كرومبو 3.0

المقدمة

جلسة/لعبة للتعرُّف على بعض أساسيات الأمان الرقمي والشبكات البسيطة

الأهداف المعرفية

• أساسيات الأمان الرقمي
• فكرة عن شبكات الحاسوب

الأهداف القيمية

• تساؤل
• تحليل
• تشارك وتعاون

مهارات و معارف الطلاب اللازمة للاستفادة من الجلسة

لا يوجد متطلبات سابقة

الفئة العمرية

من 12 لـ 15 من 16 لـ 18

المدة الزمنية

3 ساعات

خطوات تنفيذ الجلسة

• اللعبة هتكون على دورين
• دور 1

1. هنحط المشاركيت في أدوار مختلفة: مرسل ومستقبل وراوتر وقرصان وسنترال ومقدم خدمة الرسائل (واتساب كمثال)
2. المرسل هيكتب رسالة يريد ارسالها لزميله المستقبِل
3. عند ارسالها هتمُر على الراوتر، بدوره هيمررها للسنترال، قبلما تصل الرسالة من الراوتر للسنترال سيعترض طريقها قرصان يلقي نظرة على الرسالة ويقرأها ويممرها للسنترال كطريقها العادي، السنترال بدوره يقوم بتسجيل بعض البيانات: عنوان المُرسِل والمُستقبِل، توقيت الارسال، نسخة من الرسالة
4. ثم يقوم السنترال بتمرير الرسالة لمُقدِّم خدمة الرسائل (واتساب كمثال)، يقوم مقدم الخدمة بتسجيل بعض البيانات (عنوان المُرسِل والمُستقبِل، توقيت الارسال) قبلما يمررها رجوعاً إلى السنترال مرة أخرى
5. تبدأ الرسالة في رحلة العودة من مقدم الخدمة للسنترال للراوتر للمستقبل
6. يقرأ المستقبل الرسالة وينتهي الدور 1 من اللعبة
7. نفتح نقاش عن ما حدث في رحلة الرسالة، وماذا فعل كل طرف في دوره المختلف
8. نكمل النقاش في كيفية حماية الرسالة من القرصنة في الدور القادم
9. نسمع أرائهم ونفكر معهم (ممكن بتشفير بسيط أو ظرف مغلق مكتوب عليه تعليمات)
10. نختار الطريقة المناسبة لحماية الرسالة ثم نبدأ دور 2

• دور 2

2. نقسّم المشاركيت ل٣ فرق، فريق أ (المرسلين والمستقبلين)، فريق ب (نقاط الشبكة network nodes)، فريق ج (القراصنة/المهاجمين attackers)
3. نبلغ فريق أ إن هيتقسّموا اتنين، جزء منهم هيسافروا ويستقبلوا رسالة من الجزء الآخر، وبعدين هيردّوا عليهم
4. فريق أ يجتمع وينقسموا أ1 و أ2، يتفقوا على كلمة سر (مفتاح تشفير) علشان يعرفوا يقرأوا رسايل بعض بعد السفر من غير ما حد تاني يعرف (هنكون في المرحلة دي معهم وبنحاول نسمع منهم أفكار ونساعد معهم)
5. غالباً هنستخدم تشفير استبدالي، فمثلاً هيتفقوا على المفتاح 2، اللي يشفر يزوّد حرفين (مثال: أ>ت)، واللي يظهّر يقلل حرفين
6. أ1 يسافروا
7. دلوقتي عندنا فريق أ1 في جانب من القاعة وفريق أ2 في الجانب الآخر (كما موضّح في الرسم)
8. فريق أ1 يكتب رسالة بسيطة في ورقة، يبدأوا يشفروها (هنكون في المرحلة دي معهم وبنحاول نسمع منهم أفكار ونساعد معهم)، يكتبوا الرسالة المشفرة في الورقة اللي هيبعتوها، ويرموا الرسالة الظاهرة الحقيقية
9. نبدأ نوزّع فريق ب علشان يساعدوا في توصيل الرسالة (نقاط الشبكة)، هنقسمهم على 4 نقاط في أماكن مختلفة من القاعة، الرسالة علشان توصل بين الطرفين لازم على الأقل تعدي على ٣ نقاط من الشبكة (لزوم اللعبة بس)
10. نبدأ نوزّع فريق ج، جزء ما بين N1 وN2، جزء ما بين N2 وN3، جزء ما بين N3 وN4 (كما موضّح في الرسم)
11. فريق أ1 يضع ورقة الرسالة في المشبك ويرسلها عبر الحبل
12. أول نقطة في الشبكة N1 بتعدّي عليها ورقة الرسالة ستضعها في ظرف وتكتب عليه من الخارج "فريق أ فقط مسموح له استلام الرسالة" بعدين تضع الظرف في المشبك وترسله عبر الحبل للنقطة التالية N2
13. النقطة التانية N2 هتستلم الظرف وتمرره للنقطة N3 فقط بدون الاطلاع على أي من محتواه
14. النقطة N3 تمرر الظرف أيضاً
15. في الطريق ما بين نقطة N3 ونقطة N4 يظهر جزء من فريق ج، يوقف الظرف ويفتحه ويتطلع على ما به (لا يفهم الرسالة بسبب تشفيرها) ثم يضعها مرة أخرى في الظرف ويمررها لنقطة N4
16. نقطة N4 تمسك الظرف، تقرأ عليه "فريق أ فقط مسموح له استلام الرسالة"، وهي عارفة (مجازاً) إن المُستقبِل أ2 هو المحطة القادمة، تُخرج الرسالة من الظرف وتمررها للمُستقبِل أ2
17. فريق أ2 يستلم رسالته، هيكونوا عارفين من قبل (حسب اتفاقهم مع باقيتهم قبل ما يسافروا) إن المفتاح هو 2، للتظهير هيطرحوا حرفين من كل حرف (ت>أ) ليجدوا الرسالة الأصلية (النَص الصريح)
18. يكتبوا رد على الرسالة في ورقة مختلفة ويشفّروها في ورقة أخرى بنفس الطريقة المتفق عليها (خطوة 4)، ويكملوا كما في خطوة 7
19. نكرر خطوات 10 و11 لكن باستخدام N2 وN3 بالتتابع
20. هنا ييجي دور جزء من فريق ج تاني بين N2 وN3، هيوقّفوا الظرف،هيفتحوه، هياخدوا الرسالة، مش هيفهموها بسبب الشفرة، هيضعوا بدلها في الظرف رسالة أخرى مغلوطة مُجهّزة سابقاً (نص صريح غير مُشفّر به كلام ليس له فائدة بالنسبة لفريق أ) ويمرروها كما لو تكن الرسالة الحقيقية
21. يوصل الظرف ل N3 ويمررها عادي ل N1
22. نقطة N1 تمسك الظرف، تقرأ عليه "فريق أ فقط مسموح له استلام الرسالة"، وهي عارفة (مجازاً) إن المُستقبِل حالياً أ1 هو المحطة القادمة، تُخرج الرسالة من الظرف وتمررها ل أ1
23. فريق أ1 يستلم رسالته، هيلاقوا رسالة ظاهرة غير مُشفّرة وليست رد على رسالتهم السابقة، هيكتشفوا إن أكيد فيه خطأ
24. تنتهي اللعبة ونرجع كلنا لأماكننا ونبدأ نسمع منهم تعليقاتهم ونعقّب ونتناقش ونشرح معهم المفاهيم اللي مرينا بها أثناء خطوات اللعبة