سجل مرشح الإساءة

'==اليوم== الأحد ==التاريخ== 12 مارس ==الحضور== كل فريق أضف معادا ( رأفت - كاميليا - سحارتي - عماد - سلطان - يوسف عفيفي) *(الاجتماع الأسبوعي مكمل معانا الفرق اننا مرة حناقش المهام ومرة نقاش مؤسسي عام/دردشة/فضفضة، ونتكلم فيه عن مهام و الإنجازات و التحديات له علاقة بالـ 3 وحدات و أنشطتهم كل اسبوعين لان في حاجات مؤسسية كلنا معنيين بها لكن في ضرورة لاجتماع كل اسبوع نناقش فيها حاجات مؤسسية ، المساحة، التشبيك بشكل عام ) *بدأنا الاجتماع بنشاط صباحي من جمعه على شوية استرتشات :)) ==أولاً:- نقاش عام بين أعضاء فريق أضف== رنوة : 1- هنعمل ريتريت قريب الفترة الجاية، لسهولة التواصل ودمج الفريق في جميع الأنشطة والوحدات، ثم اقترحت على الفريق ان اي حد عنده نقاش حوالين انشطة معينة محتاجين نعملها و ننفذها الاول على فريق أضف ومن ثم مشاركتها مع الجمهور الخارجي بمعنى اننا كفريق نكون التجربة الاولى لاي نشاط جديد، ومن هنا بدأت الناس تتكلم وتقترح انشطة مثل:- لمياء سعيد : تعرف واحده شغاله freelance متابعة وتقييم وتقدر تساعدنا، ولميا هتتواصل معاها وتظبط مع فلكس الوقت واليوم المناسب للتعرف عليها ومن ثم تنفيذ ذلك، كمان ايه السقا عندها نفس الاقتراح. سمكة : محتاجين نعمل course marketing واللي مهتم من الفريق يشارك فيه فا محتاجين نعمل ده. رنوة : زي ابو سلمى مع عمل كورس اكسيل وعايزين ننفذه كمان محتاجين كورس انجليزي،و كمان مهم يكون عندنا نظم موحدة في إدارة البرامج وباقي المشاريع. عم مهدي : الفعاليات زادت والمساحة تشيل، خلونا نفكر ازاى نرفع من مستوى المساحات، ونعمل ورش اكتر عشان المساحات في أضف تقدر تشيل كذا ايفينت في نفس الوقت. اسلام شبانة : اتفقت مع عم مهدي اننا ندهن الدور الارضي والدور الاول، كمان عندنا 4 شاشات عشان الاركيد في المعرض الخاص بالاقامة، وبعد المعرض نقدر نستغلهم اننا نوزعهم في المكان على حسب احتياج كل مكان فمثلا (الدور الاول نقدر نحط شاشة تكون عليها الكالندر وفي الدور الأرضي نحط شاشة تكون بتعرض الفعاليات المختلفة اللي هتحصل الفترة الجاي)، ومحتاجين في الدور الأرضي اسبوتات الاضاءة بدل الاباجورات. رنوة : على عزمي اقترح عليا اننا نكمل العاب الاركيد بعد الإقامة كمان للجمهور، ومن هنا دخلنا في انشطة رمضان الشهر الحالي بجاتو : نقدر نعمل أنشطة في رمضان (بلايستيشن / فطار رمضان ) وقبل رمضان الزينة الرمضانية. رنوة : محتاجين نفكر في أنشطة ولو حد عنده نشاط ممكن يفكر في تنفيذه هيكون عامل ازاي و هيحتاج مين من فريق العمل للمساعدة، لانها مش مسؤولية نادية واسلام وسلمى فقط. سلمى : انا ببقا عايزة اقول اني محتاجه مساعده في الشغل لكن مش عارفة اقول لمين!. رنوة : تقدري تقولي وتتكلمي مع الناس واللي هيكون قادر يساعد هيساعد، اغلب الناس هنا لو طلبتي منهم مساعدة هيكونوا موجودين لكن نتكلم مع بعض. اسلام شبانه : ماكينة الطباعة اتصلحت تحت وعايزين نحطها في التاني ومش عارفين نطلعها، لكن هنطلعها ان شاء الله :)) نادية : نعمل Recycling للزبالة، في مبادرة بيكيا ممكن نتواصل معاهم، وجمعية حماية البيئة بيصنعوا شنط وحاجات كتير، وسمكة و رنوة اقترحوا اننا نتواصل مع جمعية حماية البيئة ونعمل ممارسات صديقة أكثر للبيئة. رنوة : فطار رمضان محتاجين نحدده ونعمل ده، وفلكس هيشوف مع ناديه يوم فاضي ويبعت لباقي الفريق. فلكس : محتاجين نحدد يوم لتقفيل اسامي المساحات، وتم تحديده وهو يوم الثلاثاء بعد الاقامة 28 مارس وهبعت بيه كالندر. سهيلة : شغاله على المعرض، و المطبوعات هنشتغل عليها قبل ما الاقامة تخلص، وطلبت مساعده في illustrator واسلام شبانة يقدر يساعدها. زياد وبجاتو : السور اللي تحت محتاجين نعمل ورشة او يوم ونرسم في المهكر، ممكن يكون نشاط رمضاني، وهنا رنوة أضافت أن في رسومات في أضف القديمة محتاجه تشوفها هنا، ممكن رنوة تبعت لو في حاجة محددة محتاجاها، وانا فلكس في حاجه كانت على بالي لما رنوة قالت كده في يا اما جملة او رسمه هرجع افتكر بردو ونعملها. سمكة : اقترحت ان يوم 2 أبريل نعمل دعوة للمتنوعيين عصبياً ونرسم جرافيتي، ورنوة وافقتها في الموضوع، كما انها اضافت اننا محتاجين نعمل دعوة للناس اللي عندها تجربة مع المتنوعين عصبياً، وان على فريق الميديا انه mainstream media اللي بتوصل المنتج البصري (وصف الصور) وهو ما توصف بشكل كويس ومناسب، فا محتاجين نشوف هنجهز لي ده ازاى وايه هي الأنشطة التي تنفذ لو في اقتراح تاني بجانب الرسم، ومن هنا نادية منير قالت ان خلال شهر أبريل عندنا:- 1- ماراثون كتابة بما انها رجعت تتعمل بانتظام ربع سنوي :- هيكون زي ورشة على مدار 3 او 4 ايام، مشترك فيه مهند حاج بشكل كتابي ويكون المخرجات الخاصة بالماراثون بودكاست أو مقال كتابي فيما يدعم المتنوعين عصبياً. 2- سيما دكة :- ودي تم تنفيذها الاسبوع اللي فات بعد توقف دام لسنتين :- وتم التواصل مع بسام مرتضى مخرج مصري، بسام هيعمل بحث عن الشخصيات السينمائية اللي اتكلمت عن المتنوعين عصبياً ويشوف حد تاني معاه. مجدي : اتفرّجوا كدا على الفيديوهات دي علشان تاخدوا فكرة عن مستودون، الشبكة الاجتماعية المفتوحة الموزّعة الفدرالية (العظمى) ال فيها ملامح من تويتر وفيسبوك: What is Mastodon? https://www.youtube.com/watch?v=IPSbNdBmWKE Distributed social media - Mastodon & Fediverse Explained https://www.youtube.com/watch?v=S57uhCQBEk0 How to use Mastodon.social https://www.youtube.com/watch?v=WTP1GK4YOG8 وتم تجريبه اوقات الكورونا والناس تحمست وقتها لكن محدش جرب، فا محتاجين نرجع تاني نتحمس له ونشتغل عليه وهو اننا نقدر نفتح عليه نقاشات كمؤسسة و أشخاص ومشاريع فا محتاجين نستخدمه ال3 شهور كتجربة ونشوف هنكمل عليه ازاي ونطور شغلنا عليه، وبعت فيديوهات شرح لي بصوا عليه وشوفوا، bitwarden، لحفظ الباسوردات، وكمان CHATGPT ، ممكن نبني بيه مناهج للمشاريع ويساعدنا في حاجات ليها علاقة بشغلنا، فاللي عايز يعمل اكونت عليه بس يستخدمه ده متاح، ومهم جلسات الامان الرقمي نرجع نعملها تاني عشان ده ضروري، وده هيبدأ من الشهر الجاي، وهيكون في شبكة VPN، لسه هنعملها وهتخلص الشهر الجاي، سمكة :- هل في بديل لجوجل درايف عشان المساحة. مجدي : عماد كان عامل next cloud لكن محدش استخدمه، لكن هنرجعه ونستخدمه. رنوة : ساعتين في الاسبوع يكون في سيشن تقني وتأهيل لباقي الفريق على استخدام المنصات المختلفة. زياد : لاب توب دكة عايزين نغيره. رنوة : زياد ومجدي شوفوا عروض اسعار و لاب مناسب و هنتحرك ونشترية. ==ثانياً:- نقاط هامه== * ملحوظة:- الاسبوع اللي بعده اول 5- 10 دقائق هنبص عليه أثناء الاجتماع و نشوف ايه اللي خلص و اللي لسه ما خلصش وايه سبب العطلة و اقتراح ميعاد اخر للانتهاء من المهمة دي وهكذا. {| class="wikitable" |+ style="caption-side:bottom; color:#e76700;"|''Action Plan'' |- ! م !! النشاط / المهمة !! الشخص المسؤول !! تاريخ انجاز / تسليم |- | حد || اجتماع تكملة تسمية المساحات || حسام فلكس هيبعت كالندر لباقي الفريق || الاجتماع بتاريخ 21 فبراير |- | اتنين || تدريبات الأمان الرقمي || فريق وحدة التقنية || بداية من شهر أبريل (محتاجين نعرف امتى بالظبط) |- | تلاته || التواصل مع جمعية حماية البيئة فيما يخص الـ Recycling || لمياء سعيد / حسام فلكس || هنبدأ نتواصل معاهم في خلال الاسبوع الحالي ونبلغكم في الاجتماع القادم بتاريخ 19 فبراير |- | اربعة || سيما دكة وماراثون كتابة في ابريل || فريق وحدة الفن والثقافة || 1- في مرحلة التواصل مع بسام مرتضى فيما يخص سيما دكة. 2- في مرحلة التواصل مع مهند حاج فيما يخص ماراثون كتابة. *ومن بعد تجهيز المحتوى والتصميم سوف يتم الإعلان عن الأنشطة |- | خمسة || الإفطار الجماعي في اضف(رمضان) || نادية منير / فلكس / زياد اسامة || خلال الأسبوع الحالى سوف يتم تحديد ذلك اليوم ومعرفة باقي فريق أضف |- | ستة || ورش رمضانية || فريق اضف || اعتقد في خلال الاسبوع ده يكون عندنا خطة واضحة بالأنشطة اللي هتم في رمضان غير يوم الإفطار الجماعي. |- | سبعة || تدريب الاسعافات الاولية || لمياء سعيد || لمياء تقدر تحدد ده مع باقي الفريق |- | ثمانية || movies night / gaming لفريق أضف || مجدي اقترح ده على فريق أضف. || لما نحدد يوم مناسب للجميع. |- | تسعة || شراء لاب توب لدكة جديد || زياد اسامة مع مجدي || يجيبوا عروض اسعار ويشوفوا لاب مناسب و يبعتوا. |- | عشرة || منصة لل agile علشان ندير المهام بينا || فريق وحدة التقنية || لم يتم تحديد استلام ذلك ولكن فريق وحدة التقنية شغالين عليه. |} [[تصنيف:محاضر الاجتماعات الاسبوعية]] [[تصنيف:محاضر اجتماعات]]'