ويكي:إزاي نضيف محاضر الاجتماعات على ويكي أضف؟
إزاي نعمل صفحة محضر اجتماع؟
أسهل طريقة لإنشاء صفحة للمحاضر هي الدخول على من الصفحة الرئيسية.
جوا التصنيف فيه صندوق بندخل فيه عنوان المحضر ونضغط على انشئ محضر اجتماع.
هنسمي صفحة المحضر إيه؟
جوا الصندوق اللي في التصنيف (وكمان في سياسة تسمية الصفحات) في صياغة موحدة لعنونة الصفحات وهي:
في 30-02-2006 اجتماع فريق كذا بغرض كذا
الهدف من إننا نوحد صياغة العنوان إننا نعرف نوصله بسهولة ومايضعش. وبنضيف التاريخ في أول العنوان عشان بعد كدا لو مثلا أنا بادور على اجتماع عملته النهاردا فبادور بالتاريخ؛ وباكتب كدا في صندوق البحث: مجضر:في 17-11-2020
هيكلة الصفحات
المعلومات الأساسية اللي بتكون مطلوبة في المحضر هي:
- الحضور
- أجندة أو هدف الاجتماع
- ملاحظات الاجتماع
- نقاط عمل
دا موجود وبيتطور في صفحة هيكلة صفحات المحاضر.
هنصنف الصفحة على إيه؟
الفكرة من تصنيفات الصفحات أننا نصنف على تصنيفات متخصصة مش عامة عشان المحتوى يكون متنظم ونعرف نوصله بسهولة، ففي حالة صفحات المحاضر بنصنف المحاضر على على اسم المشروع أو نوع الاجتماع.
تصنيف محاضر الاجتماعات موجود عليه تصنيفات لكل مشروع أو فئة اجتماعات؛ لو فيه حد منكم بيرفع محضر ومش شايفة إن أي من التصنيفات دي تنطبق على المحضر اللي بترفعه ممكن تبعتلنا على كلام أو في صفحة النقاش ونفكر في تصنيف سوا.