعلمت هناك فنون سيرك مختلفة وطريقة إبداعية لتعليمهم. حالياً، تعمل نهى على اكتشاف احتمالات مختلفة للإدماج المجتمعي و التعليم البديل والعروض الأدائية للسيرك في المساحات العامة في مصر والمنطقة
مصطفى حزين	المسرح	خريج كلية الآداب قسم المسرح شعبة التمثيل والإخراج دفعة ٢٠٠٤. ممثل ومدرب بانتومايم ومخرج ومؤسس فرقة ملامح البانتومايم شاركت بالعديد من الورش الفنية فى مصر و الوطن العربي و بعض الفرق الاوروبية مثل فرقة بامبى الهولندية وبليجوم الفرنسية واستورنهوز الدنماركية.
ليلى عبد الهادي	الحكي	ليلى من مصر، حكاءة، مدرسة رياض أطفال و عضو فى مشروع كورال. بحب السينما و الرقص و المزيكا و الحكي.
محمد مجدي	صُناع	الصناعة التقنية جزء مهم من انخراطي في مجتمعات تقنية وبرمجيات حرة وأمن المعلومات. زي ما بحب أساعد الناس في مشاريعها التقنية حابب اشتغل مع المعسكرين على مشاريع نتعلم فيها الصناعة التقنية.
عبدالرحمن سيد	صُناع	21years old Mechatronics Engineering student obsessed with mathematics, physics, engineering, programming & electronics, STEM in general. Working to contribute to the industry and industry 4.0 concept through new and innovative projects of all kinds. Embedded Software Developer with interest in Robotics and AI. Open-source activist supporting open source and free solutions over paid ones

الإدارة

الاسم	الدور	نبذة
رنوة يحيى	مديرة مشروع المعسكر	عضو مؤسس في مؤسسة التعبير الرقمي العربي (أضِف) التي انطلقت في ٢٠٠٥ بهدف تطوير منهجية بديلة للتعلم والتعليم وإنتاج المعرفة العربية باستخدام مفاهيم وأدوات المصادر الحرة. طورت رنوة المشروع الاول للمؤسسة، معسكرات التعبير الرقمي العربية، وهي تجربة تعليم وتعلم تتكرر سنويا منذ ٢٠٠٧ للفتيات والفتيان العرب. تسعى هذه السنة أن تبدأ أول تجربة لدمج فتيات وفتية التوحد المهتمين بالتكنولوجيا في معسكرات أضِف للفتية.
رأفت البيومي	مدير المعسكر	قد إيه جميل أن يكون عندك عيلة كل سنة بتكبر وأنت بتكبر بينهم ومعاهم وبتشوفهم وهما معسكرين وبيكبروا و يكونوا جزء من فريق المدربين والأدارة اللي كان في يوم من الأيام مسئول عنهم . من ٢٠١٣ ل ٢٠١٨ وأنا واحد من عيلة أضف و بدرب رقص معاصر في المعسكرات ، وكل سنة المشاركين بيفتحولي عيني أكثر على تفاصيل مختلفة في الحياة... التجربة دي من أكثر التجارب اللي غيرتلي حياتي وبستناها كل سنة بحماس كبير، بتعلم منهم وبحاول أنقلهم خبره أنا إكتسبتها على مدار السنين اللي فاتت. أنا بشكل عام بحب التدريب والشغل مع الأعمار المختلفة وبحب السفر واللعب والإستكشاف. السنة دي أنا مدير المعسكر يعني بشكل بسيط ممكن تقولوا دور جديد بس أنا حاسس أنها الفرصة اللي كنت مستنيها عشان أقدر أشارك في الورش وأعبر عن نفسي بقى معاكوا وأكون موجود بينكم لأي حاجة حابين تعملوها نعملها سوا و نجربها مع بعض. حاصل على ليسانس آداب فنون مسرحية 2005، شاركت بالعديد من الأعمال الفنية سينما وتليفزيون. وشاركت بعديد من العروض المسرحية في أوروبا والوطن العربي، بالتوازي مع عملي كمدرب رقص وتمثيل للأطفال وللشباب .
داليا نعوس	نائبة مدير	مرحباً، أنا دالية نائبة مدير معسكرات أضف يعني من الأخر شغلتي على الأرض إني أعمل صلة الوصل بين الإدارة والمدربين ورواد الأسر والمعسكرين، وإرضى إلي زعلان و إفرح مع الفرحان 🙂 أصعب سؤال عندي هو شو بتعملي بالحياة. هممم كيف عرف عن حالي؟ أنا راقصة وممثلة، بس كمان بحب التصوير كتير، والخياطة والأشغال اليدوية، وعلم النفس والموسيقى وكتير قصص تانية... بحب العب واتعرف على ناس كتير وسافر. هيدي ثالث سنة بشارك فيها بالمعسكرات بس قصتي مع عائلة أضف عمرها 10 سنين! من بعد آخر سنة شاركت فيها بالمعسكرات، إتحمست كتير إني أخلف ولد ليكبر ويعيش تجربة مثل تجربة معسكرات أضف! وهيك صار 🙂 السنة حشارك معكم المعسكرات مع ابني تيم إلي عمره سنتين ونص وحيكون أصغر معسكر ودلوع الكل. متحمسة للقائكم!
أمينة علام	مديرة العمليات	سامووو عليكوووو !!!!!!!!!!!!!!! أنا اسمى أمينة علام من مصر عندي 22 سنة،خلصت دراسة صناعة سينما في لندن.وبشتغل في الانتاج السينمائي. بروح المعسكر من وأنا عندي 12 سنة، دي السنة ١١ ليا في المعسكر من معسكرة إلى ادارجية، سنين من التحدي والشغل الجامد و قلة نوم و جري وناس كتير من بلاد مختلفة وصحيان بدري . بستنى المعسكر من السنة للسنة. فهمت نفسى أكتر و اكتشفت الحاجات اللي بحبها و إيه المجالات اللي ممكن اشتغل فيها طبعا في المعسكر .أهم حاجة طلعت بيها من المعسكرات هى عيلتنا الكبيرة و أجدع صحاب هيكملوا معايا بقية عمري.
سناء سيف	منسقة المحتوى	بدأ شغفي بالسينما في ٢٠٠٨ عندما كنت في سن ١٤ في معسكرات أضف. علاقتي مع أضف فضلت تتطور سنة بعد سنة من رائدة أسرة لمساعدة تدريب لمدربة حتى اصبحت هذه السنة جزء من الفريق المحوري. بحب المونتاج جدا وعملت في الانتاج والتصميم البصري وعبر السنين طورت رؤية نقدية فيما يتعلق باستخدام الادوات الرقمية للتعبير
نهى فوزي	المسؤولة الإدارية	انا نهى فوزى من مصر، هشارك معاكم بدور المسؤول الإدارى لمعسكر أضِف للفتية 2019، درست إرشاد سياحى، وبحب السفر والطبيعة والتلوين، والاكل اهم ما فى الحياه عندي، بستمتع بالتأمل في الحياة و بيملاني بامتنان وهدوء. بدأت رحلتى فى التنمية من عمر 7 سنوات عن طريق مشاركتى فى المعسكرات،و من سن 16 سنة تطوعت مع الأطفال والشباب، كنت مدربة تصميم أفلام أنيميشن واتخرجت من مدرسة ناس لمسرح الشارع والإجتماعى الدفعة الأولى، ومن وقتها وبدرب مسرح ويوجا ورقص معاصر، استمتعت بالخبرة دي واتعلمت من التحديات اللى مرت عليا، وبعدها اشتغلت فى جمعية ألوان وأوتار كمسؤولة عن برنامج الفنون، اتخرجت واشتغلت حاجات ملهاش علاقة ببعض واكتشفت أنى شخص بيحب الفن. المرة دى أول مرة أشارك فى معسكرات أضِف للفتية في دور إدارى، ومتحمسة وعندى شغف أخوض التجربة و استفيد من خبراتكم وأسمع حكاياتكم القديمة للمعسكرات. في انتظار بداية الحكايات 🙂
فرح جابي	مساعدة إدارية	اسمي فرح جابي، عمري 20 سنة وأنا من الجزائر. شاركت في مخيمات أضف 2014 و2015 كمُعسكِرة، و رائدة أسرة لثلاث سنوات على التوالي و مساعدة مسؤولة الرواد. متحمسة هذه السنة لأنني ساكون مع فريق الإدارة و راح يكون لي دور مختلف. أضف كانت من أحسن التجارب التي عشتها في حياتي التي ساعدتني على اكتشاف نفسي وشخصيتي واهتماماتي. أهم حاجة في المعسكر هي الناس والأصدقاء والعائلة الكبيرة التي تصبح جزء منها، فعلى كل واحد المشاركة وعيش تجربة المعسكرات و لو مرة.
أحمد يحيى (تفاحة)	المسؤول اللوجيستي	انا مدير إنتاج سينمائي بحب الشغل بالنوع ده مش بحب شغل المكتب و المعسكر من اكتر الحاجات الشبيه بشغلي وبحب الأطفال جدا انا اكتر واحد بحب ان الناس كلها ترتاح في الشغل هي دي اول سنه في المعسكر بس ان شاء الله مش هتكون اخر سنه من أحسن الحاجات الشغل الجماعي و الاحساس في الاخر بالنتيجه احساس لا يوصف في احساس عندي بالعائله التانيه في حياتي وان شاء الله تكون احلى عائله اكتسبها السنه دي.
أحمد ياقوت	مساعد لوجيستي	أنا أحمد ياقوت، عمري ٢٢ سنة، طالب تجارة في الجامعة، بحب التجارة و ألعاب الفيديو وكرة القدم. سمعت عن معسكرات أضِف في ٢٠١٠ بس ما لحقت موعد المشاركة. في ٢٠١١، ومع الثورة والوضع الغير مستقر في مصر كان عندي إصرار للمشاركة في المعسكر، وقدرت فعلاً إني أشارك في المعسكر اكتشفت عالم تاني جديد، وناس مختلفة وجديدة مش ممكن تلاقيها غير في مكان مميز متل أضِف. اتعلمت كتير عن الفن والإعلام والتكنولوجيا واتعلمت كتير عن نفسي وعن ايه اللي بحب اعمله في الحياة.و في آخر يوم، كان كل المشاركين بيعيطوا لانتهاء المعسكر. قررت اني ارجع للمعسكر في ٢٠١٢، وكان المعسكر وقتها في تونس. ما فيش كلمات تقدر توصف قد ايه كان مثالي كل الرحلة و الناس اللي اتعرفت عليها والخبرة اللي اخدتها. في ٢٠١٤ انضميت لأول مرة لفريق رواد الأسر في المعسكر. كنت حابب اني اساعد في اني اخلي المكان ده يكبر ويتحسن. واليوم بعد ٩ سنين من ما عرفت عن المعسكر وانا لسه حابب اني أكمل اشتغل مع الناس الجميلة و حابب اني اعطي المعسكرين الجدد نفس التجربة والوقت الحلو اللي أنا مريت بيه.
دينا صبري	مسؤولة الرواد	أنا دينا صبري بدرس في الجامعة الأمريكية في القاهرة .. بحب الرقص والمزيكا وشكل السما بالليل. أول معسكر أضف شاركت فيه كان في 2009 و من هنا كانت البداية. محظوظة إني من عيلة أضف وبتطور من سنة للتانية، من معسكِرة إلى رائدة أسرة كذا سنة إلى مساعدة في تدريب الرواد إلى مسؤول إداري وبعدين منسق مشروع معسكرات والسنة الي فاتت والسنة دي في دور مسؤول الرواد. فرحانة ان ده دوري السنة دي لانة دور ممتع جدا بالنسبالي و فرحانه اني هتشتغل مع الرواد واني هقابل معسكرين جداد نعيش فيهم أسبوعين و اشاركهم تجربتهم الجميلة دي.
طارق بشاشة	استشاري	متمرس في تدريب منهجيات تربوية بديلة من خلال المسرح. عمل لسنين طويلة مع الفتية والشباب وشارك كمدرب مسرح في معسكرات أضف منذ 2010. يشارك هذه السنة في نقل المعرفة والتدريب لفريق المعسكرات كله.
زينب سيف النصر	ممرضة مقيمة	كبيرة ممرضات القصر العيني مساعدة اولى في العمليات في القصر العيني وممرضة متخصصة في جميع العمليات الجراحية خريجة القصر العيني واعمل في تدريس التمريض لطلبة معهد التمريض عملي وليس نظري فقط مدربة لطلبة التمريض جميع تخصصات العمليات. من مواليد الصعيد محافظة أسيوط.
محمود مهدي	مسؤول توثيق	محمود مهدي - مسؤول توثيق المعسكر
مريم شاهر	مساعدة مسؤول التوثيق	نا مريم شاهر. عندي 22 سنة. درست في مدرسة دولية فرنسية وبدرس دلوقت في الجامعة البريطانية في القاهرة اداب إنجليزي. بحب الكتابة والتصوير والرسم أو بالأصح اللعب بالألوان. بحب الأطفال جدا وبشتغل في الصيف في حضانة في الإدارة والتصميم وكمان وبدي دروس فرنساوى وأعمال فنية. وخدت كورس فويس أوفر في ديزني بالعربي. واشتغلت ماركتنج كوريتور في TEDxBUE. حبي للتصوير ابتدا من وأنا صغيرة. بحب أصور الحاجة اللي عيني تشوفها حلوة أو ملفتة سواء مناظر طبيعية أو حيوانات أو بيوت. وطبعا بصور أهلي وصحابي كتير قوي. بحب أوثق اللحظات الحلوة اللي بنمر بيها عشان ما ننسهاش سواء صور أو فيديو. مؤخرا حبيت إن الموضوع ميبقاش مجرد هواية فشاركت في ورشة للمصور حسن أمين. مع إني نظريا عمري ما شاركت في معسكرات أضِف. لكن عمليا شاركت في سنة 2014. رحت كزائرة لصديقتي اللي كانت واحدة من الفريق الإداري ساعتها على إني هقعد يومين، لكن كملت المعسكر كله. في المعسكر اتعرفت على ناس مختلفة جدا عن بعض. حبيت جدا فكرة التعامل مع ناس مختلفة وقبول واحترام الاختلاف ده. وده بقى عنصر مهم في بنا شخصيتي وتعاملاتي مع الناس. وفادني جدا لما دخلت الجامعة لقيت ناس كتير قوى مختلفة عني، عرفت أقرب منهم وأصاحبهم. وهما كمان قبلوني واحترموني واختاروني ممثلة عنهم في اتحاد الطلبة اللي بقيت واحدة من أعضائه من أول سنة. والسنة دي انتخبت كرئيس لاتحاد طلبة كليتي. وفي الجامعة نظمت فاعليات كتير ومثلت على المسرح. اتعلمت حاجات تانية كتير قوي في المعسكر أهمها إني عرفت نفسي أكتر. السنة دي في 2019 هشارك في المعسكر كمسئول توثيق فوتوغرافي. ودي حاجة عاطفية قوي بالنسبة لي لأنها بتحولني من زائرة لواحدة من فريق العمل. يعني هشارك ناس تانية كتير إنهم يطوروا شخصيتهم ويعرفوا عن نفسهم أكتر. وكمان هتبقى فرصة إني أتعلم حاجات جديدة وأكتشف نفسي أكتر وأكتر.

رواد الأسر

مؤسسات شريكة و مانحين

دمج التوحد

ورش المعسكر

يشارك الفتيان والفتيات خلال المعسكر في 38 ورشة من 8 مجالات فنية ورقمية وحركية متنوعين. يتعرف المشارك خلال أو يومين من المعسكر على كل المجالات المتاحة عن طريق ورش تمهيدية لكي يتثنى للمشاركين الاختيار الواضح من الورش. وتتضمن المجالات الموضوعات التالية

الصوت والموسيقى: المؤثرات الصوتية وطرق توصيل وتشغيل الأجهزة الصوتية وإنتاج الأغاني ومهارات الدي جي واستخدام الآلات الموسيقية والجسد لإنتاج أصوات.
الفيديو:أساليب ومهارات كتابة سيناريو والتصوير والمونتاج والمؤثرات البصرية ومبادئ هندسة الصوت في صناعة الأفلام.
مسرح: مبادئ التمثيل والإلقاء والإخراج المسرحي، ويشاركوا في تمارين مختلفة وتقديم عروض مسرحية.
الصناعة التقنية: مبادئ الكهرباء والالكترونيات ودوائر التحكم البسيطة ( أردوينو و راسبري باي) ، مفاهيم الطاقة البديلة وكيفية توليد الطاقة من مصادر طبيعية مختلفة كالشمس والرياح، وكيفية تخزين تلك الطاقة وإعادة استخدامها.
الرياضة: كرة القدم وكرة اليد وكرة السلّة وكرة الماء والجمباز والسباحة والقوس والسهم والموانع وتمرينات إيقاعية ورحلة استكشافية.
الفنون اليدوية: مبادئ استخدام ودمج الألوان ومختلف أنواع النحت والبناء والغرافيتي - مع دمج الفنون اليدوية بالفنون الرقمية باستخدام برامج تحرير الصور وبعض البرمجة.
الرقص:التعبير بالحركة والموسيقى من خلال التعرض لأنواع مختلفة من الرقص المعاصر والهيب هوب والدبكة وتصميم الرّقصات.
البرمجة: متداخلة فى كل المجالات ونستخدم البرامج مفتوحة المصدر.

الرحلة

بعد أسبوع في موقع المعسكرات حيث التعارف والورش المتنوعة، قضا مشاركات ومشاركي المعسكر يوما كاملا في مرسى مطروح حيث زار المعسكرون/ات سوق ليبيا ثم قضوا باقي اليوم على البحر.

ختام الورش

بعد ١٠ ايام من ورشات تم الفتيان والفتيات اختيارها من بين اكثر من ٤٠ ورشة متوفرة، انهى فريق المعسكرات هذه المرحلة بالحفلة التنكرية حيث يختار كل مشارك/ة زيه التنكري الخاص به للاحتفال وحفلة الغسيل والمانجا.