مدارس أضف 2018

من ويكي أضِف
اذهب إلى: تصفح، ابحث
مدارس أضف 2018.jpg

مدارس أضف 2018 (سملاّحات) هي الدورة الثالثة لمشروع مدارس أضف بجهود ذاتية من عدد من المدربين وادارة أضف بعد انتهاء فترة دعم المشروع.

التجهيز للمدارس

تقييم التجربة

اجتمع فريق مشروع المدارس مع الُمُُيسرين والمؤسسات الشريكة في 18 مارس 2018 لتقييم وتحليل تجربة المدارس خلال 2016 و 2017 وقيم المشروع ومؤشراته وما إذا كان هناك حاجة لإضافة قيم جديدة أو تطوير القيم الحالية للمشروع.

تطوير التجربة

مدربي ومدربات مدارس أضف 2018

مع إنتهاء الدعم للمشروع المدارس تحمس عددًا من المدربين لاستمرار المدارس للسنة الثالثة على التوالي؛ حيث أظهرت نتائج المتابعة والرصد تطورًا إيجابيًا ملوحظًا في العلاقة بين المشاركين والتجربة المقدمة بالمدارس وفي العلاقات بينهم البعض، بالإضافة إلى المستوى الذاتي من اكتساب ومهارات ومعارف وسلوكيات.

بدأت المرحلة الأولى من التجهيز للمدارس خلال عددًا من الاجتماعات الدورية بين المدربين وعمرو جاد مسؤول مساحة دكة أضف، ثم تبعها معسكر في صندوق الفرجة لمدة 5 أيام كانت أهدافه الوصول لصيغة دمج بين المهارات المختلفة في المجالات الأربعة (الفيديو - الصوت - التعبير البصري - الحوسبة) وشكل عملي لتنفيذ التجربة.

التسمية

سميت مدارس أضف 2018 بالسملاّحات، واختار فريق المدربين هذه التسمية لإن تبديل حروفها تتنتج كلمات مختلفة مثل تجربة المدارس لهذه السنة.

  • مساحات؛ مساحات حُرّة للتعبير والاستكشاف ومساحات ك اماكن هتدعم تنفيذ التجربة زي دِكَّة أضِف.
  • ملّاحات؛ مورد طبيعي بيُستخرج منه الملح اللي بيدخل في صناعات كتير في حياتنا بعد كدة، زي المنهجية اللي شغالين بيها "استخدام المُتاح من موارد لتنفيذ ورش المدارس الصيفية".
  • حلم؛ الموضوع ابتدى بحلم صغير على قعدة قهوة وقعد يكبر ويتطور.
  • سحلة: بتعبر عن كم المجهود والشغل حوالين التجربة.

منهجية وشكل المدارس

يقوم مُدربيّن من مجالين مختلفين وسنفوران بمهام التيسير في كُل مدرسة.

يمُر المحتوى المهاري المُقدم في كل مجموعة بمهارات متنوعة من الأربعة مناهج آخذاً في الاعتبار الحد الأدنى من المعارف لكل منهج. حيث يتعرض المشاركون/ات لتيمات مُختلفة ومشروع كُل تيمة يكون نواة لدمج المهارات المختلفة من الأربع مسارات.

السنافر

استكملت المدارس هذه السنة بتطوير تجربة مشاركة السنافر ممن قد سبق لهم وشاركوا في المدارس 2016، لمساعدتهم في تيسير الجلسات، كجزء من عملية تمكينهم من المهارات الخاصة بالمناهج بشكل أعمق، واكسابهم مهارات جديدة في التيسير والتواصل. ويشارك في كل مجموعة من مدارس أضف اثنين من السنافر.

السنفور/ة صورة نبذة
منة أبو العزم منة أبو العزم.jpg أنا منة ،سنفورة كنت موجودة في ورشة التفكير الحوسبي السنة اللي فاتت. بحب الكتب والروايات وبحب أشوف الحاجات اللي اتعلمتها وهي بتتنفذ عشان كدا بحب الكودز.

متحمسة جدا إني هساعد و هكون فأضف السنة دي كمان

أحمد حاتم أحمد حاتم.png أنا بحب المزيكا والسينما وبحب أوصل الي أنا عايزه عن طريق مزيكتي وأفلامي ومبسوط إني هشارك كسنفور وهخوض تجربة جديدة.
مريم سيد مريم سيد.jpg
يحيى جمال يحيى جمال.jpg شاركت في ورشه التعبير البصري أول سنة في مشروع شمشر وتاني سنة كنت في ورشة الفيديو.

بحب الكلاب وبحب البانيه وبحب الرسم وإني ألعب وممكن في اللعب دا أطلع حاجات مفيدة وبحب إني اخش في تحديات جديدة وكبيرة عشان أعرف أنا هقدر أوصل لإيه وأعديه وبالنسبه ليا أن دمج الأربع مجالات مع بعض دا تحدي مش وحش وعايز إن المشروع السنة دي ينجح.

رقية نور رقية نور.jpg أنا رقية بحب الألوان و بلعب كاراتيه و بحب المغامرة و بحب أجرب حاجات جديدة و ديه السنة التالتة ليا في أضف والسنة التانية ليا كسنفورة.

أضف من أحسن التجارب اللي عدت عليا بجد.

سميح وجدي سميح وجدي.jpg أنا موحا السنفور بس كدا خلاص. صباح الفل
جنة رفعت جنة رفعت.jpg أنا چنة عندي 13 سنة اشتركت في دورة أضف السنة اللي فاتت، و أضف من الأماكن المفضلة بالنسبالي لإن المكان علمني إني أتقبل رأي الغير، إلى جانب مهارات تانية كتير.

و كوني سنفورة السنة دي أنا متأكدة إنه هيساعدني إني أنقل التجربة لناس أكتر بطرق أحسن و اللي ممكن يبقي جزء من تقديمه الexperience بتاعتي كواحدة من سنهم و شغفي بالمتعة و الفن و الفكر الجديد❤️

يوسف جمال يوسف جمال.jpg اسمي يوسف 16 سنة وشاركت في السنة اللي فاتت في ورشة الحوسبة و السنة اللي قبلها في ورشة الصوت و الموسيقى و طلعت معسكر الفتية 2013 و السنة دي مبسوط إني هبقى سنفور

الهدف من التجربة

  1. التعرض إلى مهارات ومعارف من خلال دمج مسارات الفنون البصرية والسمعية المُختلفة والتفكير الحوسبي.
  2. تنمية مهارات الفتية والفتيات السلوكية والجماعية والتواصل وتعزيز ثقتهم بأنفسهم وبقدراتهم.
  3. التعرُّض لمفاهيم الثقافة الحُرّة.
  4. تدريب عدد 8 من السنافر.
  5. تمكين وتعرض عدد 80 فتي/فتاة من أعمار 12 إلى 15 عام من/إلي إستخدام الأدوات الرقمية الحُرّة وتنمية مهاراتهم في التعبير عن الذات والإبداع والتفكير النقدي والمسؤولية وقبول الآخر وتشارك المعرفة.

الفريق

المدربين

المدرب/ة صورة نبذة
صفارة صفارة.jpg اسمي صفارة، بحب العب بالفيديو واعمل دوشة بالمزيكا وبتعلم أكتر عن البرامج الاوبن سورس، صحابي بيقولوا اني بعكرت (شقاوة) دايما مينفعش أقعد هادي.. بحب احط ورد في شعري وبعشق الايس كريم وبحب المزيكا والرقص والحركة ومش بحب المدرسة والجامعة وبحب اسوق عجل وعربيات وطبعا البحر والبلبطة.

مستنيكم في السملاحات نجرب ونلعب ونرقص ونضحك ونتعلم.. 🌸🐧بطريق وورد وبطيخ كتيير.

حازم شلتوت حازم شلتوت.jpg حازم، بالعب مع الكمپيوتر والفلاشات وكدا، مهندس، بابوّظ أجهزة، أو يمكن بادعبس علشان أصلّحها، أو نتصاحب أو مش مهم.. مش باحب التصنيف، بلاش "بتوع الكمپيوتر/الجِيكس/المُبرمجين/الناس الغريبة دي"، احنا ناس عادية، أو يمكن أنا مش منهم (لو لازم تصنّفوا يعني).. باحب الفنون البديلة/المُستَقِلّة ومُتابع لها في مُعظم الأوقات، مزيكا، مسرح، رقص، أفلام، حكي.. بس كدا، يللا نلعب وندعبس ونعبّر؛ يمكن.. نشوفكم، سلامات.
أسماء عزوز أسماء عزوز.jpg أسماء فرج عزوز كائن صوتي، تخرجت وعملت ماجستير في كلية التربية الفنية وبحب مجال دراستي الفنون البصرية، بس بشتغل بتاعت مزيكا الكترونية وبعمل حفلات وموسيقى تصويرية معاصرة. بحب التجريب واللعب واتعلم حاجات كتير وأعلم اللي اتعلمه، بحب السفر والمسرح والرقص وعصير القصب بالليمون والفاشون وتصميم المجوهرات وحاليا بعلم نفسي الخياطة. متحمسة جدا لمدارس الصيف السنادي لانها تجربة مختفة عن اي سنة فاتت. في السنتين اللي فاتو كنت مدربة صوت وموسيقى ومطورة للمنهج، بس السنادى مدربة سملاحات.... مستنياكم نكتشف الشئ ده مع بعض
رمزي (محمد سعيد) رمزي.jpg محمد سعيد حافظ عبد الرحمن علي .. واختصار لكل ده ( رمزي ) بشتغل مدرس و رسام قصص مصورة وكتب اطفال كل يوم بحاول اتعلم حاجة جديدة وده اللي خلاني اشارك في ورش كتير كان اهمهم مشروع (شمشر) واللي بسببه بقيت واحد من مدربين التعبير البصري وكمان مطور للمنهج بعد كده ،انا بحب المسرح وكانت ليا تجارب لطيفة وكمان بحب المزيكا بس تجاربي معاها كلهاااااااا باءت بالفشل ..ده تقريبا ملخص لكل حاجة عني ..اتمني نتقابل قريب أكيد حتعلم منكم حاجة جديدة😉
روبي أحمد روبي.jpg برج الدلو 🙂 بحب دايمًا أجرّب حاجات جديدة ومختلفة عشان دي أحسن طريقة بتعلم بيها وبكتشف أكتر عن نفسي، وده اللي حمسني لتجربة السنة دي، مهتم بالفنون عمومًا وبالسينما بشكل خاص بسمع مزيكا كتير، وهوايتي الأوريجامي والمونتاج والتصوير الفيديو والفوتوغرافي وحاجات تانية متنوعة كتير هتعرفوها عني لما نتقابل 🙂

يالا أشوفكم السنة دي في #سملّاحات_شمشر اللي هي تجربة دمج بين مناهج شمشر الرقمية "الفيديو والتعبير البصري والصوت والموسيقى والتفكير الحوسبي"، دي تجربة تشاركيّة بنعملها لأول مرة ومتحمسين نجرّبها ونطوّرها معاكم.

ايه كمان وبس كده 🙂 مستنينكم.

جلال جلال.jpg أحمد عبد المقصود الشهير ب أحمد جلال خريج فنون جميلة ولسه بحاول أعرف ارسم . مصصم جرافيكي بلعب بالكمبيوتر عشان تطلع قماش. مدرب فنون بصرية من 2010. مدرب منهج التعبير البصري بمدارس أضِف الصيفية 2017/2016 ... بحاول ألعب وأتعلم وأعلم .
لمياء مجدي لمياء مجدي.jpeg اسمي لميا، أول حاجة جت في دماغي عن نفسي إني بحب التحديات وتكسير المٌسَلمات، بالنسبالي التحديات هي اللي بتخليني طول الوقت أكتشف واتعلم حاجات جديدة وكمان أكتشف حاجات جديدة عن نفسي. مُهتمة بالسينما والمزيكا والرسم والعكرتة في البرامج الأوبن سورس وبحب الرقص والضحك والكلاب والسبانخ وبعرف أقص شعر ودقن. زي ما في ناس المكان المثالي للتفكير والتأمل بالنسبالهم هو الحمّام، أنا مكان التفكير الأمثل بالنسبالي هو وانا بسوق سوكة عربيتي، خاصة وأنا ماشية من غير هدف وبسمع المزيكا اللي بحبها.. بس بيبقى في مشكلة صغيرة، إني أول ما أوصل لمكان وأنزل من العربية بنسى كُل شيئ ولا أكني كنت بفكر في أي حاجة 🙂
عمر كيال عمر كيال.jpg عمر كيال، بشتغل منتج موسيقي ومصمم صوت وبحب الأفلام والحفلات

الإدارة

  • المسؤول الإداري والتنفيذي؛ لمياء مجدي
  • مسؤول المتابعة والتقييم؛ منة الله رضى
  • استشاري المتابعة والتقييم؛ هبة اسكندر
  • مسؤؤول المساحة؛ عمرو جاد

مساحات شريكة

المحتوى والجلسات

الدمج

طور منهج جديد مبني على نقاط معرفية مُحددة من الأربعة مناهج، ونقاط الربط ما بينهم. والمدارس الصيفية تكون أربعة مجموعات من المُشاركين كُل مجموعة منهم بتشتغل على "تيمة" أو عدد من التيمات وكُل تيمة بيكون ليها مشروع أو مُنتَج علشان يطلع لازم نعدي بعملية ليها تسلسل منطقي للربط ما بين المناهج. ومُسيرين المجموعة هيعلموا بعض مناهجهم ويكونوا على إلمام بالمحتوى المطلوب بالأربع مناهج ويكون لكل مجموعة مُيسر من كُل مجال لضمان التعدُدية والتكامل.

الحد الأدنى من المهارات المكتسبة

المجال المهارات
التعبير البصري
  • الرسم وأدواته المختلفة.
  • مفهوم العلاقة بين المرسوم والفراغ ونظرية الأثلاث والقطع الذهبي.
  • الفوتوغرافيا وانواع الزوايا واحجام اللقطات والإضاءة واستخدام الكروما. 
  • فن الكولاج والخط كوسائل للتعبير.
  • مبادئ التصميم والرسم الرقمي. 
الفيديو
  • احجام اللقطات وزوايا الكاميرا وحركتها.
  • عناصر التكوين والخلفيات.
  • اعدادات الكاميرا والتحكم في مثلث التعريض.
  • القصة والسرد والبناء الدرامي.
  • مفاهيم ومهارات المونتاج.
  • فن الستوب موشن.
الحوسبة
  • استخدام نظام تشغيل جنو/لينُكس
  • فهم ما هو الحاسوب وما خصائصه ومفهوم الذاكرة.
  • عملية ترميز البيانات رقمياً في الحاسوب التعامل مع سطر الأوامر.
  • فهم ماهية البرمجة والتعرف على لغات البرمجة المختلفة.
الصوت والموسيقى
  • التسجيل المتنقل وتحسين الصوت.
  • المزج الصوتي الغير حي.
  • المؤثرات الصوتية والدينامكس.
  • طبيعة الصوت وانتقاله.
  • الإيقاع وكتابة النوتة الايقاعية.

إحصائيات وأرقام

عدد المشاركين

  • 96 مشارك و مشاركة من سن 12 -15 سنة.

عدد المساحات

  • دكة وباشكاتب.

عدد المدارس والمدربين

  • 5 مدارس.
  • 10 ميسرة وميسر.

نماذج من مشاريع المشاركات/ين

حفل الختام

حفل ختام مدارس أضف 2018.png