عرض مصدر نقاش:لقاء النص بالنص

==افكار مقترحة للمناقشة==
من فترة اتكلمت مع سلام عن عرض مسرحي(تمثيل،شعر،موسيقى،رقص)، لتوثيق احداث ال٣سنين اللي فاتت من وجهة نظرنا عشان محافظ على الحقيقة من التزييف، الجزء التالي ورقة افكار كنت كتبتها مش عارف اذا كانت تصلح للتطوير و المناقشة و اذا كانت مناسبة للمشروع ده، بشكل شخصي اقدر اتطوع بمجهود تقني و وقت فاللتنظيم ، و مهتم اننا بتصوير و مونتاج كل الفعاليات عشان نوثق الاعمال الفنية اللي هتتعمل و كمان تجربة اللي هيحضروا و تفاعلهم معانا و مع الفكرة

بالنسبة للاجهزة اللي اقدر اساعد بيها (جهاز US-1641TASCAM, sound multitrack recorder, وحدة مونتاج "هاكنتوش" و ممكن لابتوب (محتاج دايما يكون موصول بالكهرباء) )


ورقة افكار:
(jamming sessions) بشوية ديكور بسيط و عزل معقول هنعمله عشان نقدر نسجل صوت و صورة كويسة و ده تجربة بسيطة نحاول نثبت بيها ان تجربة انتاج انواع برامج او جلسات لمحبي الاداء الحي موسيقى او شعر على تمثيل و رقص اي كان الموهبة و فكرة الجلسة هي بداية لتجربة بناء ارشيف كامل من جديد لموسيقى قديمة بشباب بتجربة و احساس خاص و استغلال ان ده لا يخضع لوضوع الحقوق لو مش بتتربح منه و بالتالي ممكن يكون نواة للبوابة او الارشيف المطلوب بنائة عشان يكون متاح من خلاله الناس تسمع و تتفرج ببلاش لحد ما نبني مكتبتنا اللي تقدر ساعتها نوفرها مجانا و نجيب حلول اخرى للتمويل او تحقيق مكاسب من خلال مشاهدة الناس لاعمالنا ببلاش
 تجربه لتجهيز برنامج حي عالمسرح يهتم بانواع الفنون كلها:  عرض حي بجمهور فالمسرح بيتكون من مذيع -شخص متخصص فالفنون بصفة عامة 
 يقدر يقدم و يدير العروض المختلفة (المسرح و الموسيقى و الشعر،الحكي و القصص، ...)
كل عرض له موضوع و ضيوف خاصة بيه لتقديم العرض ،الفكرة هي برنامج عروض حية فالمسرح بجمهور حقيقي، تكون كل حلقة فيها ضيوف من المبدعين (موسيقى،شعر،تمثيل،رقص،حكي،....) و يكون بيدير الحوار شخص متخصص بحيث يكون العرض فني بحت ،مش نميمة، منقسم ٣ فقرات بيتخللها عروض حيه جزء يسلط الضوء على الضيوف و محاولاتهم حتى اللحظة بعدها فقرة حية من اعمالهم و الجزء التاني بيناقش تجربة الضيف فنيا و بيحكي عن المشروع اللي تم تجهيزه مخصوص للعرض مع اشخاص بيختارهم او بروؤيه فنيه مع فريق عمل العرض الاساسي بعدها عرض حي قصير مساهمه منهم في مشروع الارشفة المفتوحة سواء اعمالهم او اعمال لناس غيرهم يحبوا يقدموهاو اخر جزء  هو العرض الاساسي للتجربة المعمولة مخصوص للبرنامج مع فريق الفنانيين الاساسيين فالبرنامج او اشخاص يدعوهم الضيوف  (ممكن تطويرها ان كمان الجمهور يساهم في خلال التحضيرات و التطوير و تطبيق فكرة النص بالنص)

المشروع الاكبر هو عرض مسرحي فني يضم كل الفنون و المهارات الممكنة و ينتجه مشروع الارشفة مفتوحة المصدر و يتيح لاي حد انه يضيف و يعيد تقديمه حسب تجربته الخاصة و الهدف منه هو توثيق الفترة اللي فاتت و اللي جاية من حياتنا و محاولاتنا و معاركنا و احلامنا عشان ننقلها لاخواتنا و اولادنا و الاجيال اللي جاية عشان التاريخ ميتزورش و يكون شهادتنا و حكايتنا نكتبهالعم بنفسنا عشان نحكيهالهم او يحكوها عننا و يعرفوا احنا عملنا ايه و اخطائنا و محاولتنا، العرض يتكون من  (موسيقى ،غناء،شعر،تمثيل،رقص،موؤثرات بصرية(ديكور او اضاءة و شاشات الكترونية حسب قدرة المخرج و روؤية فريق العمل الكبيير و مدى التعاون و الانصهار و الرغبة في اننا نقوي بعض و نتجمع على اهدافنا المشتركة و  نوثق لملحمة حقيقية تحكي 
حكاية جيل كتب و بيكتب و هيكتب باحلامه و عمره و دمه مستقبل افضل للانسان

الاسماء المقترحة
 سامية چاهين
 ايه حميدة
 مصطفى سعيد
 تامر ابوغزالة
 شادي الحسيني
 مريم صالح
 سلام يسري 
 يسرا الهواري
 شيرين عبده
 احمد نظمي
 دنيا مسعود
 دينا الوديدي
 اية متولي
 فيروز كراوية
 مشروع دروشة
 مشروع كورال
 فرقة الشارع
 حازم شاهين و اسكندريلا
 ياسر المناوهلي
احمد حداد
مصطفى ابراهيم
نغم مصري
عمرو صلاح  - افتكاسات
راب!!!

ورشة فتحي سلامة: 
محمد عماد -كمانجة
احمد دهان - ساكسفون
هبه رفعت - مغنية 
ناتالي
شريف - ملحن
اسامة - جيتار
محمد زجزاج - مغني

الاسامي مش مكتوبة باولويات او ترتيب معين، هي حسب الذاكرة و قابلة للاضافة او الحذف حسب استعداد الاشخاص و تقبلهم للافكار و مدى تعاونهم او رغبتهم فالتعاون الاشتراك على كل المستويات فالمشاريع المختلفة